၂ ကရံၣ်သူး 13:2 - Sgaw Karen Common Bible

² ယသးအိၣ်စံးဘၣ်သုဝဲလၢအမၤတ့ၢ်တၢ်ဒဲးဘးလၢအပူၤကွံာ် တဖၣ်ဒီးပှၤအဂၤကိးဂၤဒဲး, ယစံးတ့ၢ်လံယဲလၢအပူၤကွံာ်ဖဲယတၢ်အိၣ်သကိးသုခံဘျီ တဘျီ, ဘၣ်ဆၣ်ယကစံးကဒီးယဲခဲကနံၣ်အံၤဖဲယအိၣ် စီၤစုၤယံၤဒီးသုအဖၢမုၢ်လီၤ. လၢခံတဘျီဖဲယဟဲန့ၣ်, ပှၤတပူၤဖျဲးလၢတၢ်စံၣ်ညီၣ်နီတဂၤဘၣ်.

၂ ကရံၣ်သူး 13:2 Iomraidhean Croise

1 ကရံၣ်သူး 5:5

သုကဘၣ်ဟ့ၣ်လီၤကွံာ်ပှၤတဂၤအံၤဆူမုၣ်ကီၤလံၢ်အစုပူၤ, ဒ်သိးအနီၢ်ခိကဘၣ်တၢ်မၤဟးဂီၤကွံာ်အီၤ, ဒ်သိးအသးကဘၣ်တၢ်အုၣ်က့ၤခီၣ်က့ၤအီၤဖဲကစၢ်အမုၢ် တနံၤန့ၣ်လီၤ.

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

၂ ကရံၣ်သူး 12:14

အဝဲအံၤမ့ၢ်ဝဲသၢဘျီတဘျီလၢယအိၣ်ကတဲာ်ကတီၤယသးဒ်သိး ယကဟဲအိၣ်သကိးသု, ဒီးယတဃ့တၢ်လၢသုနီတမံၤဘၣ်. တၢ်လၢယအဲၣ်ဒိးန့ၢ်ဘၣ်န့ၣ်တမ့ၢ်သုတိၢ်သုစ့ဘၣ်, မ့ၢ်ဝဲသုနီၢ်ကစၢ်လီၤ. အဂ့ၢ်ဒ်အံၤ, ဖိလံၤတဖၣ်အလီၢ်တအိၣ်လၢအကဟ့ၣ်တၢ်လၢအမိၢ် အပၢ်ဘၣ်. မ့မ့ၢ်, မိၢ်ပၢ်ကဘၣ်ဟ့ၣ်တၢ်လၢအဖိအလံၤတခီလီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.