၂ ကရံၣ်သူး 10:10 - Sgaw Karen Common Bible

¹⁰ ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 10:10 Iomraidhean Croise

လံာ်တၢ်ဟးထီၣ်ကွံာ် 4:10

တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

1 ကရံၣ်သူး 1:17

ခရံာ်တဆှၢလီၤဒီးမၢလီၤယၤဒ်သိးယကဒိးဘျၢတၢ်ဘၣ်. မ့ၢ်အဝဲဒၣ်ဆှၢလီၤဒီးမၢလီၤယၤဒ်သိးယကစံၣ်တဲၤတဲလီၤတၢ် သးခုကစီၣ်, ဒီးယကစံၣ်တဲၤတဲလီၤအီၤတအိၣ်ဒီးတၢ်သူပှၤကညီအတၢ် ကူၣ်ဘၣ်ကူၣ်သ့ဘၣ်. အဂ့ၢ်မ့ၢ်ဒ်သိးတၢ်စိတၢ်ကမီၤဘၣ်ဃးဒီးခရံာ်အတၢ်သံလၢထူၣ်စု ညါအလိၤန့ၣ်သုတဘၣ်တၢ်ဒုးလီၤမၢ်ကွံာ်အီၤတဂ့ၤန့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 10:11

ပှၤလၢအစံးတၢ်ဒ်န့ၣ်အသိးတဂၤကဘၣ်နၢ်ပၢၢ်ဝဲလၢတၢ်လၢ ပကွဲးလၢပလံာ်ပရၢအပူၤဖဲပအိၣ်စီၤစုၤယံၤအဆၢကတီၢ်န့ၣ်တလီၤ ဆီဒီးတၢ်လၢပကမၤပဝဲဖဲပအိၣ်ဖဲန့ၣ်ဒီးသုန့ၣ်ဘၣ်လီၤ.

၂ ကရံၣ်သူး 10:9

ယတအဲၣ်ဒိးအကအိၣ်ဖျါလၢယဂုာ်ကျဲးစၢးမၤပျံၤမၤဖုးသုလၢ ယလံာ်ပရၢတဖၣ်န့ၣ်ဘၣ်.

၂ ကရံၣ်သူး 11:21

လၢပကမၤတၢ်သ့ၣ်တဖၣ်န့ၣ်အဂီၢ်ပအိၣ်ဒီးတၢ်သူၣ်ပျံၤသးဖုး အါကဲၣ်ဆိးအဂ့ၢ်န့ၣ်, ယကအၢၣ်လီၤအဂီၢ်ယမဲာ်ဆှးလီၤ. ဘၣ်ဆၣ်ဒီးပှၤတဂၤဂၤကတိၤတၢ်ကဖၢလၢလၢတၢ်တမံၤမံၤ အဂ့ၢ်မ့ၢ်ဘူၣ်ကစီဒီန့ၣ်ယကတိၤတၢ်ဒ်တၢ်ပျုၢ်တဂၤအသိး, ယကဒူယဲဒ်န့ၣ်အသိးစ့ၢ်ကီးလီၤ.

၂ ကရံၣ်သူး 11:6

ဘၣ်တဘၣ်ယတမ့ၢ်ပှၤသ့စံးသ့ကတိၤတၢ်တဂၤသ့ၣ်သ့ၣ် လီၤ. ဘၣ်ဆၣ်ဒီးမ့မ့ၢ်လၢတၢ်သ့ၣ်ညါနၢ်ပၢၢ်တကပၤန့ၣ်, သပှၢ် ကတၢၢ်, တမ့ၢ်ဒ်န့ၣ်ဘၣ်. ပပာ်ဖျါထီၣ်တ့ၢ်တၢ်ဂ့ၢ်တမံၤအံၤဖျါဖျါလၢသုမဲာ်ညါ ထီဘိတဘိယူၢ်ဃီလၢဆၢကတီၢ်ကိးကတီၢ်ဒဲးအပူၤလီၤ.

၂ ကရံၣ်သူး 13:3

သုကဒိးန့ၢ်ဘၣ်တၢ်အုၣ်အသးလၢသုသးလီသုဝဲခဲလၢာ်လၢ ခရံာ်ကတိၤတၢ်ခီဖျိယၤအဂ့ၢ်န့ၣ်လီၤ. ဖဲအဝဲဒၣ်ထံၣ်လိာ်ဖံးမၤတၢ်ဘၣ်ဃးဒီးသုန့ၣ်, အဝဲအဂံၢ်အဘါ တစၢ်ဘၣ်. အခိၣ်တလိာ်အဝဲပာ်ဖျါထီၣ်အတၢ်စိတၢ်ကမီၤလၢ သုသိးသုကျါလီၤ.