၂ ကရံၣ်သူး 10:1 - Sgaw Karen Common Bible

¹ ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 10:1 Iomraidhean Croise

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

မၤတၢ် 8:32

တၢ်ကွဲးအသးတတီၤလၢအဝဲဒၣ်ဖးဝဲန့ၣ်မ့ၢ်အအံၤ, “ဒ်သိတဒုလၢတၢ်မိၤထီၣ်အီၤလၢ တၢ်ကမၤသံအီၤအဂီၢ်အသိး, ဒ်သိဆံးဖိတဒုဖဲတၢ်တံာ်အဆူၣ်အကတီၢ်န့ၣ် တမၤသီၣ်ဘၣ်အကလုၢ်အသိး, အဝဲဒၣ်တအဲးထီၣ်အထးခိၣ်ဘၣ်.

ရိမ့ၤ 10:20

ဒီး ဝံယၡါယၤ မ့ၢ်ပှၤအဒူတက့ၢ်ဒီးစံးဝဲ, “ယဘၣ်တၢ်ထံၣ်န့ၢ်ယၤလၢပှၤလၢ အတဃုယၤတဖၣ်, ဒီးယလီၣ်ဖျါထီၣ်ယသးလၢပှၤလၢ အတသံကွၢ်ယဂ့ၢ်တဖၣ်န့ၣ်လီၤ.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 15:15

ဘၣ်ဆၣ်ဒီး လၢတၢ်ကွဲးအံၤအပူၤယကွဲးတၢ်ဒူဒူဘၣ်ဃးတၢ် ဂ့ၢ်တနီၤလၢယဒုးသ့ၣ်နီၣ်ထီၣ်တ့ၢ်လံသုန့ၣ်လီၤ. ယပာ်ဒူ ယသးမ့ၢ်လၢကစၢ်ယွၤဟ့ၣ်တ့ၢ်ယၤတၢ်ခွဲးတၢ်ယာ်,

1 ကရံၣ်သူး 2:3

လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

1 ကရံၣ်သူး 4:21

သုအဲၣ်ဒိးဖဲလဲၣ်တမံၤလဲၣ်. မ့ၢ်ယကဘၣ်ဟဲဆူသုအိၣ်လၢနီၣ်ဖျ့ တဘိဧါ. မ့တမ့ၢ်ဘၣ်ဒီးလၢသးအိၣ်ဒီးတၢ်အဲၣ်တၢ်ကွံဒီး တၢ်သူၣ်ဂ့ၤသးဝါတခီလဲၣ်.

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 10:2

သုသုတထိၣ်ဂဲၤဆူၣ်ယၤလၢယကမၤယသးဆူၣ်ဆူၣ်ကိၤ ကိၤဖဲယဟဲယဲအဆၢကတီၢ်တဂ့ၤန့ၣ်လီၤ. အဂ့ၢ်ဒ်အံၤ, ယနာ်လီၤယသးသပှၢ်ကတၢၢ်လၢပှၤလၢအစံးဝဲ, ပမၤတၢ်အိၣ်ဒီးဟီၣ်ခိၣ်အတၢ်ထိၣ်ဂဲၤပသးတဖၣ်န့ၣ်, ယဆူၣ်ယကိၤလၢအဖီခိၣ်သ့ကစီဒီန့ၣ်လီၤ.

၂ ကရံၣ်သူး 10:7

သုကွၢ်ဃီၤတ့ၢ်သုဝဲဆူတၢ်အိၣ်ဖျါလၢခိတဖၣ်န့ၣ်လီၤ. မ့ၢ်ပှၤအိၣ်ဝဲဖဲန့ၣ်တဂၤဂၤလၢအဒွးလီၤအသးလၢအဘၣ်ထွဲဒီး ခရံာ်န့ၣ်ဧါ. မ့မ့ၢ်ဒ်န့ၣ်ဒီး, ပျဲအဝဲဒၣ်ကွၢ်ဆိကမိၣ်ကဒီးတၢ်လၢအနီၢ်ကစၢ်ဒၣ်ဝဲအဂ့ၢ် န့ၣ်တက့ၢ်. အဂ့ၢ်ဒ်အံၤ, ထဲသိးအဝဲဒၣ်ဘၣ်ဃးဒီးခရံာ်န့ၣ်, ပဘၣ်ဃးပဝဲစ့ၢ်ကီးလီၤ.

၂ ကရံၣ်သူး 11:21

လၢပကမၤတၢ်သ့ၣ်တဖၣ်န့ၣ်အဂီၢ်ပအိၣ်ဒီးတၢ်သူၣ်ပျံၤသးဖုး အါကဲၣ်ဆိးအဂ့ၢ်န့ၣ်, ယကအၢၣ်လီၤအဂီၢ်ယမဲာ်ဆှးလီၤ. ဘၣ်ဆၣ်ဒီးပှၤတဂၤဂၤကတိၤတၢ်ကဖၢလၢလၢတၢ်တမံၤမံၤ အဂ့ၢ်မ့ၢ်ဘူၣ်ကစီဒီန့ၣ်ယကတိၤတၢ်ဒ်တၢ်ပျုၢ်တဂၤအသိး, ယကဒူယဲဒ်န့ၣ်အသိးစ့ၢ်ကီးလီၤ.

၂ ကရံၣ်သူး 11:30

ယမ့ၢ်ဘၣ်ကတိၤတၢ်ကဖၢလၢန့ၣ်, ယကကတိၤတၢ်ကဖၢလၢဘၣ် ဃးဒီးတၢ်သ့ၣ်တဖၣ်လၢအပာ်ဖျါထီၣ်ယတၢ်ဂံၢ်စၢ်ဘါစၢ်လီၤ.

၂ ကရံၣ်သူး 12:5

မ်ဒ်န့ၣ်ဒီး, ယကတိၤတၢ်ကဖၢလၢလၢပှၤတဂၤအံၤအဂ့ၢ်, ဘၣ်ဆၣ်ဒီးယတကတိၤတၢ်ကဖၢလၢလၢယနီၢ်ကစၢ်ဒၣ်ယဲ အဂ့ၢ်ဘၣ်. ယကကတိၤဘၣ်ဃးထဲတၢ်သ့ၣ်တဖၣ်လၢအပာ်ဖျါထီၣ် ယမ့ၢ်ပှၤဂံၢ်စၢ်ဘါစၢ်ဆံးအါလဲၣ်အဂ့ၢ်န့ၣ်လီၤ.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

ကလၤတံ 4:13

ယစံၣ်တဲၤတဲလီၤန့ၢ်သုတၢ်သးခုကစီၣ်, အဆိကတၢၢ်တဘျီလၢမနုၤအဃိလဲၣ်န့ၣ်, သုသ့ၣ်နီၣ်ထီၣ်က့ၤလီၤ. မ့ၢ်ဒၣ်လၢယအိၣ်တဆူၣ်အဃိလီၤ.

ကလၤတံ 5:2

ဒိကနၣ်တက့ၢ်. ယၤ, စီၤပီလူးယစံးဘၣ်တဲဘၣ်သုလၢ, သုမ့ၢ်ဒိးတၢ်ကူးတရံးဒီး, အခီပညီခရံာ်မ့ၢ်တၢ်လၢအဘျုးတအိၣ်လၢသုဂီၢ်နီတမံၤ ဘၣ်န့ၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

၂ သ့းစၤလနံ 3:17

လၢယစုလီၢ်ဒၣ်ယဲ, ယကွဲးတၢ်ကတိၤတဖၣ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, ယဆဲးလီၤ ယမံၤဒ်သိးအံၤ, လၢတၢ်ပရၢကိးဘ့ၣ်ဒဲးအကတၢၢ်န့ၣ်လီၤ. ယကွဲးလံာ်လၢကျဲဒ်အံၤလီၤ.

ဖံၤလ့မိၣ် 1:19

ယကွဲးတၢ်အံၤလၢယစုဒၣ်ယဲလီၤ. ယၤ, စီၤပီလူးကလိးက့ၤနၤလီၤ. (ဖဲလၢအဘၣ်ဃးဒီးနကမၢ်လၢအအိၣ်ဒီးယၤလၢအမ့ၢ်တၢ်လၢနကြၢးမၤဆၢက့ၤယၤန့ၣ်, ယတသးအိၣ်ယၢၤထီၣ်အီၤဘၣ်.)

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.