Biblia Todo Logo
Bìoball air-loidhne

- Sanasan -




လံာ်ကွဲးနီၣ်တၢ်ခံဘ့ၣ်တဘ့ၣ် 9:6 - Sgaw Karen Common Bible

6 တချုးဒံးဘၣ်လၢယဟဲတုၤဒီးထံၣ်ဘၣ်လၢယနီၢ်ကစၢ်ဒၣ်ယဲန့ၣ်တၢ် လၢအဝဲသ့ၣ်တဲဘၣ်တ့ၢ်ယၤန့ၣ်, ယတနာ်အီၤဘၣ်. နတၢ်ကူၣ်သ့အဂ့ၢ်တဝာ်ဒၣ်လဲာ်န့ၣ်, ယတနၢ်ဟူတ့ၢ်အီၤဘၣ်. နကူၣ်သ့ဒိၣ်န့ၢ်ဒၣ်လဲာ်တၢ်လၢပှၤဂီၢ်မုၢ်စံးဝဲန့ၣ်လီၤ.

Faic an caibideil Dèan lethbhreac




လံာ်ကွဲးနီၣ်တၢ်ခံဘ့ၣ်တဘ့ၣ် 9:6
11 Iomraidhean Croise  

ဘၣ်ဆၣ်တချုးဒံးဘၣ်လၢယဟဲထံၣ်ဘၣ်အီၤခဲလၢာ်လၢယနီၢ်ကစၢ်ဒၣ် ယဲန့ၣ်ယနာ်အီၤတသ့ဘၣ်. ဒီးတၢ်လၢယနၢ်ဟူဘၣ်န့ၣ်, တထီၣ်ဘးဒၣ်လဲာ်တဝာ်ဘၣ်. နတၢ်ကူၣ်သ့ဒီးနတၢ်ထူးတၢ်တီၤတဖၣ်အိၣ်အါန့ၢ်ဒံးတၢ်လၢပှၤတဲ ဘၣ်တ့ၢ်ယၤန့ၣ်လီၤ.


အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.


စီၤပၤတဖၣ်လၢဟီၣ်ခိၣ်ဒီဘ့ၣ်ညါနၢ်ဟူတ့ၢ်အဝဲအတၢ်ကူၣ်သ့ အဂ့ၢ်ဒီးဆှၢလီၤပှၤဂီၢ်မုၢ်လၢကလဲၤဒိကနၣ်အီၤအဂီၢ်န့ၣ်လီၤ.


အဝဲစံးဘၣ်စီၤပၤ, “တၢ်လၢယနၢ်ဟူဘၣ်တ့ၢ်လၢယထံယကီၢ်ဒၣ်ယဲ အပူၤဘၣ်ဃးဒီးနဂ့ၢ်ဒီးနတၢ်ကူၣ်ဘၣ်ကူၣ်သ့န့ၣ်မ့ၢ်ဝဲတီဝဲလီၤ.


ပှၤတဖၣ်လၢအမၤန့ၢ်နၤတၢ်, ပှၤတဖၣ်လၢထီဘိအိၣ်လၢနမဲာ်ညါ, ဒီးအိၣ်ဒီးတၢ်ခွဲးတၢ်ယာ်လၢကနၢ်ဟူဘၣ်နတၢ်ကူၣ်သ့အတၢ်ကတိၤ တဖၣ်န့ၣ်, အဘူၣ်အတီၢ်ဂ့ၤမးလဲၣ်.


နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.


ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.


ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”


ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.


Lean sinn:

Sanasan


Sanasan