၂ ကရံၣ်သူး 10:4 - Sgaw Karen Common Bible

⁴ တၢ်စုကဝဲၤလၢပသူအီၤလၢပတၢ်ဒုးအပူၤတဖၣ်န့ၣ်, တမ့ၢ်ဟီၣ်ခိၣ်အတၢ်စုကဝဲၤတဖၣ်ဘၣ်. မ့မ့ၢ်, မ့ၢ်ဝဲကစၢ်ယွၤအတၢ်စုကဝဲၤအသဟီၣ်ဆူၣ်တဖၣ်, လၢပသူအီၤဒ်သိးပကမၤလီၤပှီၢ်ကွံာ်တိာ်ဧိၤတာ်ဧိၤအဒိၣ် အသွါတဖၣ်အဂီၢ်န့ၣ်လီၤ. ပမၤဟးဂီၤကွံာ်တၢ်ဂ့ၢ်လိာ်ဘှီလိာ်အတမ့ၢ်တတီတဖၣ်လီၤ.

၂ ကရံၣ်သူး 10:4 Iomraidhean Croise

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.

ရိမ့ၤ 13:12

မုၢ်နၤကလၢာ်တ့ၢ်ဒီးမုၢ်ဆါကတုၤဃီၤဘူးထီၣ်လံ. မ်ပကဆိကတီၢ်ပတၢ်မၤတၢ်ခံးတၢ်နၤအတၢ်မၤတဖၣ်, ဒီးဟံးထီၣ်သကိးစုကဝဲၤတဖၣ်လၢပကဒုးတၢ်လၢတၢ် ကပီၤအပူၤအဂီၢ်န့ၣ်တက့ၢ်.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

1 ကရံၣ်သူး 2:5

မ့မ့ၢ်ဒ်န့ၣ်ဒီး, သုတၢ်စူၢ်တၢ်နာ်န့ၣ်တဒိးသန့ၤထီၣ်အသးလၢ ပှၤကညီအတၢ်ကူၣ်ဘၣ်ကူၣ်သ့ဘၣ်. မ့ၢ်အဒိးသန့ၤထီၣ်အသးလၢကစၢ်ယွၤအစိကမီၤတခီလီၤ.

1 ကရံၣ်သူး 9:7

မ့ၢ်သုးဖိတဂၤဂၤဟ့ၣ်ဘၣ်အတၢ်လၢာ်ဘူၣ်လၢာ်စ့ၤလၢအနီၢ်ကစၢ်ဒၣ်ဝဲအဂီၢ် ဖဲအိၣ်လၢသုးပူၤအဆၢကတီၢ်န့ၣ်တစုစုဧါ. ပှၤသူၣ်တၢ်ဖျးတၢ်ဖိမတၤတဂၤလၢအတအီၣ်စပံးသၣ်လၢ အစပံးလီၢ်ဒၣ်ဝဲအပူၤန့ၣ်လဲၣ်. ပှၤကွၢ်သိမတၤတဂၤလၢအတသူ တၢ်နုၢ်ထံလၢအသိဒၣ်ဝဲအကျါန့ၣ်လဲၣ်.

၂ ကရံၣ်သူး 10:8

အဂ့ၢ်ဒ်အံၤ, ယမ့ၢ်ကတိၤပာ်ကဖၢလၢယသးအါကဲၣ်ဆိးတစဲး ဘၣ်ဃးဒီးတၢ်စိတၢ်ကမီၤလၢကစၢ်ဟ့ၣ်လံယၤ (တၢ်စိတၢ်ကမီၤလၢတၢ်ကမၤထီၣ်မၤထီသုအဂီၢ်ဒီးတမ့ၢ်တၢ် ကမၤဟးဂီၤသုအဂီၢ်ဘၣ်) ဒၣ်လဲာ်န့ၣ်, ယတမဲာ်ဆှးယဲဒၣ်ဘၣ်.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

၂ ကရံၣ်သူး 6:7

လၢပတၢ်ကစီၣ်ဘၣ်ဃးတၢ်မ့ၢ်တၢ်တီအပူၤ, ဒီးလၢကစၢ်ယွၤအစိကမီၤအပူၤန့ၣ်လီၤ. ပအိၣ်ဒီးတၢ်တီ တၢ်လိၤဒ်ပစုကဝဲၤ, လၢပကထီၣ်မၤနၢၤတၢ်အဂီၢ် ဒီးပကဒီတဒၢပသးအဂီၢ်ခံမံၤလၢာ်န့ၣ်လီၤ.

၁ သ့းစၤလနံ 5:8

မ့မ့ၢ်, ပမ့ၢ်ပှၤတဖၣ်လၢအဘၣ်ဃးဒီးမုၢ်ဆါခီ ဒီးပဘၣ်မ့ၢ်ပှၤလၢအတမူၤတဘှီးဘၣ်တဖၣ်လီၤ. မ်ပသိးထီၣ်တၢ်နာ်ဒီးတၢ်အဲၣ်တၢ်ကွံအသဃိးဒီး ကုာ်ထီၣ်တၢ်မုၢ်လၢ်ဘၣ်ဃးတၢ်အုၣ်က့ၤခီၣ်က့ၤအခိၣ်ကုာ်သုး န့ၣ်တက့ၢ်.

၁ တံၤမသ့း 1:18

ယဖိခွါစီၤတံၤမသ့းဧၢ, ယဟ့ၣ်လီၤနၤတၢ်မၤလိာ်အံၤမ့ၢ်ဒၣ်တၢ်မၤပိာ်ထွဲဝံအတၢ် ကတိၤတဖၣ်လၢအကတိၤတ့ၢ်ဝဲလၢအပူၤကွံာ်ဘၣ်ဃးဒီးနၤ န့ၣ်လီၤ. သူတၢ်ကတိၤတဖၣ်အံၤဒ်စုကဝဲၤတဖၣ်အသိး, ဒ်သိးနကဒုးတၢ်ဂ့ၤဂ့ၤဘၣ်ဘၣ်အဂီၢ်,

၂ တံၤမသ့း 2:3

ဒိးဃုာ်တၢ်နးတၢ်ဖှီၣ်ဒ်ယ့ၣ်ၡူးခရံာ်အသုးဖိလၢအဂ့ၤ တဂၤအသိးန့ၣ်တက့ၢ်.

ဧ့ၤဘြံၤ 11:30

လၢတၢ်စူၢ်တၢ်နာ်န့ၣ်, ဝ့ၢ်ယရံၤဃိအခိၣ်ဒူလီၤပှီၢ်ကွံာ်ဝဲ ဖဲပှၤအံၣ်စရ့လးဖိလဲၤတရံးအီၤပှဲၤထီၣ်နွံသီတသီအခါ န့ၣ်လီၤ.

လံာ်စီၤယိၤၡူ 6:20

သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.