၂ ကရံၣ်သူး 12:13 - Sgaw Karen Common Bible

¹³ သုဘၣ်တၢ်မၤသုတရီတပါဒိၣ်န့ၢ်တၢ်အိၣ်ဖှိၣ်အဂၤတဖၣ်လၢ ကျဲဒ်လဲၣ်. အိၣ်ဒၣ်ထဲတမံၤဧိၤလၢယတမၤတံာ်တာ်ဘၣ်သုလၢ တၢ်မၤစၢၤအဂီၢ်န့ၣ်ဘၣ်လီၤ. ဝံသးစူၤပျၢ်ဘၣ်ယတၢ်ကမၣ်လၢယတတီတလိၤမးထဲန့ၣ် အဃိတက့ၢ်.

၂ ကရံၣ်သူး 12:13 Iomraidhean Croise

လံာ်တၢ်ဂံၢ် 18:31

သုဝဲဒီးသုဟံၣ်ဖိဃီဖိတဖၣ်အီၣ်တၢ်အိၣ်တ့ၢ်န့ၣ်ဖဲတၢ်လီၢ် တပူၤဂ့ၤတပူၤဂ့ၤသ့ဝဲလီၤ. မ့ၢ်လၢတၢ်န့ၣ်မ့ၢ်တၢ်အဘူးအလဲလၢသုမၤတၢ်ခ့တၢ်ပှၤအတၢ်မၤလၢ ဒဲစီဆှံပူၤအဂီၢ်အဃိန့ၣ်လီၤ.

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:6

မ့တမ့ၢ်ဘၣ်ဒီး စီၤဘၢ်နါဘၤဒီးယၤ, ထဲခံဂၤဧိၤ, ပကဘၣ်ဖံးတၢ်မၤတၢ်လၢတၢ်လုၢ်အီၣ်ပသးသမူအဂီၢ်န့ၣ်ဧါ.

၂ ကရံၣ်သူး 12:14

အဝဲအံၤမ့ၢ်ဝဲသၢဘျီတဘျီလၢယအိၣ်ကတဲာ်ကတီၤယသးဒ်သိး ယကဟဲအိၣ်သကိးသု, ဒီးယတဃ့တၢ်လၢသုနီတမံၤဘၣ်. တၢ်လၢယအဲၣ်ဒိးန့ၢ်ဘၣ်န့ၣ်တမ့ၢ်သုတိၢ်သုစ့ဘၣ်, မ့ၢ်ဝဲသုနီၢ်ကစၢ်လီၤ. အဂ့ၢ်ဒ်အံၤ, ဖိလံၤတဖၣ်အလီၢ်တအိၣ်လၢအကဟ့ၣ်တၢ်လၢအမိၢ် အပၢ်ဘၣ်. မ့မ့ၢ်, မိၢ်ပၢ်ကဘၣ်ဟ့ၣ်တၢ်လၢအဖိအလံၤတခီလီၤ.