၂ ကရံၣ်သူး 1:9 - Sgaw Karen Common Bible

⁹ တၢ်မၤအသးဒီးပှၤဒ်တၢ်ဟ့ၣ်လီၤတ့ၢ်ပှၤတၢ်စံၣ်ညီၣ်လၢ ပကဘၣ်သံပဝဲန့ၣ်လီၤ. ဘၣ်ဆၣ်ဒီး, တၢ်တမံၤအံၤန့ၣ်မၤတ့ၢ်အသးဒ်သိးပသုတသန့ၤပသးလၢပနီၢ် ကစၢ်ဒၣ်ဝဲတဂ့ၤ. မ့မ့ၢ်, ပကသန့ၤပသးထဲလၢကစၢ်ယွၤလၢအဒုးဂဲၤဆၢထၢၣ်သမူထီၣ် က့ၤပှၤသံတဖၣ်အဂီၢ်န့ၣ်လီၤ.

၂ ကရံၣ်သူး 1:9 Iomraidhean Croise

လံာ်စီၤယိၤဘး 40:14

တုၤနုၤတစုယကမ့ၢ်ပှၤအဆိကတၢၢ်တဂၤလၢအစံးထီၣ်ပတြၢၤ နၤဒီးအၢၣ်လီၤလၢနစုထွဲဒၣ်နဲဟ့ၣ်နၤတၢ်မၤနၢၤလီၤ.

စံးထီၣ်ပတြၢၤ 22:29

ပှၤလၢအပာ်ထီၣ်ထီအသးခဲလၢာ် ဒီးပှၤလၢအသံသ့ခဲလၢာ် ကတီၤလီၤလၢအမဲာ်ညါန့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

တၢ်ကတိၤဒိ. 28:26

တၢ်ပိာ်ထွဲနသးအတၢ်ဆိကမိၣ်ဒၣ်နဲန့ၣ်မ့ၢ်တၢ်မၢးလီၤ. ပိာ်ထွဲပှၤကူၣ်တၢ်သ့တဖၣ်အတၢ်သိၣ်လိတက့ၢ်. အန့ၣ်ဒီး, နကပူၤဖျဲးလီၤ.

လံာ်ယၡါယၤ 38:10

ယဆိကမိၣ်တ့ၢ်လၢ, လၢတၢ်အိၣ်မူမုၢ်ထူၣ်အကတီၢ်န့ၣ်, ယလဲၤလီၤတ့ၢ်ဆူပှၤသံတဖၣ်အကီၢ်ပူၤဒီးတအိၣ်မူဘၣ်လၢၤ ယတၢ်အိၣ်မူနီတစုဘၣ်န့ၣ်လီၤ.

လံာ်ယဃ့းစက့လး 33:13

ဘၣ်တဘၣ်ယကအၢၣ်လီၤဟ့ၣ်တၢ်မူဆူပှၤအဂ့ၤတဂၤလီၤ. ဘၣ်ဆၣ်အဝဲမ့ၢ်ဆိကမိၣ်ထီၣ်ဝဲလၢအဝဲအတၢ်ဂ့ၤလၢအပူၤကွံာ် တဖၣ်လၢပှဲၤဝဲလံ, ဒီးစးထီၣ်မၤတၢ်ဒဲးဘးန့ၣ်, ယတသ့ၣ်နီၣ် ထီၣ်က့ၤတၢ်ဂ့ၤလၢအဝဲမၤတ့ၢ်ဝဲတဖၣ်နီတမံၤဘၣ်. အဝဲကသံ လၢအတၢ်ဒဲးဘးတဖၣ်အဃိန့ၣ်လီၤ.

လံာ်လူၤကၣ် 18:9

ပှၤလၢအနာ်န့ၢ်လီၤအသးလၢအဂ့ၤဝဲဝါဝဲ, ဒီးကွၢ်တလီၤပှၤကိးဂၤဒဲးန့ၣ်, ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိအဝဲအံၤလီၤ.

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

၂ ကရံၣ်သူး 1:8

ဒီပုၢ်ဝဲၢ်သ့ၣ်ဧၢ, ပသးအိၣ်ဒုးသ့ၣ်နီၣ်ထီၣ်သုဘၣ်ဃးဒီးတၢ်ကီ တၢ်ခဲလၢပလဲၤခီဖျိတ့ၢ်ပဝဲလၢကီၢ်အၤစံအပူၤန့ၣ်လီၤ. တၢ်ဝံ တၢ်ယိးလၢအဘၣ်တၢ်ပာ်ထီၣ်အီၤလၢပလိၤတဖၣ်န့ၣ်, ဒိၣ်ဝဲ ဃၢဝဲတုၤဒၣ်လဲာ်ပတၢ်မုၢ်လၢ်လၢပကအိၣ်မူဒံးဆူညါန့ၣ် လၢာ်ကွံာ်ဝဲစီဖ့ကလ့ၤန့ၣ်လီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

ဧ့ၤဘြံၤ 11:19

အဝဲဆိကမိၣ်ပာ်စၢၤဝဲလၢအသးကံၢ်ပူၤလၢကစၢ်ယွၤ မၤမူထီၣ်က့ၤစီၤအံၤစဲးလၢတၢ်သံန့ၣ်သ့ဝဲဒီးဒ်န့ၣ်အသိး မၤအသးဒ်စီၤအၤဘြၤဟၣ်ဒိးန့ၢ်က့ၤစီၤအံၤစဲးလၢတၢ်သံ အပူၤန့ၣ်လီၤ.