၂ ကရံၣ်သူး 12:18 - Sgaw Karen Common Bible

¹⁸ ယဃ့ကညးစီၤတံတူးဒ်သိးအကလဲၤဝဲ, ဒီးယဆှၢလီၤဒီပုၢ်ဝဲၢ်ခရံာ်ဖိအဂၤတဂၤလၢအဝဲဒၣ် အသိးလီၤ. မ့ၢ်သုကစံးလၢစီၤတံတူးဟံးန့ၢ်တၢ်အခွဲး အယာ်လၢသုဖီခိၣ်ဧါ. အဝဲဒၣ်ဒီးယၤပမၤတၢ်အိၣ်ဒီးတၢ်ထိၣ်ဟူးထိၣ်ဂဲၤပသး တမံၤဃီ, ဒီးပာ်သူၣ်ပာ်သးပဝဲလၢကျဲတဘိဃီတမ့ၢ်ဘၣ်ဧါ.

၂ ကရံၣ်သူး 12:18 Iomraidhean Croise

လံာ်စီၤနဃ့မယၤ 5:14

ဒီးဖဲယမ့ၢ်ကီၢ်ယူဒၤအပဒိၣ်ဖးဒိၣ်လၢတဆံခံနံၣ်အဆၢကတီၢ်, လၢစီၤပၤဖးဒိၣ်အၢ်တၤၡါၡတၤပၢတၢ်အနံၣ်ခံဆံတုၤလၢသၢဆံ ခံနံၣ်အတီၢ်ပူၤန့ၣ်ယၤမ့ၢ်ဂ့ၤယဘူးယတံၢ်သ့ၣ်တဖၣ်မ့ၢ်ဂ့ၤပတအီၣ် တၢ်အီၣ်လၢယမၤန့ၢ်အီၤပၢဝဲဒ်ပဒိၣ်ဖးဒိၣ်အသိးန့ၣ်ဘၣ်.

လံာ်တၢ်ဂံၢ် 16:15

စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”

ရိမ့ၤ 4:12

အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ အဒိးတၢ်ကူးတရံးအဃိန့ၣ်လီၤ.

1 ကရံၣ်သူး 4:21

သုအဲၣ်ဒိးဖဲလဲၣ်တမံၤလဲၣ်. မ့ၢ်ယကဘၣ်ဟဲဆူသုအိၣ်လၢနီၣ်ဖျ့ တဘိဧါ. မ့တမ့ၢ်ဘၣ်ဒီးလၢသးအိၣ်ဒီးတၢ်အဲၣ်တၢ်ကွံဒီး တၢ်သူၣ်ဂ့ၤသးဝါတခီလဲၣ်.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.