၂ ကရံၣ်သူး 1:21 - Sgaw Karen Common Bible

²¹ ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအဒုးအိၣ်စံာ်အိၣ်ကျၢၤ ပဝဲဒီးသုဝဲလီၤတံၢ်လီၤဆဲးလၢတၢ်ပာ်ဖှိၣ်ဃုာ်ပှၤလၢခရံာ် အပူၤလီၤ. ကစၢ်ယွၤအနီၢ်ကစၢ်ဒၣ်ဝဲမ့ၢ်ပှၤလၢအမၢလီၤ ဒီးဟ့ၣ်စိဟ့ၣ်ကမီၤတ့ၢ်ပှၤ,

၂ ကရံၣ်သူး 1:21 Iomraidhean Croise

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

စံးထီၣ်ပတြၢၤ 87:5

လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ ပှၤကိးကလုာ်ဒဲးဘၣ်ထွဲဖဲန့ၣ်, ဒီးတၢ်စိတၢ်ကမီၤ ခဲလၢာ်အကစၢ် ကမၤဆူၣ်ထီၣ်အီၤလီၤ.

စံးထီၣ်ပတြၢၤ 89:4

အစၢၤအသွဲၣ်တဂၤကမ့ၢ်စီၤပၤ ထီဘိတထံၣ်ဃီဒီး ယကဒုးအိၣ်ဂၢၢ်ကျၢၤအဘီအမုၢ် အစိၤစိၤအဃၣ်ဃၣ်န့ၣ်လီၤ. ” စ့လၤ

လံာ်ယၡါယၤ 49:8

ယွၤစံးဘၣ်အပှၤဂီၢ်မုၢ်, “ဖဲတၢ်ဆၢကတီၢ်ဟဲဝဲလၢတၢ်အုၣ်က့ၤခီၣ်က့ၤသုအဂီၢ်ဒီး, ယကဒုးနဲၣ်ယတၢ်ကွၢ်မဲာ်သုဒီးစံးဆၢသုတၢ်ကိးထီၣ်တဖၣ်လၢတၢ် မၤစၢၤအဂီၢ်န့ၣ်လီၤ. ယကကဟုကယာ်ဒီးဒီဒၣ်အိၣ်ပှိၤသုဒီးခီဖျိသုန့ၣ်, ယကမၤတၢ်အၢၣ်လီၤအီလီၤဒီးပှၤဂီၢ်မုၢ်ခဲလၢာ်လီၤ. ယကပျဲသုအိၣ်ဆိးက့ၤကဒီးလၢသုထံသုကီၢ်ဒၣ်ဝဲလၢခဲအံၤ အိၣ်လီၤဃီဝဲန့ၣ်လီၤ.

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 62:7

တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်တၢ်ဘူၣ်ထီၣ်ဘါထီၣ် 7:35

တၢ်အံၤမ့ၢ်တၢ်လၢတၢ်လုၢ်မ့ၣ်အူဆူယွၤအအိၣ်အကျါတနီၤ, လၢစီၤအၤဟရိၣ်ဒီးအဖိခွါတဖၣ်အဂီၢ်, စးထီၣ်မုၢ်တနံၤလၢအဝဲ သ့ၣ်ဘၣ်တၢ်ဖှူအီၤဒ်ပှၤလုၢ်တၢ်အခိၣ်တဖၣ်အသိးန့ၣ်လီၤ.

လံာ်ဃဘးကူာ် 2:12

ပှၤလၢအပာ်လီၤဝ့ၢ်တဖျၢၣ်အခီၣ်ထံးလၢတၢ်မၤသံမၤ ဝီဒီးသူၣ်ထီၣ်အီၤလၢတၢ်သရူးကမၣ်န့ၣ်, ကဘၣ်တၢ်စံၣ်ညီၣ် ဃါမနၤလီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

၂ ကရံၣ်သူး 5:5

ကစၢ်ယွၤမ့ၢ်ပှၤလၢအအိၣ်ကတဲာ်ကတီၤပာ်ပှၤလၢ တၢ်လဲလိာ်တမံၤအံၤအဂီၢ်, ဒီးအဝဲဒၣ်ဟ့ၣ်ပှၤအသးစီဆှံဒ်ပှၤအုၣ်ခီၣ်အသးဘၣ် ဃးဒီးတၢ်ခဲလၢာ်လၢအဝဲအိၣ်ကတဲာ်ကတီၤပာ်ဝဲလၢ ပဂီၢ်န့ၣ်လီၤ.

ကလီးစဲ 2:7

အိၣ်သူၣ်လီၤသုသးယိာ်ယိာ် ဒီးဘှီထီၣ်သုတၢ်အိၣ်မူလၢ ခရံာ်အပူၤ, ဒီးမ်သုတၢ်စူၢ်တၢ်နာ်အဂံၢ်အဘါကဆူၣ်ထီၣ်ဒ် သုဘၣ်တၢ်သိၣ်လိတ့ၢ်သုအသိး, ဒီးလၢထီၣ်ပှဲၤထီၣ်ဒီးတၢ်စံးဘျုးစံးဖှိၣ်န့ၣ်တက့ၢ်.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၂ သ့းစၤလနံ 2:17

ဟ့ၣ်သုတၢ်သူၣ်ဒူသးဒူဒီးဟ့ၣ်ဂံၢ်ဟ့ၣ်ဘါသုလၢ သုကမၤဒီးစံးကတိၤတၢ်လၢအဂ့ၤအဘၣ်ထီဘိန့ၣ်တက့ၢ်.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

ဧ့ၤဘြံၤ 13:9

တဘၣ်ပျဲတၢ်သိၣ်လိအကလုာ်ကလုာ်ဒီးအလီၤတိၢ်လီၤဆီ တဖၣ်ထုးဝ့ၤဝီၤသုတဂ့ၤ. အဂ့ၢ်ဒ်အံၤ, ဂ့ၤဝဲလၢပဒိးန့ၢ်တၢ်ဂံၢ်တၢ်ဘါဘၣ်ဃးဒီးသူၣ်ဒီးသးလၢ ကစၢ်ယွၤအဘျုးအဖှိၣ်ဒီးတမ့ၢ်ဘၣ်လၢတၢ်အီၣ်တၢ်အီ အတၢ်သိၣ်တၢ်ဘျၢန့ၣ်ဘၣ်. အဂ့ၢ်မ့ၢ်လၢပှၤလၢစူၢ်တၢ်ဘျၢ တဖၣ်အံၤန့ၣ်, တန့ၢ်ဘျုးန့ၢ်ဖှိၣ်ဘၣ်ဝဲဘၣ်.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.