လံာ်ကွဲးနီၣ်တၢ်ခံဘ့ၣ်တဘ့ၣ် 9:2 - Sgaw Karen Common Bible

² စီၤၡလိၤမိၤစံးဆၢကယဲၢ်တၢ်သံကွၢ်ခဲလၢာ်န့ၣ်လီၤ. တၢ်ကီကဲာ်ဆိးလၢအဝဲကတဲဖျါၡဲအီၤန့ၣ်, တအိၣ်လၢအဂီၢ်နီ တမံၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 9:2 Iomraidhean Croise

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:29

ကစၢ်ယွၤဟ့ၣ်လီၤစီၤၡလိၤမိၤလၢတၢ်ကူၣ်သ့ဒီးတၢ်နၢ်ပၢၢ်လီၤ တံၢ်လီၤဆဲးလၢပှၤတညီနုၢ်မၤန့ၢ်ဘၣ်, ဒီးတၢ်သ့ၣ်ညါလၢအဒိၣ်တုၤတၢ်ထိၣ်အီၤတဲာ်အီၤတသ့ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:1

ကီၢ်ၡဘၤအနီၢ်ပၤမုၣ်နၢ်ဟူတ့ၢ်ဝဲစီၤပၤၡလိၤမိၤအတၢ်မံၤဟူ သၣ်ဖျါဒီးအဝဲလဲၤဝဲဆူဝ့ၢ်ယရူၤၡလ့ၣ်ဒ်သိးအကမၤကွၢ်စီၤ ၡလိၤမိၤလၢတၢ်သံကွၢ်အကီအခဲတဖၣ်န့ၣ်လီၤ. အဝဲဟဲကိးဃုာ်အခ့အပှၤအါအါဂီၢ်ဂီၢ်, ဃုာ်ဒီးကီၤလးအူး တဖၣ်လၢပဒၢးထီၣ်ဝဲဒီးတၢ်နၢမူတဖၣ်, လၢၢ်လုၢ်ဒိၣ်ပှ့ၤဒိၣ်တဖၣ်ဒီးထူအါအါဂီၢ်ဂီၢ်န့ၣ်လီၤ. တုၤအဝဲဒီးစီၤၡလိၤမိၤထံၣ်လိာ်အသးန့ၣ်, အဝဲသံကွၢ်အီၤလၢကယဲၢ်တၢ်သံကွၢ်တဖၣ်လၢအအိၣ်လၢအတၢ်ဆိကမိၣ် အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:3

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်ကူၣ်သ့ဒီးထံၣ် ဘၣ်ဝဲနီလၢအဝဲသူၣ်ထီၣ်တ့ၢ်ဝဲဒၣ်န့ၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 18:4

ပှၤတဂၤအတၢ်ကတိၤတဖၣ်မ့ၢ်တၢ်ကူၣ်တၢ်ဆးအဂံၢ်ထံးတမံၤသ့ဝဲ လီၤ. ယိာ်ဝဲဒ်ပီၣ်လဲၣ်အသိး, ဒီးဆှံဂ့ၤဝဲဒ်ထံဖိကျိလၢ အယွၤလီၤဝဲအသိးလီၤ.

လံာ်မၢ်ကူး 4:11

ယ့ၣ်ၡူးစံးဆၢက့ၤအဝဲသ့ၣ်, “သုဝဲသ့ၣ်အံၤတၢ်ဒုးသ့ၣ်ညါ တ့ၢ်သုတၢ်ခူသူၣ်ဘၣ်ဃးဒီးကစၢ်ယွၤအဘီအမုၢ်န့ၣ်လံ. မ့မ့ၢ်ပှၤအိၣ်လၢတၢ်ချၢတဖၣ်န့ၣ်နၢ်ဟူဒၣ်ထဲတၢ်ကတိၤဒိ တဖၣ်ဧိၤလီၤ.

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.