၂ ကရံၣ်သူး 12:21 - Sgaw Karen Common Bible

²¹ ယဘၣ်ယိၣ်လၢ, ခဲကိာ်တဘျီ, ဖဲယဟဲန့ၣ်ယကစၢ်ယွၤ ကဒုးမဲာ်ဆှးယၤလၢသုမဲာ်ညါ, ဒီးယကဟီၣ်ကယၢၤလၢပှၤအါဒံအါဂၤလၢအမၤတ့ၢ်တၢ်ဒဲးဘးလၢ အပူၤကွံာ်တဖၣ်အဃိ, ပှၤလၢအတပီၢ်ယၢ်လီၤဒံးအသးလၢတၢ်မၤတဂ့ၤတဝါလၢ အမၤတ့ၢ်ဝဲ, တၢ်ဒဲးဘးဘၣ်ဃးမုၣ်ခွါ, တၢ်မုာ်ဖံးမုာ်ညၣ်, တၢ်သးကွံအတၢ်ဖံးတၢ်မၤတဖၣ်အဃိန့ၣ်လီၤ.

၂ ကရံၣ်သူး 12:21 Iomraidhean Croise

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤဧ့စြၤ 9:3

တုၤယနၢ်ဟူတ့ၢ်တၢ်အံၤန့ၣ်ယဖှီကွံာ်ယကူယသိးတဖၣ်လၢတၢ်သးဟး ဂီၤအပူၤ, ယထဲးကွံာ်ယခိၣ်သူဒီးယခၣ်ဆူၣ်ဒီးဆ့ၣ်နီၤလၢတၢ်သူၣ်အုးသး အုးအတၢ်သးလီၤသဘှံးအပူၤန့ၣ်လီၤ.

စံးထီၣ်ပတြၢၤ 119:136

ယမဲာ်ထံယွၤလီၤဝဲဒ်ထံကျိအသိး, မ့ၢ်လၢပှၤတတိၢ်န့ၢ်ဘၣ်နတၢ်သိၣ်တၢ်သီ အဃိန့ၣ်လီၤ.

လံာ်တၢ်ဟးထီၣ်ကွံာ် 32:31

အန့ၣ်ဝံၤဒီးစီၤမိၤၡ့က့ၤကဒါက့ၤဆူယွၤအအိၣ်ဒီးစံး, “ပှၤဂီၢ်မုၢ်အံၤမၤတ့ၢ်တၢ်ဒဲးဘးအၢအၢသီသီလီၤ. အဝဲသ့ၣ်မၤအိၣ်ထီၣ်ကစၢ်တဂၤလၢထူဒီးဘါထီၣ်ဝဲလီၤ.

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 9:1

ယသးအိၣ်မးလၢယခိၣ်ကမ့ၢ်ထံမူထီၣ်ပၢၢ်တပူၤ, ဒီးယမဲာ်ချံတဖၣ်ကမ့ၢ်မဲာ်ထံအထံထီၣ်ပၢၢ်တပူၤ, ဒ်သိးယဟီၣ်ကသ့ဝဲလၢမုၢ်ဆါဆဲးလၢမုၢ်နၤ, လၢယပှၤဂီၢ်မုၢ်လၢအဘၣ်တၢ်မၤသံတ့ၢ်အီၤ တဖၣ်အဂီၢ်န့ၣ်လီၤ.

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

ရိမ့ၤ 9:2

ဖဲယစံး ယတၢ်သးအုးအံၤမ့ၢ်တၢ်လၢအဒိၣ်နီၢ်မးဒီး ယသးဘၣ်ကိၢ်ဘၣ်ဂီၤတဘိယူၢ်ဃီလၢယပှၤဂီၢ်မုၢ် ယသွံၣ်ထံဖံးညၣ်ဒၣ်ယဲအဂီၢ်န့ၣ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

၂ ကရံၣ်သူး 10:6

ဒီးဖဲသုပာ်ဖျါတၢ်အုၣ်အသးဘၣ်ဃးသုတၢ်သူၣ်တီသးတီ လၢာ်လၢာ်ဆ့ဆ့အဂ့ၢ်လံန့ၣ်, ပကအိၣ်ကတဲာ်ကတီၤပသးလၢပကစံၣ်ညီၣ်တၢ်သးတတီ အတၢ်ဖံးတၢ်မၤတမံၤလၢ်လၢ်န့ၣ်လီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

၂ ကရံၣ်သူး 13:2

ယသးအိၣ်စံးဘၣ်သုဝဲလၢအမၤတ့ၢ်တၢ်ဒဲးဘးလၢအပူၤကွံာ် တဖၣ်ဒီးပှၤအဂၤကိးဂၤဒဲး, ယစံးတ့ၢ်လံယဲလၢအပူၤကွံာ်ဖဲယတၢ်အိၣ်သကိးသုခံဘျီ တဘျီ, ဘၣ်ဆၣ်ယကစံးကဒီးယဲခဲကနံၣ်အံၤဖဲယအိၣ် စီၤစုၤယံၤဒီးသုအဖၢမုၢ်လီၤ. လၢခံတဘျီဖဲယဟဲန့ၣ်, ပှၤတပူၤဖျဲးလၢတၢ်စံၣ်ညီၣ်နီတဂၤဘၣ်.

၂ ကရံၣ်သူး 8:24

ပာ်ဖျါထီၣ်သုတၢ်အဲၣ်တၢ်ကွံလၢအဝဲသ့ၣ်အဖီခိၣ်, ဒ်သိးတၢ်အိၣ်ဖှိၣ်ကိးဖုဒဲးကသ့ၣ်ညါဘၣ်လီၤတံၢ်သုတၢ်အဲၣ်တၢ် ကွံအဂ့ၢ်, ဒီးသ့ၣ်ညါလၢ, ပတၢ်ကတိၤပာ်ကဖၢလၢပသး လၢသုဂ့ၢ်န့ၣ် မ့ၢ်ဝဲတီဝဲကစီဒီန့ၣ်တက့ၢ်.

ကလၤတံ 5:19

တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

လံာ်သိၣ်လီၤသီလီၤတၢ် 9:15

လၢတၢ်န့ၣ်အဃိ, ယဃၣ်ယသးဒီးက့ၤလီၤလၢကစၢၢ်အလိၤ, စိာ်ဃုာ်ဒီးလၢၢ်ဘ့ၣ်ဘၣ်ခံဘ့ၣ်လၢတၢ်အၢၣ်လီၤအီလီၤဘၣ်တၢ် ကွဲးလီၤအီၤလၢအလိၤန့ၣ်လီၤ. မ့ၣ်အူအလၣ်တဖၣ်ကဲၤထီၣ်ဝဲလၢကစၢၢ်တခီန့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

ယူဒၤ 1:23

အုၣ်က့ၤခီၣ်က့ၤပှၤဂၤတဖၣ်ခီဖျိတၢ်ထုးထီၣ်ကွံာ်အဝဲသ့ၣ် လၢမ့ၣ်အူပူၤန့ၣ်တက့ၢ်. ဒီးပှၤအဂၤတဖၣ်န့ၣ်ဒုးနဲၣ်တၢ်သးကညီၤဃါဃုာ်ဒီးတၢ်ပျံၤတၢ်ဖုး, ဒီးသးဟ့ဒၣ်လဲာ်အဝဲသ့ၣ်အကူအသိးလၢ အဘၣ်တၢ်မၤဘၣ်အၢဘၣ်သီအီၤလၢအဝဲသ့ၣ်အနီၢ်ခိတၢ်ဒဲးဘး တဖၣ်န့ၣ်တက့ၢ်.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.

လံာ်စီၤၡမူၤအ့လးအခီၣ်ထံးတဘ့ၣ် 15:35

စီၤၡမူၤအ့လးအသးတစိၤန့ၣ်တထံၣ်ဘၣ်ကဒီးစီၤပၤလၢၤဘၣ်. ဘၣ်ဆၣ်ဒီးအဝဲဒၣ်အသူၣ်အုးသးအုးလၢအဃိလီၤ. ယွၤသူၣ်အုးသးအုးလၢအဒုးကဲထီၣ်ဘၣ်စီၤစီလူးလၢကီၢ်အံၣ်စရ့လး အစီၤပၤအဃိန့ၣ်လီၤ.