လံာ်ကွဲးနီၣ်တၢ်ခံဘ့ၣ်တဘ့ၣ် 9:9 - Sgaw Karen Common Bible

⁹ အဝဲဟ့ၣ်ကနၢၤဃီၤစီၤပၤၡလိၤမိၤလၢတၢ်ဟ့ၣ်တဖၣ်လၢအဝဲ ဟဲစိာ်တ့ၢ်ဝဲန့ၣ်လီၤ. တၢ်ဟ့ၣ်တဖၣ်မ့ၢ်ဝဲ, ထူလီၤတယၢၢ်အကံကၢ်တကယၤခံဆံဒီးတၢ်နၢမူအါအါကလဲာ်ဒီး လၢၢ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. တၢ်နၢမူအဂၤတဖၣ်လၢအကဂ့ၤဒ်သိးတၢ်လၢကီၢ်ၡဘၤအနီၢ်ပၤမုၣ်ဟဲ ဟ့ၣ်ဝဲစီၤပၤၡလိၤမိၤန့ၣ်, တအိၣ်ဘၣ်ဝဲနီတစုဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:9 Iomraidhean Croise

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

လံာ်စီၤပၤအခီၣ်ထံးတဘ့ၣ် 10:10

အဝဲဟ့ၣ်လီၤစီၤပၤၡလိၤမိၤလၢတၢ်ဟ့ၣ်ကနၢၤတဖၣ်လၢအဝဲဟဲစိာ် ဝဲန့ၣ်လီၤ. တၢ်တဖၣ်န့ၣ်မ့ၢ်ဝဲထူလီၤတယၢၢ်အကံကၢ်တကယၤခံဆံ, ဒီးတၢ်နၢမူတဖၣ်ဒီးတၢ်မျၢ်တဖၣ်အါအါကလဲာ်န့ၣ်လီၤ. တၢ်နၢမူအါအါဂီၢ်ဂီၢ်လၢအဝဲဟ့ၣ်စီၤၡလိၤမိၤန့ၣ်, မ့ၢ်တၢ်ဟ့ၣ်အဒိၣ်အအါကတၢၢ်လၢစီၤၡလိၤမိၤဒိးန့ၢ်ဘၣ်တ့ၢ်အီၤ တဖၣ်တဘျီဘၣ်တဘျီအကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:14

ထူလၢစီၤဃံရၣ်ဆှၢလီၤန့ၢ်ဆူစီၤၡလိၤမိၤန့ၣ်အိၣ်ဝဲအကံ ကၢ်ဃုဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:1

ကီၢ်ၡဘၤအနီၢ်ပၤမုၣ်နၢ်ဟူတ့ၢ်ဝဲစီၤပၤၡလိၤမိၤအတၢ်မံၤဟူ သၣ်ဖျါဒီးအဝဲလဲၤဝဲဆူဝ့ၢ်ယရူၤၡလ့ၣ်ဒ်သိးအကမၤကွၢ်စီၤ ၡလိၤမိၤလၢတၢ်သံကွၢ်အကီအခဲတဖၣ်န့ၣ်လီၤ. အဝဲဟဲကိးဃုာ်အခ့အပှၤအါအါဂီၢ်ဂီၢ်, ဃုာ်ဒီးကီၤလးအူး တဖၣ်လၢပဒၢးထီၣ်ဝဲဒီးတၢ်နၢမူတဖၣ်, လၢၢ်လုၢ်ဒိၣ်ပှ့ၤဒိၣ်တဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤလၢကယဲၢ်တၢ်သံကွၢ်တဖၣ်လၢအအိၣ်လၢအတၢ်ဆိကမိၣ် အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:10

(စီၤပၤဃံရၣ်အပှၤတဖၣ်ဒီးစီၤပၤၡလိၤမိၤအပှၤတဖၣ်လၢအဟဲစိာ် ထူလၢကီၢ်အိဖ့ၢ်န့ၣ်, ဟဲစိာ်စ့ၢ်ကီးသ့ၣ်အလၤမူးဒီးလၢၢ်လုၢ်ဒိၣ်ပှ့ၤဒိၣ်တဖၣ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:24

အဝဲသ့ၣ်တဂၤဘၣ်တဂၤစုာ်စုာ်ဟဲစိာ်န့ၢ်စီၤၡလိၤမိၤလၢတၢ်ဟ့ၣ် တဖၣ်လၢအမ့ၢ်ဝဲ, တၢ်ပီးတၢ်လီတဖၣ်လၢတၢ်မၤအီၤလၢစ့ဒီးထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူတဖၣ်, ကသ့ၣ်တဖၣ်ဒီးကသ့ၣ်ယီၤတဖၣ်န့ၣ်လီၤ. တၢ်တဖၣ်အံၤမၤအသးတနံၣ်ဝံၤတနံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8

မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

စံးထီၣ်ပတြၢၤ 72:15

မ်စီၤပၤကအိၣ်ကၢအိၣ်ခိးဝဲ, မ်တၢ်ကဟ့ၣ်အီၤလၢၡဘၤအထူ, မ်ပှၤဂီၢ်မုၢ်ကဘါထုကဖၣ်န့ၢ်တၢ်လၢအဂီၢ်တထံၣ်ဃီ ဒီးကဘၣ်တၢ်စံးထီၣ်ပတြၢၤအီၤ ကိးမုၢ်နံၤန့ၣ်တက့ၢ်.

လံာ်တၢ်ဟးထီၣ်ကွံာ် 30:34

ယွၤစံးဘၣ်စီၤမိၤၡ့, “ဟံးန့ၢ်တၢ်နၢမူပှဲၤသိးသိးလၢ သ့ၣ်နၢမူတဖၣ်လၢအမ့ၢ်သ့ၣ်နၤတဖၣ်အထုး, သ့ၣ်ၡဃ့လးအထုး, သ့ၣ်သံခိၣ်ဝါအထုး, ဒီးလီၢ်ဘၣ်အကဆှီတဖၣ်န့ၣ်တက့ၢ်.