၂ ကရံၣ်သူး 10:18 - Sgaw Karen Common Bible

¹⁸ အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 10:18 Iomraidhean Croise

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

တၢ်ကတိၤဒိ. 21:2

နကဆိကမိၣ်လၢတၢ်လၢနမၤနဲကိးမံၤဒဲးန့ၣ်ဘၣ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢယွၤစံၣ်ညီၣ်နတၢ်တိာ်သူၣ်ပာ်သး လၢအမၢန့ၢ်ဆီၣ်ခံနၤတဖၣ်တက့ၢ်.

တၢ်ကတိၤဒိ. 27:2

ပျဲပှၤဂၤစံးထီၣ်ပတြၢၤနၤတက့ၢ်, ပျဲပှၤသမှံၤဒၣ်လဲာ်စံး ထီၣ်ပတြၢၤနၤတက့ၢ်. စံးထီၣ်ပတြၢၤလီၤနသးဒၣ်နဲနီတစုတဂ့ၤ.

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်ယိၤဟၣ် 12:43

အဝဲသ့ၣ်အဲၣ်ဒိးပှၤကညီအတၢ်စံးထီၣ်ပတြၢၤဒိၣ်န့ၢ် ကစၢ်ယွၤအတၢ်စံးထီၣ်ပတြၢၤတက့ၢ်လီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

ရိမ့ၤ 14:18

ဒီးပှၤလၢအမၤခရံာ်အတၢ်မၤလၢကျဲဒ်အံၤတဂၤန့ၣ်, ကဒုးသးခုယွၤဒီးကဒိးန့ၢ်ဘၣ်ပှၤကညီအတၢ်ဘၣ်သူၣ်ဘၣ်သးန့ၣ်လီၤ.

ရိမ့ၤ 16:10

ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ ကရံၣ်သူး 10:12

သပှၢ်ကတၢၢ်, တမ့ၢ်ပကအိၣ်ဒီးတၢ်သးဒူလၢပကပာ်လီၤပသး တပူၤဃီမ့တမ့ၢ်, ထိၣ်သတြီၤပသးဒီးပှၤလၢအပာ်ဖျါထီၣ်ထီ အသးဒိၣ်ဒိၣ်ကလဲာ်တဖၣ်န့ၣ်ဘၣ်. အဝဲသ့ၣ်အီပံာ်အီပီမးဆံးဒိၣ်လဲၣ်. အဝဲသ့ၣ်ဒုးအိၣ်ထီၣ်အနီၣ်ထိၣ်ဒၣ်ဝဲလၢအကထိၣ်လီၤဒွးလီၤအသး အဂီၢ်, ဒီးစံၣ်ညီၣ်လီၤက့ၤအသးလၢအနီၢ်ကစၢ်ဒၣ်ဝဲအနီၣ်ထိၣ် တဖၣ်န့ၣ်လီၤ.

၂ ကရံၣ်သူး 13:7

ပဃ့ဘါထုကဖၣ်တၢ်ဆူကစၢ်ယွၤအအိၣ်ဒ်သိးသုသုတမၤ ကမၣ်တၢ်နီတမံၤတဂ့ၤ. တမ့ၢ်ဒ်သိးအကအိၣ်ဖျါလၢ ပမၤနၢၤတၢ်ဘၣ်. မ့မ့ၢ်, ဒ်သိးပမ့ၢ်အိၣ်ဖျါဒ်ပှၤလီၤတိၢ်တဖၣ်သနာ်က့, သုကမၤတၢ်လၢအကြၢးအဘၣ်အဂီၢ်န့ၣ်လီၤ.

၂ ကရံၣ်သူး 3:1

ယတၢ်စံးတၢ်ကတိၤအဝဲအံၤမ့ၢ်အမၤဖျါလၢပကတိၤပာ်ကဖၢ လၢလီၤက့ၤကဒီးပသးန့ၣ်ဧါ. မ့ၢ်ကမ့ၢ်လၢဒ်ပှၤအဂၤတနီၤအသိး, ပလိၣ်ဘၣ်လံာ်ပရၢအုၣ်ခီၣ်အသးလၢပဂ့ၢ်ဆူသုအိၣ်, မ့တမ့ၢ် လၢသုအိၣ်န့ၣ်ဧါ.

၂ ကရံၣ်သူး 5:12

တမ့ၢ်ပဂုာ်ကျဲးစၢးကဒီးဒ်သိးပကစံးပတြၢၤလီၤက့ၤပသး လၢသုမဲာ်ညါန့ၣ်ဘၣ်. မ့မ့ၢ်ပဂုာ်ကျဲးစၢးဟ့ၣ်သုတၢ်ဂ့ၢ်အကြၢးအဘၣ်ဒီးသုကပာ်ထီၣ် ထီသုသးလၢပဃိ, ဒ်သိးသုစံးဆၢက့ၤပှၤလၢအပာ်ကဖၢလၢအသးဘၣ်ဃး ပှၤကညီတဂၤအတၢ်အိၣ်ဖျါလၢခိဒီးတမ့ၢ်အသကဲာ်ပဝးဘၣ် တဖၣ်န့ၣ်ကသ့ဝဲအဂီၢ်လီၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

၂ တံၤမသ့း 2:15

ကျဲးစၢးမၤတၢ်အဂ့ၤကတၢၢ်ဒ်သိးနကမၤန့ၢ်ကစၢ်ယွၤအတၢ်ဘၣ် အသး, ဒ်ပှၤမၤတၢ်ဖိတဂၤလၢအမဲာ်ဆှးအလီၢ်တအိၣ်ဘၣ်လၢ အတၢ်မၤအဃိ, ဒီးဒ်ပှၤလၢအသိၣ်လိကစၢ်ယွၤအကလုၢ် ကထါအတၢ်မ့ၢ်တၢ်တီ, တီတီလိၤလိၤတဂၤအသိးန့ၣ်တက့ၢ်.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.