၂ ကရံၣ်သူး 11:29 - Sgaw Karen Common Bible

²⁹ ဖဲပှၤတဂၤဂၤအဂံၢ်စၢ်ဘါစၢ်န့ၣ်, ယဂံၢ်ယဘါစၢ်လီၤဘၣ်ယၤစ့ၢ် ကီးလီၤ. ဖဲပှၤတဂၤဂၤဘၣ်တၢ်ဆှၢအီၤဆူတၢ်ဒဲးဘးအပူၤန့ၣ်, ယလၢပှဲၤဒီးတၢ်ကိၢ်တၢ်ဂီၤလီၤ.

၂ ကရံၣ်သူး 11:29 Iomraidhean Croise

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်ယိၤဟၣ် 2:17

အပျဲၢ်အဘီၣ်တဖၣ်သ့ၣ်နီၣ်ထီၣ်ယွၤအကလုၢ်ကထါ လၢအစံးဝဲ, “ကစၢ်ယွၤဧၢ, ယတၢ်သးဆူၣ်လၢနဟံၣ် အဂီၢ်န့ၣ်, အီၣ်ဂီၤကွံာ်လံယၤလံ” (စံး. ၆၉:၉).

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 11:22

မ့ၢ်သုတအိၣ်ဒီးသုဟံၣ်သုဃီဒၣ်သုဝဲလၢသုကအီၣ်တၢ် အီတၢ်လၢအပူၤဘၣ်ဧါ. မ့တမ့ၢ်ဘၣ်ဒီး, မ့ၢ်သုကကွၢ်တလီၤယွၤအတၢ်အိၣ်ဖှိၣ်, ဒီးဒုးမဲာ်ဆှးပှၤလိၣ်ဘၣ်တၢ်မၤစၢၤတဖၣ်န့ၣ်ဧါ. ဘၣ်ဃးဒီးတၢ်တမံၤအံၤအဂ့ၢ်န့ၣ်မ့ၢ်သုမုၢ်လၢ်လၢယကစံး ယဲဒ်လဲၣ်. မ့ၢ်ယကစံးထီၣ်ပတြၢၤသုဧါ. သပှၢ်ကတၢၢ်ယတမၤဘၣ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

1 ကရံၣ်သူး 15:36

ပှၤသူၣ်တဆးသးတဆးဧၢ, ဖဲနဖှံလီၤတၢ်ချံလၢဟီၣ်ခိၣ် အပူၤန့ၣ်, မ့တမ့ၢ်လၢအသံဒီးတမဲထီၣ်ဝဲဘၣ်.

1 ကရံၣ်သူး 8:13

မ့မ့ၢ်ဒ်န့ၣ်ဒီး, တၢ်အီၣ်မ့ၢ်ဒုးမၤယဒီပုၢ်ဝဲၢ်လၢတၢ်ဒဲးဘးန့ၣ်, ယတအီၣ်လၢၤတၢ်ဖံးတၢ်ညၣ်နီတစုဘၣ်. ဒ်သိးယသုတဒုးလီၤဃံၤယဒီပုၢ်ဝဲၢ်လၢတၢ်ဒဲးဘးအပူၤ တဂ့ၤအဂီၢ်န့ၣ်လီၤ.

1 ကရံၣ်သူး 8:9

ဘၣ်ဆၣ်ဒီး, ပလီၢ်သုသးဒ်သိးသုတပျဲသုတၢ်သဘျ့လၢသု ကမၤဖဲသုသးဒုးလီၤဃံၤပှၤလၢအဂံၢ်စၢ်ဘါစၢ်တဖၣ်ဆူ တၢ်ဒဲးဘးအပူၤတဂ့ၤ.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

ကလၤတံ 2:14

ဖဲယထံၣ်ဘၣ်လၢအဝဲသ့ၣ်တလဲၤတၢ်လၢကျဲအဘျၢလၢအလီၤ ပလိာ်ဒီးတၢ်သးခုကစီၣ်အတၢ်မ့ၢ်တၢ်တီဘၣ်န့ၣ်, ယစံးဘၣ်စီၤပ့းတရူးလၢအဝဲသ့ၣ်ခဲလၢာ်အမဲာ်ညါ, “နမ့ၢ်ပှၤယူဒၤဖိတဂၤဘၣ်ဆၣ်နအိၣ်မူဒ်ပှၤကလုာ်ဂၤ တဂၤအသိးဒီးတမ့ၢ်ဒ်ပှၤယူဒၤဖိတဂၤအသိးန့ၣ်ဘၣ် လီၤ. မ့မ့ၢ်ဒ်န့ၣ်ဒီးနဂုာ်ကျဲးစၢးမၢဆူၣ်ပှၤကလုာ်ဂၤတဖၣ်လၢ ကအိၣ်မူလီၤဂာ်ဒီးပှၤယူဒၤဖိတဖၣ်ကသ့ဝဲလၢကျဲဒ်လဲၣ်.”

ကလၤတံ 6:2

ဝံလိာ်သုတၢ်ဝံတၢ်ယိးတဖၣ်တဂၤဒီးတဂၤ, ဒီးလၢကျဲဒ်အံၤ အပူၤန့ၣ်, သုကစူၢ်ခရံာ်အတၢ်သိၣ်တၢ်သီန့ၣ်လီၤ.

လံာ်လီၣ်ဖျါ 2:2

ယသ့ၣ်ညါတၢ်လၢနမၤတ့ၢ်နဲတဖၣ်လီၤ. ယသ့ၣ်ညါဘၣ်ဃးနဖံးတၢ်မၤတၢ်ဆူၣ်ဆံးအါ, ဒီးနသူၣ်စူၤသးစူၤတ့ၢ်နဲဆံးအါအဂ့ၢ်လီၤ. ယသ့ၣ်ညါလၢနပျဲပှၤအၢပှၤသီတဖၣ်မၤဖဲအသးဒၣ်ဝဲန့ၣ် တကဲဘၣ်. ဒီးလၢနမၤကွၢ်တ့ၢ်နဲပှၤတဖၣ်လၢအစံးလၢ အမ့ၢ်ပှၤတၢ်မၢဖိတဖၣ်ဘၣ်ဆၣ်တမ့ၢ်ဘၣ်, ဒီးနသ့ၣ်ညါဘၣ်တ့ၢ်နဲလၢအဝဲသ့ၣ်မ့ၢ်ပှၤလီတၢ်ဖိတဖၣ် န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.