၂ ကရံၣ်သူး 12:6 - Sgaw Karen Common Bible

⁶ ယမ့ၢ်သးအိၣ်ကတိၤတၢ်ကဖၢလၢသနာ်က့ယတမ့ၢ်ပှၤအပျုၢ် တဂၤဘၣ်. အဂ့ၢ်ဒ်အံၤ, ကမ့ၢ်ဒၣ်ယကတိၤတၢ်မ့ၢ်တၢ်တီလီၤ. ဘၣ်ဆၣ်ဒီးယတကတိၤတၢ်ကဖၢလၢဘၣ်. အဂ့ၢ်မ့ၢ်လၢယတအဲၣ်ဒိးပှၤတဂၤဂၤကဆိကမိၣ်ဒိၣ်ယၤ, ဒိၣ်န့ၢ်ဒံးအဆိကမိၣ်တ့ၢ်ဝဲ, ခီဖျိအဝဲထံၣ်ဘၣ်တ့ၢ်တၢ်လၢယမၤဒီးနၢ်ဟူဘၣ်တ့ၢ်တၢ်လၢ ယစံးကတိၤအီၤဘၣ်အဃိန့ၣ်လီၤ.

၂ ကရံၣ်သူး 12:6 Iomraidhean Croise

လံာ်စီၤယိၤဘး 24:25

ဒီးမ့တမ့ၢ်ဘၣ်ဒ်န့ၣ်ဒီး, မ့ၢ်မတၤတဂၤကဒုးနဲၣ်ယၤလၢယမ့ၢ် ပှၤလီတၢ်, ဒီးယတၢ်ကတိၤမ့ၢ်တၢ်ကလီကလီန့ၣ်လဲၣ်.

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

၂ ကရံၣ်သူး 1:18

ဒ်ကစၢ်ယွၤစံးကတိၤတၢ်မ့ၢ်တၢ်တီသပှၢ်ကတၢၢ်အသိး န့ၣ်, ယတၢ်အၢၣ်လီၤအီလီၤဒီးသုတမ့ၢ်ဝဲ “မ့ၢ်” ဒီး “တမ့ၢ်” လၢတဘျီဃီအတီၢ်ပူၤဘၣ်.

၂ ကရံၣ်သူး 11:16

ယစံးကဒီးယဲ, မတၤတဂၤမးတကြၢးဆိကမိၣ်လၢယမ့ၢ်ပှၤအပျုၢ် တဂၤဘၣ်. ဘၣ်ဆၣ်ဒီး, သုမ့ၢ်ဆိကမိၣ်န့ၣ်, အစှၤကတၢၢ်တူၢ်လိာ်ယၤဒ်ပှၤအပျုၢ်တဂၤအသိး ဒ်သိးယကအိၣ်ဒီးတၢ်ဂ့ၢ်တဆံးတက့ၢ်လၢယကကတိၤ တၢ်ကဖၢလၢအဂီၢ်န့ၣ်တက့ၢ်.

၂ ကရံၣ်သူး 11:31

ကစၢ်ယ့ၣ်ၡူးအယွၤဒီးအပၢ်လၢအဘၣ်တၢ်စံးပတြၢၤအီၤ လီၤထူလီၤယိာ်တဂၤသ့ၣ်ညါလၢယတလီတၢ်ဘၣ်လီၤ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

၂ ကရံၣ်သူး 5:13

မ့ၢ်ပပျုၢ်စဲဃဲၤနီၢ်နီၢ်ဧါ. တၢ်န့ၣ်မ့ၢ်ဒၣ်လၢကစၢ်ယွၤအဂီၢ်လီၤ. မ့တမ့ၢ်, မ့ၢ်ပသးပှဲၤကစီဒီဧါ. မ့မ့ၢ်ဒ်န့ၣ်ဒီး မ့ၢ်ဒၣ်လၢသုဂီၢ်လီၤ.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.