၂ ကရံၣ်သူး 13:5 - Sgaw Karen Common Bible

⁵ ဒိးတၢ်မၤကွၢ်လၢသုနီၢ်ကစၢ်ဒၣ်သုဝဲဒီးစံၣ်ညီၣ်လီၤက့ၤသု သးဒၣ်သုဝဲ, ဒ်သိးသုအိၣ်မူလၢတၢ်စူၢ်တၢ်နာ်အပူၤကစီ ဒီဧါတအိၣ်မူလဲၣ်န့ၣ်သုကသ့ၣ်ညါဘၣ်သုဝဲအဂီၢ်န့ၣ် တက့ၢ်. မ့တမ့ၢ်လၢသုလီၤတိၢ်သုဝဲလၢာ်လၢာ်ဆ့ဆ့လံဘၣ် န့ၣ်, သပှၢ်ကတၢၢ်သုသ့ၣ်ညါလၢယ့ၣ်ၡူးခရံာ်အိၣ်လၢသုပူၤလီၤ တမ့ၢ်ဘၣ်ဧါ.

၂ ကရံၣ်သူး 13:5 Iomraidhean Croise

စံးထီၣ်ပတြၢၤ 119:59

တုၤယဆိကမိၣ်ထီၣ်ယကျဲတဖၣ်န့ၣ်ဒီး, ယဃၣ်ကွံာ်ယခီၣ်ဆူ နတၢ်အုၣ်နသးတဖၣ်အအိၣ်န့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 26:2

ဃုကွၢ်ယၤဒီးမၤကွၢ်ယၤ, ယွၤဧၢ, စံၣ်ညီၣ်ယသးအတၢ်ဆၢန့ၢ်ဒီး ယတၢ်ဆိကမိၣ်တဖၣ်န့ၣ်တက့ၢ်.

လံာ်ယံးရမံယၤ 6:30

အဝဲသ့ၣ်ကဘၣ်တၢ်ကိးအီၤလၢတၢ်ကမူၣ်ကမှီလၢအလုၢ်အပှ့ၤတအိၣ်, မ့ၢ်လၢယၤ, ယွၤအံၤ, ယညိကွံာ်လံအဝဲသ့ၣ်အဃိလီၤ.”

လံာ်သးသယုၢ်တၢ် 3:40

မ်ပကွၢ်ထံက့ၤပကျဲတဖၣ်လီၤတံၢ်လီၤဆဲးဒီးဃၣ်ကဒါက့ၤပသး ဆူယွၤအအိၣ်တက့ၢ်.

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်ဃးကဲ 1:5

တၢ်မနုၤမၤအသးဒီးသုလဲၣ်န့ၣ်, မ့ၢ်သုတထံၣ်ဘၣ်ဧါ.

လံာ်ဃးကဲ 1:7

ဘၣ်မနုၤတၢ်အံၤမၤတ့ၢ်အသးလဲၣ်န့ၣ်, သုထံၣ်တသ့ဘၣ်ဧါ.

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

လံာ်ယိၤဟၣ် 15:4

အိၣ်ဆိးသုဝဲလၢယပူၤ, ဒီးယကအိၣ်ဆိးယဲလၢသုပူၤလီၤ. ဒ့တဒ့အိၣ်ဒၣ်အတၢ်န့ၣ်သၣ်ထီၣ်ဝဲတသ့ဘၣ်. သၣ်ထီၣ်ဝဲသ့ဖဲဒၣ်လၢ အအိၣ်စဲဘူးဒီးစပံးမုၢ်န့ၣ်လီၤ. ဒ်န့ၣ်အသိး, သုမ့ၢ်တအိၣ် တဆိးလၢယပူၤဘၣ်ဒီးသုသၣ်ထီၣ်တသ့ဘၣ်လီၤ.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”

လံာ်ယိၤဟၣ် 6:56

ပှၤတဂၤလၢ်လၢ်လၢအအီၣ်ယညၣ်ဒီးအီယသွံၣ်န့ၣ်မူလၢယပူၤ, ဒီးယမူလၢအပူၤလီၤ.

လံာ်ယိၤဟၣ် 6:6

(အဝဲစံးတၢ်အံၤမ့ၢ်ဒၣ်လၢကမၤကွၢ်စီၤဖံလံးပူးအဂီၢ်န့ၣ်လီၤ. နီၢ်နီၢ်တခီအဝဲကမၤဝဲဒ်လဲၣ်န့ၣ်, အကစၢ်ဒၣ်ဝဲသ့ၣ်ညါပာ်စၢၤဝဲန့ၣ်လီၤ.)

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 8:10

ဘၣ်ဆၣ်, ခရံာ်မ့ၢ်မူလၢသုပူၤဒီး, လၢတၢ်ဒဲးဘးအဃိသုနီၢ်ခိတဖၣ်မ့ၢ်သံသနာ်က့, ယွၤအသးမ့ၢ်တၢ်မူလၢသုဂီၢ်အဂ့ၢ်မ့ၢ်လၢသုဘၣ် တၢ်ပာ်တီပာ်လိၤသုအဃိန့ၣ်လီၤ.

1 ကရံၣ်သူး 11:28

မ်ဒ်န့ၣ်ဒီး, ပှၤကိးဂၤဒဲးကြၢးသမံသမိးဆိလီၤအသးဝံၤအလီၢ်ခံ, အီၣ်အဝဲန့ၣ်ဒီးအီတၢ်လၢလီခီအဝဲန့ၣ်အပူၤလီၤ.

1 ကရံၣ်သူး 11:31

ပမ့ၢ်သမံသမိးဆိလီၤက့ၤပသးဒီး, တမ့ၢ်လၢပကဘၣ်ယွၤ အတၢ်စံၣ်ညီၣ်ဘၣ်.

1 ကရံၣ်သူး 3:16

သုသ့ၣ်ညါသပှၢ်တၢၢ်လၢသုမ့ၢ်ယွၤအတၢ်လုၢ်ဟံၣ်, ဒီးယွၤအသးစီဆှံအိၣ်ဝဲဆိးဝဲလၢသုပူၤကစီဒီလီၤ တမ့ၢ်ဘၣ်ဧါ.

1 ကရံၣ်သူး 6:15

သုသ့ၣ်ညါသုဝဲလၢသုနီၢ်ခိတဖၣ်မ့ၢ်ဝဲက့ၢ်ဂီၤတဖၣ်လၢ အဘၣ်ထွဲဒီးခရံာ်အနီၢ်ခိန့ၣ်လီၤ. မ့ၢ်ယကဟံးန့ၢ်က့ၢ်ဂီၤတခီလၢအဘၣ်ထွဲဒီးခရံာ်အနီၢ်ခိ ဒီးဒုးကဲထီၣ်အီၤက့ၢ်ဂီၤတခီလၢအဘၣ်ထွဲဒီးဃဲသဲမုၣ် အနီၢ်ခိန့ၣ်ဧါ. တသ့ဘၣ်.

1 ကရံၣ်သူး 6:19

မ့ၢ်သုတသ့ၣ်ညါလၢသုနီၢ်ခိမ့ၢ်တၢ်လုၢ်ဟံၣ်ဘၣ်ဃးဒီးသး စီဆှံ, လၢအအိၣ်ဝဲဆိးဝဲလၢသုပူၤ, ဒီးဘၣ်တၢ်ဟ့ၣ်သုလၢ ယွၤန့ၣ်ဘၣ်ဧါ. သုတဘၣ်ဃးဒီးသုနီၢ်ကစၢ်ဒၣ်သုဝဲဘၣ်, မ့မ့ၢ်သုဘၣ်ဃးဒီးယွၤလီၤ.

1 ကရံၣ်သူး 6:2

မ့ၢ်သုတသ့ၣ်ညါလၢယွၤအပှၤဂီၢ်မုၢ်ကစံၣ်ညီၣ်ဟီၣ်ခိၣ်ဘၣ်ဧါ. မ့မ့ၢ်ဒ်န့ၣ်ဒီး, သုမ့ၢ်ဘၣ်စံၣ်ညီၣ်ဟီၣ်ခိၣ်န့ၣ်, မ့ၢ်သုတအိၣ်ဒီး တၢ်သ့တၢ်ဘၣ်လၢသုကစံၣ်ညီၣ်တၢ်ဂ့ၢ်ဆံးကံာ်ဆံးကိာ်ဖိ တဖၣ်ဘၣ်ဧါ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

1 ကရံၣ်သူး 9:27

ယမၤဆူၣ်မၤကိၤထီၣ်ယနီၢ်ခိခီဖျိတၢ်ထိတၢ်တီၢ်တဖၣ်ဒီး ကတဲာ်ကတီၤအီၤဒ်သိးအကအိၣ်လၢတၢ်ပၢၤဃာ်အီၤဃံးဃံး အဖီလာ်အဂီၢ်, ဒ်သိးဒီးယမၢဃီၤပှၤဆူတၢ်ပြၢဝံၤအလီၢ်ခံဒီး ယသုတဘၣ်တၢ်ညိကွံာ်ယၤတဂ့ၤအဂီၢ်န့ၣ်လီၤ.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

ကလၤတံ 6:4

ပှၤတဂၤဘၣ်တဂၤကြၢးစံၣ်ညီၣ်အကစၢ်ဒၣ်ဝဲအသကဲာ်ပဝးဒီး အတၢ်မၤန့ၣ်လီၤ. တၢ်လၢအမၤတ့ၢ်ဝဲမ့မ့ၢ်တၢ်အဂ့ၤဒီးအဝဲပာ်ကဖၢလၢအသး လၢတၢ်လၢအမၤတ့ၢ်ဝဲအဃိသ့, ဒီးအလီၢ်တအိၣ်လၢအကထိၣ်သတြီၤဝဲဒီးတၢ်လၢပှၤဂၤတဖၣ် မၤတ့ၢ်ဝဲန့ၣ်ဘၣ်.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 2:19

ပှၤဒ်အံၤတဖၣ်တဟံးဃာ်လၢၤခရံာ်လၢအမ့ၢ်တၢ်အခိၣ်, လၢအပၢနီၢ်ဒီဂၤညါ, ဟ့ၣ်ဂံၢ်ဟ့ၣ်ဘါဒီးဟံးဃာ်အီၤတပူၤဃီခီဖျိအဆၢဒီးအထူၣ် အပျၢ်တဖၣ်ဒီးလၢအဒုးဒိၣ်ထီၣ်နီၢ်ခိဒ်ယွၤအဲၣ်ဒိးဝဲအသိး, န့ၣ်လၢၤဘၣ်.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ တံၤမသ့း 2:15

ဘၣ်ဆၣ်ဒီးပိာ်မုၣ်မ့ၢ်အိၣ်ဂၢၢ်ဆိးကျၢၤလၢတၢ်စူၢ် တၢ်နာ်, တၢ်အဲၣ်တၢ်ကွံ, ဒီးတၢ်စီတၢ်ဆှံအပူၤအိၣ်ဒီးတၢ်ပာ်သး သညူးသပှၢ်န့ၣ်, အဝဲကဘၣ်တၢ်အုၣ်က့ၤခီၣ်က့ၤအီၤခီဖျိလၢအအိၣ်ဖိအိၣ်လံၤ အဃိန့ၣ်လီၤ.

၂ တံၤမသ့း 3:8

ဒ်စီၤယၣ်နံၤဒီးစီၤယၣ်ဘြံၤထီဒါစီၤမိၤၡ့အသိးန့ၣ်, ပှၤတဖၣ်အံၤထီဒါစ့ၢ်ကီးတၢ်မ့ၢ်တၢ်တီဒီးမ့ၢ်ပှၤတဖၣ် လၢအဆိကမိၣ်ဆိကမးတၢ်တဘၣ်ဒီးလီၤတိၢ်ကွံာ်လၢ အတၢ်စူၢ်တၢ်နာ်န့ၣ်လီၤ.

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

တံတူး 2:2

သိၣ်လိပှၤလၢအသးပှၢ်တဖၣ်လၢကပာ်အသးသညူးသပှၢ်, ကအိၣ်မူကဒုလီၤတံၢ်, ဒီးကပၢၤသူၣ်ပၢၤသးအဂီၢ်န့ၣ်တက့ၢ်. အဝဲသ့ၣ်ကဘၣ်အိၣ်ဒီးတၢ်စူၢ်တၢ်နာ်အမ့ၢ်အတီ, တၢ်အဲၣ်တၢ်ကွံ, ဒီးတၢ်သ့တူၢ်တၢ်န့ၣ်လီၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

ဧ့ၤဘြံၤ 4:1

လၢတၢ်န့ၣ်အဃိဖဲကစၢ်ယွၤအတၢ်စံးပာ်ဘၣ်ဃးဒီးတၢ်လဲၤ နုာ်ဆူအတၢ်အိၣ်ဘှံးအပူၤအိၣ်ဒံးဝဲလၢပဂီၢ်အဖၢမုၢ်အံၤ, မ်ပကပလီၢ်ပသးဒ်သိးပသုတဘၣ်တၢ်ထံၣ်န့ၢ်ပှၤလၢပလီၤ တိၢ်ကွံာ်လၢတၢ်ဒိးန့ၢ်ဘၣ်တၢ်အိၣ်ဘှံးအဝဲန့ၣ်နီတဂၤတဂ့ၤ အဂီၢ်န့ၣ်တက့ၢ်.

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 5:9

အိၣ်ဂၢၢ်ဆိးကျၢၤလၢသုတၢ်စူၢ်တၢ်နာ်အပူၤဒီးတြီအီၤ တက့ၢ်. အဂ့ၢ်ဒ်လဲၣ်န့ၣ်, သုသ့ၣ်ညါလၢသုဒီပုၢ်ဝဲၢ်ပှၤစူၢ်က့ၤနာ်က့ၤတၢ်သကိး သကိးဒီးသုတဖၣ်ဘၣ်လဲၤခီဖျိတၢ်နးတၢ်ဖှီၣ်တမံၤဃီ အံၤလၢဟီၣ်ခိၣ်ချၢလီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.