၂ ကရံၣ်သူး 12:17 - Sgaw Karen Common Bible

¹⁷ လၢကျဲဒ်လဲၣ်န့ၣ်မ့ၢ်ယဟံးန့ၢ်တၢ်ခွဲးတၢ်ယာ်လၢသုဖီခိၣ် ခီဖျိကလူးစိာ်တၢ်ကစီၣ်လၢယဆှၢလီၤအီၤတဂၤဂၤန့ၣ်ဧါ.

၂ ကရံၣ်သူး 12:17 Iomraidhean Croise

လံာ်စီၤပၤခံဘ့ၣ်တဘ့ၣ် 5:16

စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.” စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.

လံာ်မၢ်ကူး 5:26

ကသံၣ်သရၣ်အါဂၤဂုာ်ကျဲးစၢးမၤဘျါအီၤဒီးအဝဲဒၣ်အကျိၣ် အစ့လၢာ်ကွံာ်ခဲလၢာ်သနာ်က့, အတၢ်ဆါန့ၣ်တကိညၢ်အမဲာ်ညါနးထီၣ်ကွ့ၢ်ကွ့ၢ်လီၤ.

1 ကရံၣ်သူး 16:10

စီၤတံၤမသ့းမ့ၢ်ဟဲဘၣ်ဆူသုအိၣ်န့ၣ်, ပာ်သူၣ်ပာ်သးဒ်သိးအဝဲဒၣ်ကကလၢၢ်ဘၣ်သုတၢ် တူၢ်လိာ်မုာ်အီၤလၢသုသိးသုကျါန့ၣ်တက့ၢ်. အဂ့ၢ်ဒ်အံၤ, အဝဲဒၣ်မၤတၢ်လၢကစၢ်အဂီၢ်ဒ်ယမၤယဲအသိးလီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

၂ ကရံၣ်သူး 12:18

ယဃ့ကညးစီၤတံတူးဒ်သိးအကလဲၤဝဲ, ဒီးယဆှၢလီၤဒီပုၢ်ဝဲၢ်ခရံာ်ဖိအဂၤတဂၤလၢအဝဲဒၣ် အသိးလီၤ. မ့ၢ်သုကစံးလၢစီၤတံတူးဟံးန့ၢ်တၢ်အခွဲး အယာ်လၢသုဖီခိၣ်ဧါ. အဝဲဒၣ်ဒီးယၤပမၤတၢ်အိၣ်ဒီးတၢ်ထိၣ်ဟူးထိၣ်ဂဲၤပသး တမံၤဃီ, ဒီးပာ်သူၣ်ပာ်သးပဝဲလၢကျဲတဘိဃီတမ့ၢ်ဘၣ်ဧါ.

၂ ကရံၣ်သူး 9:5

လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.