၂ ကရံၣ်သူး 11:14 - Sgaw Karen Common Bible

¹⁴ အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

၂ ကရံၣ်သူး 11:14 Iomraidhean Croise

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ကရံၣ်သူး 2:11

ဒ်သိးမုၣ်ကီၤလံၢ်အသုတအိၣ်ဒီးအခွဲးအယာ်လၢပဖီခိၣ် တဂ့ၤအဂီၢ်န့ၣ်လီၤ. အဂ့ၢ်ဒ်အံၤ, အဝဲအတၢ်ကူၣ်ထီၣ်ဖးလီၤတဖၣ်မ့ၢ်တၢ်မနုၤလဲၣ်န့ၣ်ပသ့ၣ်ညါ ပဝဲလီၤ.

ကလၤတံ 1:8

ဘၣ်ဆၣ်ဒီးပဝဲဒၣ်မ့ၢ်ဂ့ၤ, ကလူးလၢမူခိၣ်မ့ၢ်ဂ့ၤ, မ့ၢ်စံၣ်တဲၤတဲလီၤတၢ်သးခုကစီၣ်တခါလၢအလီၤ ဆီဒီးတၢ်လၢပစံၣ်တဲၤတဲလီၤတ့ၢ်န့ၣ်, မ်အဘၣ် တၢ်ဆိၣ်အၢတက့ၢ်.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

ကလီးစဲ 1:12

ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.