၂ ကရံၣ်သူး 1:22 - Sgaw Karen Common Bible

²² ပာ်လီၤတ့ၢ်အတၢ်ပနီၣ်ဒၣ်ဝဲလၢပလိၤဒ်သိးကပာ်ဖျါဝဲလၢအမ့ၢ် ပကစၢ်, ဒီးဟ့ၣ်တ့ၢ်ပှၤသးစီဆှံလၢပသးပူၤဒ်တၢ်အုၣ်ခီၣ် အသးလၢတၢ်ခဲလၢာ်လၢအအိၣ်ကတဲာ်ကတီၤပာ်စၢၤဝဲလၢ ပဂီၢ်န့ၣ်လီၤ.

၂ ကရံၣ်သူး 1:22 Iomraidhean Croise

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ယိၤဟၣ် 3:33

ပှၤတဂၤလၢ်လၢ်လၢအအၢၣ်လီၤတူၢ်လိာ်အတၢ်ကစီၣ်န့ၣ်, ပာ်ဂၢၢ်ပာ်ကျၢၤဝဲလီၤတံၢ်လီၤဆဲးလၢကစၢ်ယွၤ န့ၣ်တီဝဲလိၤဝဲလီၤ.

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

ရိမ့ၤ 4:11

အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ. သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ် လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

၂ ကရံၣ်သူး 5:5

ကစၢ်ယွၤမ့ၢ်ပှၤလၢအအိၣ်ကတဲာ်ကတီၤပာ်ပှၤလၢ တၢ်လဲလိာ်တမံၤအံၤအဂီၢ်, ဒီးအဝဲဒၣ်ဟ့ၣ်ပှၤအသးစီဆှံဒ်ပှၤအုၣ်ခီၣ်အသးဘၣ် ဃးဒီးတၢ်ခဲလၢာ်လၢအဝဲအိၣ်ကတဲာ်ကတီၤပာ်ဝဲလၢ ပဂီၢ်န့ၣ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 7:3

ကလူးန့ၣ်စံးဝဲ, “တချုးဒံးလၢပမၤပနီၣ်ဃာ်ပကစၢ်ယွၤအခ့ အပှၤတဖၣ်လၢတၢ်စဲပနီၣ်ဃာ်, လၢအခိၣ်တိသၣ်ဒံးဘၣ်န့ၣ်, တဘၣ်မၤဘၣ်ဒိဘၣ်ထံးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်ဧိၤဝၣ်ဧိၤတဖၣ်မ့ၢ်ဂ့ၤနီတမံၤဒံးတဂ့ၤ.”

လံာ်လီၣ်ဖျါ 9:4

အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.