၂ ကရံၣ်သူး 1:12 - Sgaw Karen Common Bible

¹² ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 1:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:22

ယစူၢ်တ့ၢ်ယွၤအတၢ်သိၣ်တၢ်သီန့ၣ်လီၤ. ယတဃၣ်ကွံာ်ဘၣ်ယသးလၢယကစၢ်ယွၤ အအိၣ်ဘၣ်.

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

လံာ်ယၡါယၤ 38:3

“ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:16

လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

1 ကရံၣ်သူး 1:17

ခရံာ်တဆှၢလီၤဒီးမၢလီၤယၤဒ်သိးယကဒိးဘျၢတၢ်ဘၣ်. မ့ၢ်အဝဲဒၣ်ဆှၢလီၤဒီးမၢလီၤယၤဒ်သိးယကစံၣ်တဲၤတဲလီၤတၢ် သးခုကစီၣ်, ဒီးယကစံၣ်တဲၤတဲလီၤအီၤတအိၣ်ဒီးတၢ်သူပှၤကညီအတၢ် ကူၣ်ဘၣ်ကူၣ်သ့ဘၣ်. အဂ့ၢ်မ့ၢ်ဒ်သိးတၢ်စိတၢ်ကမီၤဘၣ်ဃးဒီးခရံာ်အတၢ်သံလၢထူၣ်စု ညါအလိၤန့ၣ်သုတဘၣ်တၢ်ဒုးလီၤမၢ်ကွံာ်အီၤတဂ့ၤန့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 2:13

လၢတၢ်န့ၣ်အဃိ, ပတစံးကတိၤတၢ်လၢတၢ်ကတိၤတဖၣ်လၢအဘၣ်တၢ်သိၣ်လိအီၤ လၢပှၤကညီအတၢ်ကူၣ်ဘၣ်ကူၣ်သ့န့ၣ်ဘၣ်. မ့မ့ၢ်ပစံးကတိၤတၢ်လၢတၢ်ကတိၤတဖၣ်လၢသးစီဆှံသိၣ်လိပှၤမ့ၢ်လၢ ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူပှၤတဖၣ်လၢအအိၣ်ဒီး ကစၢ်ယွၤအသးစီဆှံအဃိန့ၣ်လီၤ.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

၂ ကရံၣ်သူး 1:17

လၢယတၢ်ကူၣ်ထီၣ်ဖးလီၤတမံၤအံၤအပူၤန့ၣ်, မ့ၢ်ယအိၣ်ဖျါဒ်ပှၤလၢအသးကဒံကဒါတဂၤဧါ. ဖဲယကူၣ်ထီၣ် ဖးလီၤတၢ်တဖၣ်န့ၣ်, မ့ၢ်ယမၤအီၤအိၣ်ဒီးတၢ်အဲၣ်လီၤသးအတၢ်ပာ်သူၣ်ပာ်သးအိၣ် ဒီးတၢ်သးအိၣ်အၢၣ်လီၤညီတၢ်, ဒီးဂ့ၢ်လိာ်ညီတၢ်လၢတဘျီဃီ အတီၢ်ပူၤန့ၣ်ဧါ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ ကရံၣ်သူး 8:8

ယတပာ်လီၤတၢ်သိၣ်တၢ်သီဒီးတၢ်ဘျၢနီတမံၤဘၣ်. မ့မ့ၢ်, ခီဖျိယပာ်ဖျါထီၣ်ပှၤဂၤတဖၣ်သးဆူၣ်ဟ့ၣ်တၢ်ဆံးအါ အဂ့ၢ်န့ၣ်, ယဂုာ်ကျဲးစၢးဃုသ့ၣ်ညါယဲသုတၢ်အဲၣ်တၢ်ကွံ ဒၣ်ဝဲမ့ၢ်တၢ်နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

ကလၤတံ 6:4

ပှၤတဂၤဘၣ်တဂၤကြၢးစံၣ်ညီၣ်အကစၢ်ဒၣ်ဝဲအသကဲာ်ပဝးဒီး အတၢ်မၤန့ၣ်လီၤ. တၢ်လၢအမၤတ့ၢ်ဝဲမ့မ့ၢ်တၢ်အဂ့ၤဒီးအဝဲပာ်ကဖၢလၢအသး လၢတၢ်လၢအမၤတ့ၢ်ဝဲအဃိသ့, ဒီးအလီၢ်တအိၣ်လၢအကထိၣ်သတြီၤဝဲဒီးတၢ်လၢပှၤဂၤတဖၣ် မၤတ့ၢ်ဝဲန့ၣ်ဘၣ်.

အ့းဖ့းစူး 6:14

ဆၢထၢၣ်ကျၢၤကျၢၤဒီးစၢဃာ်သုယီၢ်ဒ့ဃံးဃံးလၢတၢ် မ့ၢ်တၢ်တီဒ်ယီၢ်တကိးအသိး, ဒီးသိးထီၣ်တၢ်တီတၢ်လိၤဒ်သဃိး အသိးတက့ၢ်.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,