၂ ကရံၣ်သူး 13:4 - Sgaw Karen Common Bible

⁴ အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

၂ ကရံၣ်သူး 13:4 Iomraidhean Croise

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

မၤတၢ် 3:16

ခီဖျိယ့ၣ်ၡူးအမံၤအစိကမီၤန့ၣ်, ပှၤလၢအခီၣ်ဟးဂီၤတဂၤအံၤအဂံၢ်အဘါဆူၣ်ထီၣ်ဝဲဒၣ်လီၤ. တၢ်လၢသုထံၣ်ဒီးသ့ၣ်ညါဘၣ်အံၤန့ၣ်, ဘၣ်တၢ်မၤအီၤခီဖျိလၢတၢ်စူၢ်တၢ်နာ်ယ့ၣ်ၡူးအမံၤအဃိန့ၣ် လီၤ. မ့ၢ်အစူၢ်အနာ်ယ့ၣ်ၡူးအဃိတၢ်ဒုးအိၣ်ဆူၣ်အိၣ်ချ့ထီၣ်က့ၤအီၤ, ဒ်သုထံၣ်ဘၣ်အသိးန့ၣ်လီၤ.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.

ရိမ့ၤ 6:4

မ့မ့ၢ်ဒ်န့ၣ်ဒီး, လၢပတၢ်ဒိးဘျၢပသးအဃိပဘၣ် တၢ်ခူၣ်လီၤဃုာ်ဒီးအီၤဒီးပသံဃုာ်ဒီးအီၤဒ်သိး, ဒ်ခရံာ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံခီဖျိပၢ်အစိကမီၤလၢအပှဲၤဒီးအလၤကပီၤ အသိးန့ၣ်, ပကအိၣ်ဒီးတၢ်အိၣ်မူအသီဒ်န့ၣ်အသိးစ့ၢ် ကီးလီၤ.

1 ကရံၣ်သူး 1:25

အဂ့ၢ်ဒ်အံၤ, တၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်သး တဆးန့ၣ်ကူၣ်ဘၣ်ကူၣ်သ့ဒိၣ်န့ၢ်ပှၤကညီအတၢ်ကူၣ်ဘၣ်ကူၣ်သ့, ဒီးတၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်ဂံၢ်စၢ်ဘါစၢ်န့ၣ် အဂံၢ်အဘါဆူၣ်န့ၢ်ပှၤကညီအဂံၢ်အဘါလီၤ.

1 ကရံၣ်သူး 15:43

ဖဲအဘၣ်တၢ်ခူၣ်လီၤဘါလီၤအီၤအဆၢကတီၢ်န့ၣ်, မ့ၢ်တၢ်လၢအလာ်အၢဒီးအဂံၢ်စၢ်ဘါစၢ်ဝဲလီၤ. မ့မ့ၢ်ဖဲအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤန့ၣ်, ကဃံကလၤဒီးဂံၢ်ဆူၣ်ဘါဆူၣ်လီၤ.

1 ကရံၣ်သူး 2:3

လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

1 ကရံၣ်သူး 6:14

ကစၢ်ယွၤဒုးဂဲၤဆၢထၢၣ်သမူထီၣ်က့ၤကစၢ်လၢတၢ်သံ, ဒီးအဝဲဒၣ်ကဒုးဂဲၤဆၢထၢၣ်သမူထီၣ်စ့ၢ်ကီးပှၤလၢအတၢ်စိ တၢ်ကမီၤလီၤ.

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 12:10

ယသူၣ်မံယသးမံယဲလၢတၢ်ဂံၢ်စၢ်ဘါစၢ်တဖၣ်, တၢ်ကတိၤဒုၣ်ဒွဲၣ်ကတိၤတရီတပါတဖၣ်, တၢ်နးတၢ်ဖှီၣ် တဖၣ်, တၢ်မၤအၢမၤနးတဖၣ်ဒီးတၢ်ကီတၢ်ခဲတဖၣ်အပူၤလၢ ခရံာ်အဃိန့ၣ်လီၤ. အဂ့ၢ်ဒ်အံၤ, ဖဲယဂံၢ်စၢ်ဘါစၢ်န့ၣ်, မ့ၢ်ယဂံၢ်ဆူၣ်ဘါဆူၣ်လီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

ဖံလံးပံၤ 3:10

တၢ်လၢယအဲၣ်ဒိးန့ၣ် မ့ၢ်ဒၣ်တၢ်သ့ၣ်ညါခရံာ်ဒီးတၢ်ကလၢၢ်ဘၣ် အတၢ်ဂဲၤဆၢထၢၣ်သမူထီၣ်က့ၤအစိကမီၤ, တၢ်တူၢ်သကိးဃုာ်တၢ်နးတၢ်ဖှီၣ်ဒီးအီၤ, ဒီးကဲထီၣ်ပှၤလီၤဂာ်ဒီးအီၤလၢအတၢ်သံအပူၤ,

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.