လံာ်ကွဲးနီၣ်တၢ်ခံဘ့ၣ်တဘ့ၣ် 9:8 - Sgaw Karen Common Bible

⁸ မ်ယွၤ, နကစၢ်ယွၤဘၣ်တၢ်စံးထီၣ်ပတြၢၤအီၤတက့ၢ်. အဝဲဒုးနဲၣ်ဖျါထီၣ်အတၢ်ဘၣ်သူၣ်ဘၣ်သးနၤထဲလဲၣ်ခီဖျိအဒုး ကဲထီၣ်နၤလၢစီၤပၤဒ်သိးကပၢတၢ်လၢအမံၤအပူၤန့ၣ်လီၤ. အဂ့ၢ်ဒ်အံၤ, အဝဲအဲၣ်အပှၤဂီၢ်မုၢ်အံၣ်စရ့လးဒီးကတီၤဃာ်အီၤ လီၤစိၤလီၤထီအဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိး, နဟံးဃာ်တၢ်သိၣ်တၢ်သီဘၣ်ထွဲဒီးတၢ်စူၢ်တၢ်နာ်ဒီးတၢ်စံၣ်ညီၣ် တီကသ့ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:22

နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤ ယိာ်, ဒီးနၤ, ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:10

ဖဲန့ၣ်, လၢပှၤအိၣ်ဖှိၣ်ရိဖှိၣ်ခဲလၢာ်အမဲာ်ညါ, စီၤပၤစီၤဒၤဝံးစံးထီၣ်ပတြၢၤယွၤန့ၣ်လီၤ. အဝဲစံးဝဲ, “ယွၤ, ပပၢ်ဖးဒိၣ်စီၤယၤကိာ်အကစၢ်ယွၤဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤအဃၣ်ဃၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 13:8

ခဲကနံၣ်အံၤ, သုကူၣ်ထီၣ်လၢသုကဒုးတၢ်ထီဒါစီၤပၤအတၢ်စိ တၢ်ကမီၤ, လၢယွၤဟ့ၣ်တ့ၢ်စီၤဒၤဝံးအစၢၤအသွဲၣ်တဖၣ်န့ၣ်လီၤ. သုအိၣ်ဒီးသုသုးမုၢ်ဖးဒိၣ်တဖုဒီးသုအိၣ်ဒီးဂီၤဖံးဖါ ထူအဂီၤတဖၣ်လၢစီၤယၤရၤဘၣ်တ့န့ၢ်တ့ၢ်သုဒ်သိးကမ့ၢ်သုကစၢ် တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:10

လၢနပှၤကူာ်သ့ၣ်တဖၣ်အတၢ်အီၣ်အဂီၢ်, ယကဟ့ၣ်လီၤနၤဘုကၠူၣ်အကိၢ် ခံကလးဘုမုယီၤအကိၢ်ခံကလး, စပံးထံအဘၤသးခံကလးဒီးသ့ၣ်စၤယံးအသိအဘၤသးခံကလးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:11

စီၤပၤဃံရၣ်ဆှၢလီၤကဒါလံာ်ပရၢစံးဆၢတၢ်တဘ့ၣ်ဆူ စီၤၡလိၤမိၤအအိၣ်န့ၣ်လီၤ. အဝဲကွဲးတၢ်စံးဝဲ, “မ့ၢ်လၢယွၤအဲၣ်အပှၤဂီၢ်မုၢ်အဃိ အဝဲပာ်ထီၣ်လံနၤလၢအဝဲသ့ၣ်အစီၤပၤအလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:7

ပှၤတဖၣ်လၢအမၤန့ၢ်နၤတၢ်, ပှၤတဖၣ်လၢထီဘိအိၣ်လၢနမဲာ်ညါ, ဒီးအိၣ်ဒီးတၢ်ခွဲးတၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤ တဖၣ်န့ၣ်, အဘူၣ်အတီၢ်ဂ့ၤမးလဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:9

အဝဲဟ့ၣ်ကနၢၤဃီၤစီၤပၤၡလိၤမိၤလၢတၢ်ဟ့ၣ်တဖၣ်လၢအဝဲ ဟဲစိာ်တ့ၢ်ဝဲန့ၣ်လီၤ. တၢ်ဟ့ၣ်တဖၣ်မ့ၢ်ဝဲ, ထူလီၤတယၢၢ်အကံကၢ်တကယၤခံဆံဒီးတၢ်နၢမူအါအါကလဲာ်ဒီး လၢၢ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. တၢ်နၢမူအဂၤတဖၣ်လၢအကဂ့ၤဒ်သိးတၢ်လၢကီၢ်ၡဘၤအနီၢ်ပၤမုၣ်ဟဲ ဟ့ၣ်ဝဲစီၤပၤၡလိၤမိၤန့ၣ်, တအိၣ်ဘၣ်ဝဲနီတစုဘၣ်.

စံးထီၣ်ပတြၢၤ 18:19

အဝဲထုးထီၣ်ယၤလၢတၢ်ဘၣ်ယိၣ်ဘၣ်ဘီအလီၢ်, အဝဲမၤပူၤဖျဲးယၤမ့ၢ်လၢ အဝဲဘၣ်သူၣ်ဘၣ်သးယၤအဃိန့ၣ်လီၤ.

စံးထီၣ်ပတြၢၤ 22:8

အဝဲသ့ၣ်စံးဝဲ, “နသန့ၤနသးလၢယွၤလီၤ. ဘၣ်မနုၤလၢအဝဲတမၤပူၤဖျဲးနၤလဲၣ်. ယွၤမ့ၢ်ဘၣ်သူၣ်ဘၣ်သးလၢနၤဒီး ဘၣ်မနုၤလၢအဝဲတမၤစၢၤနၤန့ၣ်လဲၣ်.”

စံးထီၣ်ပတြၢၤ 72:2

မ်အစံၣ်ညီၣ်နပှၤဂီၢ်မုၢ်လၢတၢ်တီတၢ်လိၤ ဒီးနပှၤဖှီၣ်ဖိယာ်ဖိလၢတၢ်စံၣ်ညီၣ်တီန့ၣ်တက့ၢ်.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

တၢ်ကတိၤဒိ. 29:4

ဖဲစီၤပၤပာ်ဒိၣ်ပာ်ကဲတၢ်စံၣ်ညီၣ်တီဒီး, ထံကီၢ်အဂံၢ်အဘါကဆူၣ်ဝဲလီၤ. ဘၣ်ဆၣ်ဖဲအဝဲပာ်ဒိၣ်ပာ်ကဲဒၣ်ထဲကျိၣ်ဧိၤစ့ဧိၤဒီး, အဝဲကမၤဟးဂီၤက့ၤအထံအကီၢ်န့ၣ်လီၤ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.