၂ ကရံၣ်သူး 12:4 - Sgaw Karen Common Bible

⁴ ဒီးဖဲန့ၣ်အဝဲနၢ်ဟူတၢ်သ့ၣ်တဖၣ်လၢတၢ်တဲဖျါထီၣ်က့ၤ အီၤလၢတၢ်ကတိၤတသ့ဘၣ်. တၢ်သ့ၣ်တဖၣ်လၢပှၤကညီအနိးဖံးကတိၤဖျါလၢအဂ့ၢ်တသ့ ဘၣ်န့ၣ်လီၤ.

၂ ကရံၣ်သူး 12:4 Iomraidhean Croise

လံာ်ယဃ့းစက့လး 31:9

ယတ့လီၤအီၤဃံဃံလၤလၤအိၣ်ဒီးအဒ့တဖၣ်အါအါဂီၢ်ဂီၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးသးကါကယဲၢ်သ့ၣ်လၢအအိၣ်လၢကစၢ်ယွၤ အဧ့ၤဒ့ၣ်တၤသၣ်လီၢ်အပူၤလၢအီၤန့ၣ်လီၤ.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်လူၤကၣ် 23:43

ယ့ၣ်ၡူးစံးဘၣ်အီၤ, “ယစံးဘၣ်တဲဘၣ်နၤတီတီလိၤလိၤလၢနၤမုၢ်မဆါတနံၤအံၤ, နကအိၣ်ဒီးယၤလၢပၤရဒံစူးအပူၤလီၤ.”

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.

1 ကရံၣ်သူး 13:1

ယကတိၤတၢ်လၢပှၤကညီအကျိာ်တဖၣ်ဒီးကလူးတဖၣ် အကျိာ်ဒၣ်လဲာ်မ့ၢ်သ့သနာ်က့, ယတၢ်အဲၣ်တၢ်ကွံမ့ၢ်တအိၣ်ဘၣ်ဒီး, ယတၢ်စံးတၢ်ကတိၤန့ၣ်ကမၤဒၣ်အသးဒ်မိၤအသီၣ်, မ့တမ့ၢ်စှၢၣ်စှံးလၢအသီၣ်ဝဲခြၣ်ခြၣ်အသိးန့ၣ်လီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

၁ သ့းစၤလနံ 4:17

တုၤနုၤတစု, ပဝဲလၢအအိၣ်မူလီၤတဲာ်တ့ၢ်ဖဲဆၢကတီၢ်အဝဲန့ၣ် တဖၣ်ပကဘၣ်တၢ်စိာ်ထီၣ်ပှၤတပူၤဃီဒီးအဝဲသ့ၣ်လၢတၢ်အၢၣ် အပူၤဒ်သိးပကထံၣ်လိာ်ပသးဒီးကစၢ်လၢမူဖးဖီန့ၣ်လီၤ. ဒီး လၢတၢ်န့ၣ်အဃိ, ပကအိၣ်ပဝဲတပူၤဃီဒီးကစၢ်ထီဘိန့ၣ်လီၤ.

လံာ်လီၣ်ဖျါ 12:5

တုၤနုၤတစုပိာ်မုၣ်အဝဲန့ၣ်ဆံးစၢ်ထီၣ်အဖိခွါတဂၤ, လၢအကပၢထံကီၢ်ကိးဘ့ၣ်ဒဲးလၢနီၣ်တီၢ်ထးတဘိ န့ၣ်လီၤ. ဘၣ်ဆၣ်ဒီးဖိသၣ်တဂၤန့ၣ်ဘၣ်တၢ်ဖီၣ်ထုးကွံာ် အီၤဒီးတၢ်စိာ်အီၤဆူကစၢ်ယွၤဒီးအလီၢ်ပစိာ်အအိၣ်န့ၣ်လီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”