၂ ကရံၣ်သူး 11:32 - Sgaw Karen Common Bible

³² ဖဲယအိၣ်လၢဝ့ၢ်ဒၤမ့ၤစ့းအဆၢကတီၢ်န့ၣ်, ပဒိၣ်လၢစီၤပၤအရံတၢ်အဖီလာ်တဂၤပာ်လီၤဃာ်ပှၤခိး တၢ်ဖိဖဲဝ့ၢ်အတြဲၤတဖၣ်အခီၣ်ထံးဒ်သိးအကဖီၣ်န့ၢ်ယၤ အဂီၢ်လီၤ.

၂ ကရံၣ်သူး 11:32 Iomraidhean Croise

မၤတၢ် 9:10

အပျဲၢ်အဘီၣ်အိၣ်ဝဲတဂၤလၢဝ့ၢ်ဒၤမ့ၤစ့းအပူၤ, တၢ်ကိးအမံၤလၢစီၤအနၤနံန့ၣ်လီၤ. အဝဲထံၣ်တၢ်ထံၣ်လၢညါခီ, ဒီးလၢတၢ်ထံၣ်အပူၤန့ၣ်ကစၢ်စံးဘၣ်အီၤ, “စီၤအနၤနံဧၢ,” ဒီးအဝဲဒၣ်စံးဆၢက့ၤဝဲ, “ကစၢ်ဧၢ, ယအိၣ်ဖဲအံၤလီၤ.”

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

မၤတၢ် 9:8

စီၤစီလူးဂဲၤဆၢထၢၣ်က့ၤလၢဟီၣ်ခိၣ်လိၤဒီးစီၣ်ထီၣ်အမဲာ်ချံ, ဘၣ်ဆၣ်တထံၣ်တၢ်နီတမံၤဘၣ်. သတးဒီးအဝဲသ့ၣ်မိၤထီၣ်အစုဒီးလဲၤဆှၢအီၤဆူဝ့ၢ်ဒၤမ့ၤစ့း အပူၤလီၤ.

၂ ကရံၣ်သူး 11:26

လၢယတၢ်လဲၤတၢ်က့ၤအါစုအါဘျီအပူၤန့ၣ်, ယအိၣ်တ့ၢ်လၢတၢ်ဘၣ်ယိၣ်တၢ်လီၤပျံၤအလီၢ်ဘၣ်ဃးဒီးထံ လုၣ်ဘၢတၢ်ဒီးတမျိးတမျာ်, တၢ်ဘၣ်ယိၣ်အလီၢ်ဘၣ်ဃးပှၤယူဒၤဖိသကိးပှၤယူဒၤဖိ အတၢ်ထီဒါဒီးပှၤကလုာ်ဂၤတဖၣ်အတၢ်ထီဒါန့ၣ်လီၤ. တၢ်ဘၣ်ယိၣ်အလီၢ်အိၣ်တ့ၢ်ဝဲလၢယဂီၢ်ဖဲပှၤခူပူၤ ဝ့ၢ်ပူၤ, လၢပှၢ်လၢ်ကျါ, လၢပီၣ်လဲၣ်ပူၤ, ဒီးတၢ်လီၤပျံၤ အလီၢ်အိၣ်လၢယဂီၢ်ခီဖျိတံၤသကိးအတမ့ၢ်တတီတဖၣ်လီၤ.