၂ ကရံၣ်သူး 1:2 - Sgaw Karen Common Bible

² မ်ကစၢ်ယွၤ, ပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုးတၢ်ဖှိၣ် ဒီးတၢ်ဃူတၢ်ဖိးတက့ၢ်.

၂ ကရံၣ်သူး 1:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:20

နအိၣ်တ့ၢ်ဖဲအံၤထဲတစိၢ်တလီၢ်ဒံးလီၤ. လၢတၢ်န့ၣ်အဃိဘၣ်မ နုၤယကဘၣ်ဒုးကဲထီၣ်နၤလၢပှၤဟးဝ့ၤဝီၤဃုာ်ဒီးယၤန့ၣ်လဲၣ်. ယကလဲၤဆူလဲၣ်န့ၣ်ယတသ့ၣ်ညါဒၣ်လဲာ်ယဲဘၣ်. က့ၤကဒါက့ၤဒီးက့ၤကိးဃုာ်နထံဖိကီၢ်ဖိကဒဲကဒဲတဖၣ်ဒီးနၤတက့ၢ်. ဒီးမ်ယွၤသးကညီၤသုဒီးတီဒီးသုတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 12:18

ကစၢ်ယွၤအသးဟဲလီၤဘၣ်လၢပှၤလၢအဝဲသ့ၣ်အကျါတဂၤ, စီၤဧၤမၤစဲအလိၤလီၤ. ပှၤအံၤလၢခံကဲထီၣ်ပှၤသၢဆံအသုး ခိၣ်, ဒီးအဝဲဒၣ်ကိးထီၣ်ဝဲ, “စီၤယံးၡဲအဖိခွါစီၤဒၤဝံးဧၢ, ပမ့ၢ်နပှၤတဖၣ်လီၤ. မ်နၤဒီးပှၤလၢအမၤစၢၤနၤတဖၣ်မၤန့ၢ်မၤနၢၤတၢ်တက့ၢ်. ကစၢ်ယွၤအိၣ်လၢနအိၣ်တခီလီၤ.” စီၤဒၤဝံးတူၢ်လိာ်မုာ်အဝဲသ့ၣ်ဒီးဒုးကဲထီၣ်အဝဲသ့ၣ်လၢသုး ခိၣ်တဖၣ်လၢအသုးမုၢ်အပူၤန့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

1 ကရံၣ်သူး 1:3

မ်ပပၢ်ကစၢ်ယွၤဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုးတၢ်ဖှိၣ်, ဒီးတၢ်ဃူတၢ်ဖိးတက့ၢ်.

၂ ကရံၣ်သူး 1:3

မ်ပစံးဘျုးသကိးကစၢ်ယွၤ, ဒီးပကစၢ်ယ့ၣ်ၡူးခရံာ်အပၢ်, ပၢ်လၢအသးကညီၤတၢ်, ကစၢ်ယွၤ, လၢကယဲၢ်တၢ်မၤစၢၤဟဲလၢအအိၣ်န့ၣ်တက့ၢ်.

ကလၤတံ 6:16

မ့မ့ၢ်ပှၤလၢအပိာ်ထွဲတၢ်ဘျၢအဝဲအံၤလၢအတၢ်အိၣ်မူ အပူၤန့ၣ်, မ်တၢ်ဃူတၢ်ဖိးဒီးတၢ်သးကညီၤအိၣ်ဒီးအဝဲသ့ၣ်ဒီး ကစၢ်ယွၤအပှၤဂီၢ်မုၢ်ခဲလၢာ်န့ၣ်တက့ၢ်.

အ့းဖ့းစူး 6:23

မ်ပပၢ်ကစၢ်ယွၤ, ဒီးကစၢ်ယ့ၣ်ၡူးခရံာ်ဟ့ၣ်လီၤပှၤစူၢ်က့ၤနာ် က့ၤတၢ်ဖိခဲလၢာ်လၢတၢ်ဃူတၢ်ဖိး, တၢ်အဲၣ်တၢ်ကွံဃုာ်ဒီးတၢ်စူၢ်တၢ်နာ်န့ၣ်တက့ၢ်.

ဖံလံးပံၤ 1:2

မ်ပပၢ်ကစၢ်ယွၤဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

ကလီးစဲ 1:2

ဆူ, ပှၤစီဆှံလၢဝ့ၢ်ကလီးစဲ, ဒီပုၢ်ဝဲၢ်လၢခရံာ်အပူၤလၢ အကလုၢ်တီဝဲတဖၣ်အအိၣ်, တၢ်ဘျုးတၢ်ဖှိၣ် ဒီးတၢ်ဃူတၢ်ဖိးလၢအဟဲလၢပပၢ်ကစၢ်ယွၤ အအိၣ်န့ၣ်မ်အဘၣ်လၢ်သုတက့ၢ်.

၁ သ့းစၤလနံ 1:1

လၢစီၤပီလူး, စီၤစံလၤဒီးစီၤတံၤမသ့း, ဆူသ့းစၤလနံအတၢ်အိၣ်ဖှိၣ်ဖိတဖၣ်လၢအဘၣ်ဃးဒီးပၢ် ကစၢ်ယွၤဒီးကစၢ်ယ့ၣ်ၡူးခရံာ်အအိၣ်, မ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးအိၣ်ဒီးသုတက့ၢ်.

၂ သ့းစၤလနံ 1:2

မ်ကစၢ်ယွၤလၢအမ့ၢ်ပပၢ်, ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

ဖံၤလ့မိၣ် 1:3

မ်ပပၢ်ကစၢ်ယွၤဒီးပကစၢ်ယ့ၣ်ၡူးခရံာ်ဟ့ၣ်လီၤသုတၢ်ဘျုးတၢ် ဖှိၣ်ဒီးတၢ်ဃူတၢ်ဖိးတက့ၢ်.