၂ ကရံၣ်သူး 1:14 - Sgaw Karen Common Bible

¹⁴ ဒ်သိးဖဲပကစၢ်ယ့ၣ်ၡူးအမုၢ်တနံၤန့ၣ်, သုကပာ်ကဖၢလၢသုသး လၢပဃိဒ်ပကပာ်ကဖၢလၢပသးလၢသုဃိအသိးန့ၣ်လီၤ.

၂ ကရံၣ်သူး 1:14 Iomraidhean Croise

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

1 ကရံၣ်သူး 1:8

အဝဲဒၣ်ကဒုးအိၣ်ဂၢၢ်အိၣ်ကျၢၤစ့ၢ်ကီးသုတုၤလၢအကတၢၢ်, ဒ်သိးဖဲပကစၢ်ယ့ၣ်ၡူးခရံာ်အမုၢ်တနံၤန့ၣ်, သုကအိၣ်ပူၤပူၤဖျဲးဖျဲးဒီးတၢ်သရူးကမၣ်အဂီၢ်န့ၣ်လီၤ.

1 ကရံၣ်သူး 11:18

အဆိကတၢၢ်န့ၣ်, ယဘၣ်တၢ်စံးဘၣ်တဲဘၣ်ယၤလၢသုတၢ်ပာ်ဖှိၣ်ထီၣ် သကိးသုသးအပူၤန့ၣ်တၢ်ထီဒုၣ်ထီဒါလိာ်သုသးအိၣ်ဝဲဒၣ်, ဒီးယနာ်လၢတၢ်ဂ့ၢ်အဝဲအံၤမ့ၢ်ဝဲတီဝဲတနီၤလီၤ.

1 ကရံၣ်သူး 15:31

ယဒီပုၢ်ဝဲၢ်သ့ၣ်ဧၢ, ယဘၣ်ကွၢ်ဆၢၣ်မဲာ်ဒီးတၢ်သံကိးနံၤဒဲးလီၤ. ယတၢ်ပာ်ကဖၢလၢယသးလၢသုပူၤ, လၢပတၢ်အိၣ်မူပာ်ဖှိၣ်ဃုာ် ပသးဒီးယ့ၣ်ၡူးခရံာ်န့ၣ်, ထိၣ်ဂဲၤယၤဒ်သိးယကပာ်ဖျါထီၣ် တၢ်တမံၤအံၤန့ၣ်လီၤ.

၂ ကရံၣ်သူး 2:5

ခဲကနံၣ်အံၤ, ပှၤတဂၤဂၤမ့ၢ်မၤသးအုးဘၣ်ပှၤတဂၤဂၤဒီး, တမ့ၢ်အဝဲဒၣ်မၤသးအုးယၤဘၣ်. အစှၤကတၢၢ်, မ့ၢ်အမၤသးအုးသုကိးဂၤဒဲးဒဲးန့ၣ်လီၤ. (ယစံးတၢ်အံၤန့ၣ် မ့ၢ်လၢယတအဲၣ်ဒိးဃံးကဲၣ်ဆိးလၢအဖီခိၣ်ဘၣ်အဃိန့ၣ်လီၤ.)

၂ ကရံၣ်သူး 5:12

တမ့ၢ်ပဂုာ်ကျဲးစၢးကဒီးဒ်သိးပကစံးပတြၢၤလီၤက့ၤပသး လၢသုမဲာ်ညါန့ၣ်ဘၣ်. မ့မ့ၢ်ပဂုာ်ကျဲးစၢးဟ့ၣ်သုတၢ်ဂ့ၢ်အကြၢးအဘၣ်ဒီးသုကပာ်ထီၣ် ထီသုသးလၢပဃိ, ဒ်သိးသုစံးဆၢက့ၤပှၤလၢအပာ်ကဖၢလၢအသးဘၣ်ဃး ပှၤကညီတဂၤအတၢ်အိၣ်ဖျါလၢခိဒီးတမ့ၢ်အသကဲာ်ပဝးဘၣ် တဖၣ်န့ၣ်ကသ့ဝဲအဂီၢ်လီၤ.

၂ ကရံၣ်သူး 9:2

ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ဖံလံးပံၤ 1:26

ဒ်သိးဖဲယလဲၤကဒီးဆူသုအိၣ်န့ၣ်, သုကဒိးန့ၢ်အါထီၣ်တၢ်ဂ့ၢ်လၢသုကပာ်ကဖၢလၢသုသးလၢ ယဃိလၢသုတၢ်အိၣ်မူလၢယ့ၣ်ၡူးခရံာ်အပူၤန့ၣ်လီၤ.

ဖံလံးပံၤ 1:6

ဒီးလၢတၢ်န့ၣ်အဃိယနာ်ယဲဒၣ်လၢကစၢ်ယွၤ, လၢအစးထီၣ်အတၢ်မၤအဂ့ၤတမံၤအံၤလၢသုပူၤန့ၣ်, ကမၤဒံးဝဲဆူညါတုၤအလၢထီၣ်ပှဲၤထီၣ်ဝဲတစုဖဲယ့ၣ်ၡူးခရံာ် အမုၢ်တနံၤန့ၣ်လီၤ.

ဖံလံးပံၤ 2:16

ဖဲသုဟ့ၣ်အဝဲသ့ၣ်တၢ်ကစီၣ်ဘၣ်ဃးတၢ်မူအဂ့ၢ်န့ၣ်လီၤ. သုမ့ၢ်မၤဒ်န့ၣ်ဒီးဖဲခရံာ်အမုၢ်နံၤန့ၣ်ယကအိၣ်ဒီးတၢ်အဂ့ၢ်အခၢးလၢ ယကပာ်ကဖၢလၢယသးလၢသုဃိ, မ့ၢ်လၢတၢ်လၢသုမၤန့ၣ်ကဒုးနဲၣ်အဝဲဒၣ်လၢယတၢ်ကျဲးစၢးဒီး တၢ်မၤတကဲထီၣ်တၢ်ကလီကလီဘၣ်အဃိန့ၣ်လီၤ.

ဖံလံးပံၤ 4:1

မ်ဒ်န့ၣ်ဒီး, ယဒီပုၢ်ဝဲၢ်သ့ၣ်ဧၢ, ယအဲၣ်ဘၣ်သုဒီးသးသယုၢ်ဘၣ်သုဒိၣ်မးလီၤ. သုဒုးသးခုယၤဒိၣ်မး, ဒီးယပာ်ကဖၢလၢယသးလၢ သုဃိဒိၣ်မးလီၤ. ဒီပုၢ်ဝဲၢ်သးဘိသ့ၣ်ဧၢ, အဝဲအံၤ မ့ၢ်ကျဲလၢသုကဆၢထၢၣ်ဂၢၢ်ကျၢၤလၢသုတၢ်အိၣ်မူလၢ ကစၢ်အပူၤန့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.