၂ ကရံၣ်သူး 11:23 - Sgaw Karen Common Bible

²³ အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 11:23 Iomraidhean Croise

လံာ်ယံးရမံယၤ 36:5

အန့ၣ်ဝံၤဒီး, ယဟ့ၣ်လီၤစီၤဘၤရူးလၢ တၢ်သိၣ် လိနဲၣ်ယုၤတဖၣ် ဒ်လၢလာ်အံၤန့ၣ်လီၤ. “ယတဘၣ် တၢ်ပျဲယၤလၢ ယကလဲၤနုာ်ဆူ ယွၤအတၢ်လုၢ်ဟံၣ် အပူၤလၢၤဘၣ်.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 20:23

ထဲတမံၤ, ယသ့ၣ်ညါလၢဝ့ၢ်ကိးဖျၢၣ်ဒဲးအပူၤန့ၣ် သးစီဆှံဟ့ၣ် ပလီၢ်တ့ၢ်ယၤလၢတၢ်စၢဃာ်ဒီးတၢ်မၤနးမၤဖှီၣ်အိၣ်ခိးပာ်စၢၤ ယခိၣ်န့ၣ်လီၤ.

မၤတၢ် 21:11

အဝဲဒၣ်ဟဲဆူပအိၣ်, ဟံးထီၣ်စီၤပီလူးအယီၢ်တကိး, စၢလီၤက့ၤအစုအခီၣ်ဒၣ်ဝဲလၢယီၢ်တကိးအဝဲန့ၣ်ဒီးစံးဝဲ, “သးစီဆှံစံးဝဲဒၣ်, ယီၢ်တကိးအဝဲအံၤအကစၢ်န့ၣ်ပှၤယူဒၤဖိဖဲ ဝ့ၢ်ယရူၤၡလ့ၣ်တဖၣ်ကစၢဃာ်အီၤဒ်သိးအံၤ, ဒီးအဝဲသ့ၣ်ကဟ့ၣ်လီၤကွံာ်အီၤဆူပှၤကလုာ်ဂၤတဖၣ်အစုပူၤလီၤ.

မၤတၢ် 25:14

ဖဲအဝဲသ့ၣ်အိၣ်ဖဲန့ၣ်စှၤသီဝံၤအလီၢ်ခံန့ၣ်, စီၤဖ့စတူးပာ်ဖျါထီၣ်န့ၢ်စီၤပၤလၢစီၤပီလူးအဂ့ၢ်, ဒီးစံးဝဲ, “ပှၤအိၣ်ဝဲတဂၤလၢစီၤဖ့လံးပာ်လီၤတဲာ်တ့ၢ်အီၤဒ်ပှၤဃိာ် ဖိတဂၤအသိးန့ၣ်လီၤ.

မၤတၢ် 27:1

ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

မၤတၢ် 28:30

လၢခံနံၣ်အတီၢ်ပူၤန့ၣ်, စီၤပီလူးအိၣ်ဝဲဖဲတၢ်လီၢ်လၢအနီၢ်ကစၢ်ဒိး လဲဝဲဒီးတူၢ်လိာ်ခီၣ်ဆၢကယဲၢ်ပှၤလၢအဟဲအိၣ်သကိးအီၤတဖၣ် လီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

1 ကရံၣ်သူး 4:9

အဂ့ၢ်ဒ်အံၤ, အိၣ်ဖျါဘၣ်ယၤလၢကစၢ်ယွၤဟ့ၣ်တ့ၢ်ပဝဲပှၤတၢ်မၢဖိ တဖၣ်, တၢ်လီၢ်လၢခံကတၢၢ်ဒ်ပှၤတဖၣ်လၢအဒိးဘၣ်တၢ်စံၣ်ညီၣ် ဘၢသံအီၤလၢပှၤဂီၢ်မုၢ်ဂီၢ်ပၤအမဲာ်ညါ, ဒ်သိးအကကဲထီၣ်တၢ်ကွၢ်ကီအလီၢ်လၢဟီၣ်ခိၣ်ဒီဘ့ၣ်, မူခိၣ်ကလူးခဲလၢာ်, ဒီးပှၤဟီၣ်ခိၣ်ဖိခဲလၢာ်အမဲာ်ညါအဂီၢ်န့ၣ်လီၤ.

၂ ကရံၣ်သူး 10:7

သုကွၢ်ဃီၤတ့ၢ်သုဝဲဆူတၢ်အိၣ်ဖျါလၢခိတဖၣ်န့ၣ်လီၤ. မ့ၢ်ပှၤအိၣ်ဝဲဖဲန့ၣ်တဂၤဂၤလၢအဒွးလီၤအသးလၢအဘၣ်ထွဲဒီး ခရံာ်န့ၣ်ဧါ. မ့မ့ၢ်ဒ်န့ၣ်ဒီး, ပျဲအဝဲဒၣ်ကွၢ်ဆိကမိၣ်ကဒီးတၢ်လၢအနီၢ်ကစၢ်ဒၣ်ဝဲအဂ့ၢ် န့ၣ်တက့ၢ်. အဂ့ၢ်ဒ်အံၤ, ထဲသိးအဝဲဒၣ်ဘၣ်ဃးဒီးခရံာ်န့ၣ်, ပဘၣ်ဃးပဝဲစ့ၢ်ကီးလီၤ.

၂ ကရံၣ်သူး 11:5

ယတဆိကမိၣ်လၢယဆံးန့ၢ်သုပှၤလီၤတိၢ်လီၤဆီမးတဖၣ် လၢတၢ်ကိးအီၤလၢသု “ပှၤတၢ်မၢဖိတဖၣ်” ထဲတစဲး ဧိၤဒၣ်လဲာ်န့ၣ်ဘၣ်.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

၂ ကရံၣ်သူး 6:9

ပဘၣ်တၢ်ပာ်ပှၤဒ်ပှၤလၢတၢ်တသ့ၣ်ညါအီၤ, ဘၣ်ဆၣ်ဒီးပဘၣ်တၢ်သ့ၣ်ညါပှၤလၢပှၤကိးဂၤဒဲးလီၤ. တၢ်ပာ်ပှၤဒ်ပသံအသိး, ဘၣ်ဆၣ်ဒီးဒ်သုထံၣ်သုဝဲအသိး, ပမူပဝဲဆူညါလီၤ. တၢ်စံၣ်ညီၣ်ပှၤဘၣ်ဆၣ်ဒီးပတဘၣ် တၢ်မၤသံပှၤဘၣ်.

ကလၤတံ 6:17

တၢ်လၢယအဲၣ်ဒိးစံးလၢခံကတၢၢ်မ့ၢ်ဒ်အံၤလီၤ. မ်ပှၤသုတဟ့ၣ်လၢၤယၤတၢ်ကီတၢ်ခဲဆူညါနီတဂၤ တဂ့ၤ, အဂ့ၢ်ဒ်အံၤ, တၢ်ပူၤလီၢ်ပူၤကျဲလၢအအိၣ်လၢယနီၢ်ခိအလိၤတဖၣ်ဒုးနဲၣ်ဝဲဒၣ် လၢယမ့ၢ်ယ့ၣ်ၡူးအကုၢ်န့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

အ့းဖ့းစူး 6:20

လၢတၢ်အံၤအဂီၢ်ယမ့ၢ်ကလူး, ပှၤစိာ်တၢ်ကစီၣ်လၢအခဲအံၤလီၤဘၣ်လၢဃိာ်ပူၤတဂၤ န့ၣ်လီၤ. ဃ့ထုကဖၣ်ဒ်သိးယကအိၣ်ဒီးတၢ်သးခူတလ့ၢ် လၢယတၢ်စံၣ်တဲၤတဲလီၤတၢ်သးခုကစီၣ်အပူၤဒ်ယဂ့ၤ မၤယဲအသိးန့ၣ်တက့ၢ်.

ဖံလံးပံၤ 1:13

လၢတၢ်အံၤအဃိ, သုးဖိလၢအခိးစီၤပၤအနူၢ်အစီၤကိးဂၤဒဲး, ဒီးပှၤဂၤတဖၣ်လၢအအိၣ်ဝဲဖဲအံၤခဲလၢာ်သ့ၣ်ညါဝဲလၢ ယအိၣ်ဘၣ်လၢဃိာ်ပူၤန့ၣ်မ့ၢ်လၢယမ့ၢ်ခရံာ်အခ့အပှၤတဂၤ အဃိလီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 3:11

ယတၢ်ဒိးတၢ်မၤအၢမၤနးယၤတဖၣ်ဒီးယတၢ်နးတၢ်ဖှီၣ် တဖၣ်န့ၣ်လီၤ. နသ့ၣ်ညါတၢ်လၢအမၤအသးဒီးယၤလၢဝ့ၢ် အၣ်တံၤအီာ်, ဝ့ၢ်အံၤကနံဒီးဝ့ၢ်လူစတြၤ, တၢ်မၤအၢမၤသီနးနးကျံၤကျံၤလၢယတူၢ်တ့ၢ်အီၤန့ၣ်လီၤ. ဘၣ်ဆၣ်ဒီးကစၢ်မၤပူၤဖျဲးယၤလၢတၢ်န့ၣ်တဖၣ်ခဲလၢာ်လီၤ.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.