၂ ကရံၣ်သူး 10:17 - Sgaw Karen Common Bible

¹⁷ ဘၣ်ဆၣ်ဒီး, ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအအဲၣ်ဒိးကတိၤတၢ်ကဖၢလၢန့ၣ်, မ်အကတိၤတၢ်ကဖၢလၢလၢတၢ်လၢကစၢ်မၤတ့ၢ်ဝဲအဂ့ၢ်န့ၣ် တက့ၢ်.”

၂ ကရံၣ်သူး 10:17 Iomraidhean Croise

စံးထီၣ်ပတြၢၤ 105:3

တၢ်လၤတၢ်ကပီၤအိၣ်ဝဲလၢအမံၤစီဆှံအပူၤန့ၣ်လီၤ. မ်ပှၤလၢအဃုယွၤသူၣ်ဖှံသးညီတက့ၢ်.

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 45:25

ယၤ, ယွၤအံၤ, ကမၤပူၤဖျဲးစီၤယၤကိာ်အစၢၤအသွဲၣ်ခဲလၢာ် ဒီးအဝဲသ့ၣ်ကဟ့ၣ်ယၤတၢ်စံးထီၣ်ပတြၢၤန့ၣ်လီၤ.”

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

ရိမ့ၤ 5:11

အါန့ၢ်အန့ၣ်, ပသးခုဒီးပာ်ကဖၢလၢပသးလၢကစၢ်ယွၤ အပူၤ, ခီဖျိပကစၢ်ယ့ၣ်ၡူးခရံာ်လၢအဒုးကဲထီၣ်ပှၤလၢ ကစၢ်ယွၤအတံၤသကိးတဖၣ်အဃိန့ၣ်လီၤ.

1 ကရံၣ်သူး 1:29

အဝဲအံၤမ့ၢ်ဒ်သိးမတၤတဂၤမးကတိၤဒိၣ်ကတိၤသွါအသးလၢ ကစၢ်ယွၤအမဲာ်ညါသုတသ့တဂ့ၤအဂီၢ်န့ၣ်လီၤ.

1 ကရံၣ်သူး 1:31

လၢတၢ်န့ၣ်အဃိ, ဒ်တၢ်ကွဲးအသးစီဆှံစံးဝဲအသိးန့ၣ် “ပှၤတဂၤလၢ်လၢ်လၢအအဲၣ်ဒိးကတိၤဒိၣ်ကတိၤသွါတၢ်န့ၣ် ကဘၣ်ကတိၤဒိၣ်ကတိၤသွါတၢ်ဘၣ်ဃးတၢ်လၢကစၢ်မၤတ့ၢ်ဝဲန့ၣ် လီၤ.”

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.