၂ ကရံၣ်သူး 11:17 - Sgaw Karen Common Bible

¹⁷ သပှၢ်ကတၢၢ်, တၢ်လၢယစံးကတိၤယဲခဲကနံၣ်အံၤန့ၣ် တမ့ၢ်ဝဲဒ်ကစၢ်အဲၣ်ဒိးယကကတိၤအီၤအသိးန့ၣ်ဘၣ်. ဖဲလၢအဘၣ်ဃးဒီးတၢ်ကတိၤတၢ်ကဖၢလၢဒ်အံၤအသိး န့ၣ်ယကတိၤစဲဃဲၤယဲတၢ်ဒ်တၢ်ပျုၢ်တဂၤအသိးလီၤ.

၂ ကရံၣ်သူး 11:17 Iomraidhean Croise

1 ကရံၣ်သူး 7:12

ဆူပှၤဂၤတဖၣ်န့ၣ်ယစံးယဲ, (ယၤ, ယနီၢ်ကစၢ်ဒၣ်ယဲ, တမ့ၢ်ကစၢ်ဘၣ်.) ပှၤခရံာ်ဖိပိာ်ခွါတဂၤမ့ၢ်အိၣ်ဒီးအမါလၢ အတမ့ၢ်ပှၤစူၢ်က့ၤနာ်က့ၤခရံာ်ဘၣ်, ဒီးအဝဲဒၣ်အၢၣ်လီၤလၢအကအိၣ်ဒံးဒီးအဝၤန့ၣ်, အဝဲတဘၣ်ပာ်မၢ်ကွံာ်ပိာ်မုၣ်အံၤဘၣ်.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

1 ကရံၣ်သူး 7:6

ယစံးဘၣ်တဲဘၣ်သုတၢ်တမံၤအံၤန့ၣ်, မ့ၢ်ဒ်တၢ်အၢၣ်လီၤဟ့ၣ် အခွဲးအသိး, ဒီးတမ့ၢ်ဘၣ်ဒ်တၢ်ဟ့ၣ်လီၤတၢ်ကလုၢ်အသိးဘၣ်.

၂ ကရံၣ်သူး 11:1

ယဆၢလၢသုကဝံသးစူၤယၤ, ဖဲယသူၣ်တဆးသးတဆးတဆံးတက့ၢ်အခါန့ၣ်လီၤ. ဝံသးစူၤဘၣ်ယၤသပှၢ်ပှၢ်တက့ၢ်.

၂ ကရံၣ်သူး 9:4

ဘၣ်ဆၣ်ဒီးပှၤကီၢ်မၤက့းဒနံဖိတဖၣ်မ့ၢ်ဟဲပိာ်ယခံ ဒီးထံၣ်လၢသုတအိၣ်ကတဲာ်ကတီၤဒံးသုသးန့ၣ်, ပကမဲာ်ဆှးပဝဲဆံးဒိၣ်လဲၣ်. ပတတဲဒံးလၢသုတၢ်မဲာ်ဆှး အဂ့ၢ်ဘၣ်. အဂ့ၢ်မ့ၢ်လၢပနာ်တ့ၢ်လံလၢာ်လၢာ်ဆ့ဆ့လၢ သုကအိၣ်ကတဲာ်ကတီၤသုသးအဃိန့ၣ်လီၤ.