၂ ကရံၣ်သူး 1:15 - Sgaw Karen Common Bible

¹⁵ ဘၣ်ဃးဒီးတၢ်သ့ၣ်တဖၣ်အံၤခဲလၢာ်န့ၣ်, ယနာ်ယဲဒၣ်လီၤတံၢ်လီၤဆဲးတုၤဒၣ်လဲာ်ဖဲအသီခါန့ၣ်, ယပာ်လီၤတ့ၢ်ယသးလၢယကလဲၤအိၣ်သကိးသုဒ်သိးသု ကဘၣ်တၢ်ဆိၣ်ဂ့ၤသုခံဘျီအဂီၢ်န့ၣ်လီၤ.

၂ ကရံၣ်သူး 1:15 Iomraidhean Croise

လံာ်မးသဲ 1:19

စီၤယိၤသးမ့ၢ်ပှၤအတီအလိၤတဂၤအဃိ, အသးတအိၣ်လၢ အကမၤမဲာ်ဆှးဘၣ်နီၢ်မၤရံလၢပှၤအါဂၤအမဲာ်ညါဘၣ်. ဒီးအဝဲပာ်လီၤအသးလၢကထုးဖးကွံာ်အသးဒီးအီၤကစုဒုလီၤ.

ရိမ့ၤ 1:11

အဂ့ၢ်မ့ၢ်လၢ, ယသးအိၣ်ထံၣ်ဘၣ်သုဒိၣ်မးဒ်သိးယကနီၤ ဟ့ၣ်သုလၢသးအတၢ်ဆိၣ်ဂ့ၤလၢတၢ်မၤဆူၣ်ထီၣ်သုဂံၢ် သုဘါအဂီၢ်န့ၣ်လီၤ.

ရိမ့ၤ 15:29

တုၤယလဲၤဆူသုအိၣ်ဒီး, ယသ့ၣ်ညါလၢယကလဲၤလၢခရံာ် အတၢ်ဆိၣ်ဂ့ၤဆိၣ်ဝါအလၢအပှဲၤအပူၤန့ၣ်လီၤ.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 16:7

ယဆၢထံၣ်ဘၣ်အါထီၣ်သုတမ့ၢ်ထဲတစိၢ်ဖိလၢကျဲန့ၣ်ဘၣ်. ယဆၢအိၣ်ဘၣ်ယဲဒီးသုဖးယံာ်ဖိ, ဒ်ကစၢ်ဟ့ၣ်အခွဲးအသိးလီၤ.

1 ကရံၣ်သူး 4:19

ဘၣ်ဆၣ်ဒီး ကစၢ်ယွၤမ့ၢ်ဘၣ်အသးကစီဒီန့ၣ်, ယကဟဲဆူသုအိၣ်လၢ အဆိအချ့ဒီးဖဲဆၢကတီၢ်အဝဲန့ၣ်ယသ့ၣ်ညါဘၣ်လၢယနီၢ်ကစၢ် ဒၣ်ယဲ, ဘၣ်ဃးတၢ်စိတၢ်ကမီၤလၢအအိၣ်ဒီးပှၤပာ်ကဖၢလၢအသး တဖၣ်အံၤ, ဒီးတမ့ၢ်ထဲအဝဲသ့ၣ်အတၢ်စံးတၢ်ကတိၤတဖၣ်ဧိၤဘၣ်လီၤ.

၂ ကရံၣ်သူး 12:14

အဝဲအံၤမ့ၢ်ဝဲသၢဘျီတဘျီလၢယအိၣ်ကတဲာ်ကတီၤယသးဒ်သိး ယကဟဲအိၣ်သကိးသု, ဒီးယတဃ့တၢ်လၢသုနီတမံၤဘၣ်. တၢ်လၢယအဲၣ်ဒိးန့ၢ်ဘၣ်န့ၣ်တမ့ၢ်သုတိၢ်သုစ့ဘၣ်, မ့ၢ်ဝဲသုနီၢ်ကစၢ်လီၤ. အဂ့ၢ်ဒ်အံၤ, ဖိလံၤတဖၣ်အလီၢ်တအိၣ်လၢအကဟ့ၣ်တၢ်လၢအမိၢ် အပၢ်ဘၣ်. မ့မ့ၢ်, မိၢ်ပၢ်ကဘၣ်ဟ့ၣ်တၢ်လၢအဖိအလံၤတခီလီၤ.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.