၂ ကရံၣ်သူး 10:6 - Sgaw Karen Common Bible

⁶ ဒီးဖဲသုပာ်ဖျါတၢ်အုၣ်အသးဘၣ်ဃးသုတၢ်သူၣ်တီသးတီ လၢာ်လၢာ်ဆ့ဆ့အဂ့ၢ်လံန့ၣ်, ပကအိၣ်ကတဲာ်ကတီၤပသးလၢပကစံၣ်ညီၣ်တၢ်သးတတီ အတၢ်ဖံးတၢ်မၤတမံၤလၢ်လၢ်န့ၣ်လီၤ.

၂ ကရံၣ်သူး 10:6 Iomraidhean Croise

ရိမ့ၤ 2:23

နပာ်ကဖၢလၢနသးလၢနအိၣ်ဒီးကစၢ်ယွၤအတၢ်သိၣ်တၢ်သီလီၤ. ဘၣ်ဆၣ်ဒီး, မ့ၢ်နမၤမဲာ်ဆှးကစၢ်ယွၤခီဖျိနလုၣ်သ့ၣ်ခါပတာ် အတၢ်သိၣ်တၢ်သီန့ၣ်ဧါ.

1 ကရံၣ်သူး 4:21

သုအဲၣ်ဒိးဖဲလဲၣ်တမံၤလဲၣ်. မ့ၢ်ယကဘၣ်ဟဲဆူသုအိၣ်လၢနီၣ်ဖျ့ တဘိဧါ. မ့တမ့ၢ်ဘၣ်ဒီးလၢသးအိၣ်ဒီးတၢ်အဲၣ်တၢ်ကွံဒီး တၢ်သူၣ်ဂ့ၤသးဝါတခီလဲၣ်.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 13:2

ယသးအိၣ်စံးဘၣ်သုဝဲလၢအမၤတ့ၢ်တၢ်ဒဲးဘးလၢအပူၤကွံာ် တဖၣ်ဒီးပှၤအဂၤကိးဂၤဒဲး, ယစံးတ့ၢ်လံယဲလၢအပူၤကွံာ်ဖဲယတၢ်အိၣ်သကိးသုခံဘျီ တဘျီ, ဘၣ်ဆၣ်ယကစံးကဒီးယဲခဲကနံၣ်အံၤဖဲယအိၣ် စီၤစုၤယံၤဒီးသုအဖၢမုၢ်လီၤ. လၢခံတဘျီဖဲယဟဲန့ၣ်, ပှၤတပူၤဖျဲးလၢတၢ်စံၣ်ညီၣ်နီတဂၤဘၣ်.

၂ ကရံၣ်သူး 2:9

ယကွဲးန့ၢ်သုလံာ်ပရၢတဘ့ၣ်န့ၣ်, အဂ့ၢ်မ့ၢ်လၢယသးအိၣ်သ့ၣ်ညါ ဘၣ်လၢသုကွၢ်ဆၢၣ်မဲာ်တၢ်မၤကွၢ်ဂ့ၤဆံးအါ, ဒီးမ့ၢ်သုအိၣ်ကတဲာ်ကတီၤသုသးထီဘိလၢသုကစူၢ် ယတၢ်သိၣ်လိနဲၣ်ယုၤတဖၣ်ကစီဒီဧါန့ၣ်လီၤ.

၂ ကရံၣ်သူး 7:15

ဒီးလၢတၢ်န့ၣ်အဃိအဝဲအတၢ်အဲၣ်ဘၣ်သုဒိၣ်ထီၣ် ဆူၣ်ထီၣ်ဝဲ, ဖဲအဝဲဒၣ်သ့ၣ်နီၣ်ထီၣ်လၢသုဝဲကိးဂၤဒဲးသုအိၣ် ကတဲာ်ကတီၤသုသးလၢသုကစူၢ်ဒီးမၤထွဲအဝဲအတၢ်နဲၣ် သုကျဲတဖၣ်ဒ်လဲၣ်အဂ့ၢ်, လၢသုတူၢ်လိာ်ခီၣ်ဆၢအီၤလၢတၢ်ပျံၤ တၢ်ဖုးဒီးတၢ်ကနိးကစုာ်အပူၤဒ်လဲၣ်အဂ့ၢ်န့ၣ်လီၤ.

၁ တံၤမသ့း 1:20

လၢအဝဲသ့ၣ်အကျါမ့ၢ်စီၤဟူၤမ့းနဲဒီးစီၤအလ့းစၣ်ဒြူးလၢ ယစံၣ်ညီၣ်တ့ၢ်ဒီးဟ့ၣ်လီၤကွံာ်အီၤဆူမုၣ်ကီၤလံၢ်အစုပူၤ, ဒ်သိးတၢ်အံၤကကဲထီၣ်တၢ်သိၣ်လိအဝဲသ့ၣ်လၢကဆိကတီၢ် အတၢ်ကတိၤတရီတပါယွၤအဂီၢ်န့ၣ်လီၤ.

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.