၂ ကရံၣ်သူး 10:5 - Sgaw Karen Common Bible

⁵ ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

၂ ကရံၣ်သူး 10:5 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

လံာ်စီၤပၤခံဘ့ၣ်တဘ့ၣ် 19:22

နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်စီၤပၤခံဘ့ၣ်တဘ့ၣ် 19:28

ယဒိးန့ၢ်တ့ၢ်, တၢ်ပာ်ဖျါဘၣ်ထွဲဒီးနတၢ်သးကဲၤထီၣ်န့ၣ်ဒီး နတၢ်ပာ်ထီၣ်ထီနသးန့ၣ်, ဒီးခဲကနံၣ်အံၤယကတုၢ်နနါဒ့လၢနီၣ်ကွးတခါ, ဒီးပျံာ်နထးခိၣ်လၢနိးပျံာ်ထးတဘိဒီးက့ၤမိၤကဒါက့ၤနၤ လၢကျဲတဘိဃီလၢနဟဲတ့ၢ်နဲန့ၣ်လီၤ.”

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 139:2

ယဆ့ၣ်နီၤဒီးယဆၢထၢၣ်န့ၣ်နသ့ၣ်ညါလီၤ. နနၢ်ပၢၢ်ယတၢ်ဆိကမိၣ်တဖၣ်လၢအယံၤလီၤ.

စံးထီၣ်ပတြၢၤ 18:27

နမၤပူၤဖျဲးပှၤလၢအဆီၣ်လီၤအသး, ဘၣ်ဆၣ် နဆီၣ်လီၤပှၤလၢအပာ်ထီၣ်ထီအသးန့ၣ်လီၤ.

စံးထီၣ်ပတြၢၤ 18:44

ပှၤတခီဘီမုၢ်ဖိတဖၣ်တီၤလီၤကဒွံကျိာ်လၢယမဲာ်ညါ ဒီးဖဲအနၢ်ဟူယကလုၢ်န့ၣ်, ဒိကနၣ်ဝဲလီၤ.

လံာ်တၢ်ဟးထီၣ်ကွံာ် 5:2

ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

တၢ်ကတိၤဒိ. 24:9

ပှၤဟးဂီၤဖိတဂၤအတၢ်ဆိကမိၣ်ထီၣ်တၢ်ကူၣ်ကျဲၤတမံၤဂ့ၤတမံၤ ဂ့ၤန့ၣ်မ့ၢ်တၢ်ဒဲးဘးလီၤ. ပှၤဂီၢ်မုၢ်သးဟ့ပှၤတဂၤလၢအအိၣ်ဒၣ်ထဲ တၢ်သးဘၣ်အၢဒီးတၢ်တပာ်ကဲပှၤဂၤတဖၣ်ဘၣ်န့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်လူၤကၣ် 1:51

အဝဲဒၣ်ယူာ်ထီၣ်အစုလၢအဂံၢ်ဆူၣ်ဘါဆူၣ် ဒီးမၤလီၤပြံလီၤပြါပှၤပာ်ထီၣ်ထီအသးလၢ ကယဲၢ်အတၢ်ကူၣ်ထီၣ်ဖးလီၤအပူၤတဖၣ်လီၤ.

ရိမ့ၤ 1:21

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

ရိမ့ၤ 7:23

ဘၣ်ဆၣ်ဒီး ယထံၣ်တၢ်သိၣ်တၢ်သီအဂၤတခါမၤတၢ်လၢယနီၢ်ခိ အပူၤလီၤ. မ့ၢ်တၢ်သိၣ်တၢ်သီတခါလၢအဒုးလိာ်ယၤလိာ်အသးဒီး တၢ်သိၣ်တၢ်သီလၢအဘၣ်ယသးန့ၣ်လီၤ. ဒုးကဲထီၣ်ယၤလၢတၢ်ဒဲးဘးအတၢ်သိၣ်တၢ်သီလၢအမၤ တၢ်လၢယနီၢ်ခိအပူၤအကုၢ်တဂၤန့ၣ်လီၤ.

1 ကရံၣ်သူး 1:19

အဂ့ၢ်ဒ်အံၤတၢ်ကွဲးအသးစံးဝဲ, “ယကမၤဟးဂီၤကွံာ်ပှၤကူၣ်သ့အတၢ်ကူၣ်ဘၣ်ကူၣ်သ့ဒီး တၢၤကွံာ်ပှၤသ့လံာ်သ့လဲၢ်တဖၣ်အတၢ်သ့ၣ်ညါနၢ်ပၢၢ်န့ၣ် လီၤ.”

1 ကရံၣ်သူး 3:19

အဂ့ၢ်ဒ်အံၤ, တၢ်လၢဟီၣ်ခိၣ်တဘ့ၣ်အံၤထံၣ်လၢအမ့ၢ်တၢ်ကူၣ်ဘၣ် ကူၣ်သ့န့ၣ်, လၢကစၢ်ယွၤအမဲာ်ညါမ့ၢ်တၢ်ကလီကလီန့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ကစၢ်ယွၤဖီၣ်န့ၢ်ပှၤကူၣ်ဘၣ် ကူၣ်သ့, လၢအဝဲသ့ၣ်အတၢ်ကူၣ်တၢ်ဆးအပူၤလီၤ.”

၂ ကရံၣ်သူး 11:20

သုဝံသးစူၤပှၤတဂၤဂၤလၢအမၢထီၣ်မၢလီၤသုဆူအံၤ ဆူဘး, မ့တမ့ၢ်ဟံးန့ၢ်တၢ်အခွဲးအယာ်လၢသုဖီခိၣ်, မ့တမ့ၢ်ဃုဖီၣ်န့ၢ်သု, မ့တမ့ၢ်ကွၢ်တလီၤသု, မ့တမ့ၢ်ဒဲသုမဲာ်န့ၣ်လီၤ.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

ဖံလံးပံၤ 4:7

ဒီးကစၢ်ယွၤအတၢ်ဃူတၢ်ဖိး, လၢပှၤဟီၣ်ခိၣ်ဖိနၢ်ပၢၢ်လၢအဂ့ၢ်တသ့ဘၣ်အံၤန့ၣ်, ကပၢၤဃာ်သုသူၣ်သုသးဒီးသုတၢ်ဆိကမိၣ်တဖၣ်လၢယ့ၣ်ၡူးခရံာ် အပူၤန့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 1:2

သုဘၣ်တၢ်ဃုထၢထီၣ်သုဒ်ပၢ်ကစၢ်ယွၤအတၢ်တိာ်ပာ် အသိးဒီးသုဘၣ်တၢ်မၤစီဆှံထီၣ်သုခီဖျိယွၤအသး, ဒ်သိးသုကစူၢ်ယ့ၣ်ၡူးခရံာ်ဒီးအသွံၣ်ကမၤကဆှီထီၣ်က့ၤသု အဂီၢ်န့ၣ်လီၤ. မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးမ့ၢ်သုတၢ်လၢလၢပှဲၤပှဲၤတက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.