လံာ်ကွဲးနီၣ်တၢ်ခံဘ့ၣ်တဘ့ၣ် 9:11 - Sgaw Karen Common Bible

¹¹ စီၤၡလိၤမိၤသူတ့ၢ်သ့ၣ်န့ၣ်လၢကမၤဃီသွါတဖၣ်လၢယွၤအတၢ်လုၢ် ဟံၣ်အဂီၢ်ဒီးလၢအနီအဂီၢ်, ဒီးလၢကမၤသီတူၢ်တဖၣ်ဒီးတနၢ်တဖၣ်လၢပှၤသးဝံၣ်တၢ်ဖိအဂီၢ် န့ၣ်လီၤ. လၢကီၢ်ယူဒၤအပူၤန့ၣ်, တၢ်ဒ်န့ၣ်အသိးတဘၣ်တၢ်ထံၣ်ဘၣ်အီၤလၢညါ, နီတစုဘၣ်.)

လံာ်ကွဲးနီၣ်တၢ်ခံဘ့ၣ်တဘ့ၣ် 9:11 Iomraidhean Croise

လံာ်စီၤပၤအခီၣ်ထံးတဘ့ၣ် 10:12

စီၤၡလိၤမိၤသူဝဲသ့ၣ်န့ၣ်လၢကဘှီစုဖီၣ်ကျိၤတဖၣ်လၢယွၤ အတၢ်လုၢ်ဟံၣ်ပူၤဒီးလၢနီပူၤ, ဒီးမၤန့ၢ်စ့ၢ်ကီးတနၢ်တဖၣ်ဒီးသီတူၢ်တဖၣ်လၢပှၤဒ့တၢ်အူတၢ် ဖိတဖၣ်အဂီၢ်န့ၣ်လီၤ. တၢ်တဖၣ်န့ၣ်မ့ၢ်သ့ၣ်အလၤမူးအဂ့ၤကတၢၢ်တဖၣ်လီၤ. တၢ်ဂ့ၤဒ်န့ၣ်အသိးလၢညါတၢ်တဟဲစိာ်တ့ၢ်အီၤမ့ၢ်ဂ့ၤလၢခံ တၢ်တဟဲစိာ်နုာ်လၢၤအီၤမ့ၢ်ဂ့ၤဆူကီၢ်အံၣ်စရ့လးအပူၤနီတစု ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 23:5

ပှၤ လွံၢ်ကထိ ဂၤလၢကပၢၤပဲတြီ, ဒီးပှၤလွံၢ်ကထိ ဂၤလၢကစံးထီၣ်ပတြၢၤယွၤအိၣ်ဒီးတၢ်သူၣ်ဝံၣ်သးဆၢအပီးအလီ တဖၣ်လၢအဘၣ်တၢ်ဟ့ၣ်အီၤလၢစီၤပၤ, လၢတၢ်ကွၢ်စိအံၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 25:1

စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်, စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:8

ယသ့ၣ်ညါလၢနပှၤကူၣ်သ့ၣ်တဖၣ်အိၣ်ဒီးအတၢ်သ့တၢ်ဘၣ်ထဲလဲၣ်ထဲ လဲၣ်အဃိ, ဆှၢလီၤန့ၢ်ယၤသ့ၣ်ဆှိအ့ရ့း, သ့ၣ်ဆှိ, သ့ၣ်အလၤမူးအကျီၣ်တဖၣ်လၢကီၢ်လဘၤနိၣ်န့ၣ်တက့ၢ်. ယအိၣ်ကတဲာ်ကတီၤယသးလၢယကဆှၢလီၤယပှၤတဖၣ် လၢကမၤစၢၤနပှၤတဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 9:10

(စီၤပၤဃံရၣ်အပှၤတဖၣ်ဒီးစီၤပၤၡလိၤမိၤအပှၤတဖၣ်လၢအဟဲစိာ် ထူလၢကီၢ်အိဖ့ၢ်န့ၣ်, ဟဲစိာ်စ့ၢ်ကီးသ့ၣ်အလၤမူးဒီးလၢၢ်လုၢ်ဒိၣ်ပှ့ၤဒိၣ်တဖၣ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:12

စီၤပၤၡလိၤမိၤဟ့ၣ်လီၤကီၢ်ၡဘၤအနီၢ်ပၤမုၣ်လၢကယဲၢ်တၢ်တမံၤ လၢ်လၢ်လၢအဃ့ဝဲန့ၣ်လီၤ. တၢ်အံၤမ့ၢ်တၢ်ဟ့ၣ်တဖၣ်လၢအဝဲဟ့ၣ်အါထီၣ်ဝဲဒ်တၢ်လဲလိာ်တၢ်ဟ့ၣ် ကနၢၤလၢတၢ်ဟ့ၣ်တဖၣ်လၢကီၢ်ၡဘၤအနီၢ်ပၤမုၣ်ဟဲစိာ်န့ၢ်အီၤအဂီၢ်န့ၣ်လီၤ. အန့ၣ်ဝံၤဒီး, အဝဲဒီးအခ့အပှၤတဖၣ်က့ၤကဒါက့ၤဝဲဆူကီၢ်ၡဘၤန့ၣ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.