၂ ကရံၣ်သူး 11:12 - Sgaw Karen Common Bible

¹² ယကမၤဒံးတၢ်လၢယမၤတ့ၢ်လံယဲခဲကနံၣ်အံၤ, ဒ်သိးယက တြီဃာ် “ပှၤတၢ်မၢဖိ” အဂၤသ့ၣ်တဖၣ်န့ၣ်ဒ်သိးအသုတအိၣ်ဒီးတၢ်ဂ့ၢ်တၢ်ကျိၤ တမံၤမံၤလၢအကကတိၤတၢ်ကဖၢလၢအဂီၢ်ဒီးစံးလၢ အဝဲသ့ၣ်မၤတၢ်လၢကျဲတဘိဃီဒ်ပမၤပဝဲအသိးတဂ့ၤ အဂီၢ်လီၤ.

၂ ကရံၣ်သူး 11:12 Iomraidhean Croise

လံာ်စီၤယိၤဘး 23:13

အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.

လံာ်မးသဲ 26:16

စးထီၣ်အဆၢကတီၢ်ဖဲန့ၣ်, စီၤယူဒၤဃုခိးကွၢ်လၢ်တၢ်အခွဲးဂ့ၤယာ်ဘၣ်လၢအကဟ့ၣ်လီၤကွံာ် ယ့ၣ်ၡူး, ဆူအဝဲသ့ၣ်အစုပူၤအဂီၢ်လီၤ.

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

၂ ကရံၣ်သူး 1:17

လၢယတၢ်ကူၣ်ထီၣ်ဖးလီၤတမံၤအံၤအပူၤန့ၣ်, မ့ၢ်ယအိၣ်ဖျါဒ်ပှၤလၢအသးကဒံကဒါတဂၤဧါ. ဖဲယကူၣ်ထီၣ် ဖးလီၤတၢ်တဖၣ်န့ၣ်, မ့ၢ်ယမၤအီၤအိၣ်ဒီးတၢ်အဲၣ်လီၤသးအတၢ်ပာ်သူၣ်ပာ်သးအိၣ် ဒီးတၢ်သးအိၣ်အၢၣ်လီၤညီတၢ်, ဒီးဂ့ၢ်လိာ်ညီတၢ်လၢတဘျီဃီ အတီၢ်ပူၤန့ၣ်ဧါ.

၂ ကရံၣ်သူး 10:17

ဘၣ်ဆၣ်ဒီး, ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအအဲၣ်ဒိးကတိၤတၢ်ကဖၢလၢန့ၣ်, မ်အကတိၤတၢ်ကဖၢလၢလၢတၢ်လၢကစၢ်မၤတ့ၢ်ဝဲအဂ့ၢ်န့ၣ် တက့ၢ်.”

၂ ကရံၣ်သူး 11:18

ဘၣ်ဆၣ်ဒီး မ့ၢ်လၢပှၤအိၣ်ဝဲအါဒံအါဂၤလၢအကတိၤ တၢ်ကဖၢလၢ, မ့ၢ်ဒၣ်လၢပှၤဟီၣ်ခိၣ်ဖိအတၢ်ဂ့ၢ်တၢ်ကျိၤ အဃိန့ၣ်, ယကမၤယဲတၢ်တမံၤဃီအဝဲန့ၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 5:12

တမ့ၢ်ပဂုာ်ကျဲးစၢးကဒီးဒ်သိးပကစံးပတြၢၤလီၤက့ၤပသး လၢသုမဲာ်ညါန့ၣ်ဘၣ်. မ့မ့ၢ်ပဂုာ်ကျဲးစၢးဟ့ၣ်သုတၢ်ဂ့ၢ်အကြၢးအဘၣ်ဒီးသုကပာ်ထီၣ် ထီသုသးလၢပဃိ, ဒ်သိးသုစံးဆၢက့ၤပှၤလၢအပာ်ကဖၢလၢအသးဘၣ်ဃး ပှၤကညီတဂၤအတၢ်အိၣ်ဖျါလၢခိဒီးတမ့ၢ်အသကဲာ်ပဝးဘၣ် တဖၣ်န့ၣ်ကသ့ဝဲအဂီၢ်လီၤ.

ကလၤတံ 1:7

နီၢ်နီၢ်န့ၣ် “တၢ်သးခုကစီၣ်အဂၤ” တအိၣ်နီတခါဘၣ်. မ့မ့ၢ်ယစံးတၢ်အံၤန့ၣ်, မ့ၢ်လၢပှၤအိၣ်ဝဲဒၣ်တနီၤလၢအမၤကဒံကဒါသုသးဒီးဂုာ်ကျဲး စၢးလဲလိာ်တၢ်သးခုကစီၣ်ဘၣ်ဃးခရံာ်အဃိန့ၣ်လီၤ.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.