လံာ်ကွဲးနီၣ်တၢ်ခံဘ့ၣ်တဘ့ၣ် 8:5 - Sgaw Karen Common Bible

⁵ စီၤၡလိၤမိၤသူၣ်ထီၣ်ကဒါက့ၤစ့ၢ်ကီးဝ့ၢ်လၢလာ်တဖၣ်အံၤလီၤ. ဝ့ၢ်ဘ့ၤသဃိရိၣ်လၢထးခီဒီးဝ့ၢ်ဘ့ၤသဃိရိၣ်လၢလာ်ခီ (ဝ့ၢ်တဖၣ်လၢအအိၣ်ဒီးအခိၣ်ဒူဒီးတြဲၤဖးဒိၣ်တဖၣ်လၢပှၤကး တံာ်အီၤဒီးထးဘိဖးဒိၣ်တဖၣ်သ့ဝဲ),

လံာ်ကွဲးနီၣ်တၢ်ခံဘ့ၣ်တဘ့ၣ် 8:5 Iomraidhean Croise

လံာ်စီၤပၤအခီၣ်ထံးတဘ့ၣ် 9:17

ဒီးစီၤၡလိၤမိၤသူၣ်ထီၣ်ကဒါက့ၤဝ့ၢ်န့ၣ်လီၤ.) လၢတၢ်သူတၢ်မၤဆူၣ်မၤနၢၤအတၢ်မၤအပူၤန့ၣ်စီၤၡလိၤမိၤသူၣ် ထီၣ်ကဒါက့ၤစ့ၢ်ကီးဝ့ၢ်ဘ့ၤသဃိရိၣ်အလာ်ခီ,

လံာ်ကွဲးနီၣ်တၢ်အခီၣ်ထံးတဘ့ၣ် 7:24

စီၤအ့ဖရဲၣ်အိၣ်ဒီးအဖိမုၣ်တဂၤလၢအမံၤမ့ၢ်, နီၢ်ၡ့ရၤန့ၣ်လီၤ. အဝဲသူၣ်ထီၣ်ဝ့ၢ်တဖၣ်လၢအမ့ၢ်, ဝ့ၢ်ဘ့ၤသဃိရိၣ်ထးခီဒီးလာ်ခီ, ဒီးဝ့ၢ်အူစ့ၣ်ၡ့ၤရ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:7

အဝဲတဲဘၣ်ကီၢ်ယူဒၤအပှၤဂီၢ်မုၢ်, “မ်ပမၤဂၢၢ်ထီၣ်ကျၢၤထီၣ် ပဝ့ၢ်တဖၣ်ခီဖျိတၢ်သူၣ်ထီၣ်တၢ်ဒူၣ်တဖၣ်ဒီးတၢးခီခၢၣ်သနၢၣ်တ ဖၣ်, တြဲၤဖးဒိၣ်တဖၣ်လၢဘၣ်တၢ်ကးတံၢ်အီၤဒီးဂိာ်တံၢ်ဃာ်အီၤလၢထး ဖျၢၣ်သ့ဝဲန့ၣ်တက့ၢ်. ပမၤန့ၢ်လံထံဧိၤကီၢ်ဧိၤမ့ၢ်လၢပမၤတ့ၢ်ယွၤ, ပကစၢ်ယွၤအတၢ်ဘၣ်အသးအဃိန့ၣ်လီၤ. အဝဲဒီဒၣ်အိၣ်ပှိၤပှၤဒီး ဟ့ၣ်ပှၤတၢ်ဘံၣ်တၢ်ဘၢလၢတၢ်ကိးကပၤဒဲးအပူၤန့ၣ်လီၤ.” ဒီးလၢတၢ်န့ၣ်အဃိအဝဲသ့ၣ်သူၣ်ထီၣ်ဘှီထီၣ်တၢ်ဒီးဘီၣ်ထီၣ်ညီ ထီၣ်ဝဲဒၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:4

ဒီးမၤကျၢၤထီၣ်က့ၤဝ့ၢ်ဖၢၣ်လမါရၤလၢမဲးမုၢ်ခိၣ်အပူၤန့ၣ် လီၤ. အဝဲသူၣ်ထီၣ်ကဒါက့ၤကယဲၢ်ဝ့ၢ်ခဲလၢာ်လၢအအိၣ်လၢဃမါသးအခိၣ် အဃၢၤလၢအမ့ၢ်တ့ၢ်တၢ်ပာ်ဖှိၣ်အဒၢးတဖၣ်အလီၢ်ခၢၣ်သးတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:6

ဝ့ၢ်ဘဧၤလး, ကယဲၢ်ဝ့ၢ်ခဲလၢာ်လၢ, အဝဲပဒၢးဃာ်တၢ်လၢပှၤသူအီၤ အလီၢ်အိၣ်တဖၣ်, ဝ့ၢ်တဖၣ်လၢအဝဲအကသ့ၣ်တဖၣ်ဒီးအလ့ၣ်ကဟၣ်တဖၣ်ဘၣ်တၢ်ပာ်လီၤအီၤ န့ၣ်လီၤ. အဝဲမၤဝံၤကယဲၢ်တၢ်ကူၣ်ကျဲၤခဲလၢာ်လၢတၢ်သူၣ်ထီၣ်လၢဝ့ၢ်ယရူၤ ၡလ့ၣ်အပူၤအဂီၢ်, လၢကီၢ်လဘၤနိၣ်အပူၤအဂီၢ်ဒီးလၢကယဲၢ်တၢ်လီၢ်ကဝီၤလၢအဝဲပၢ ဘၣ်ဝဲခဲလၢာ်အပူၤအဂီၢ်န့ၣ်လီၤ.

လံာ်စီၤယိၤၡူ 16:3

ဝံၤဒီးလဲၤလီၤလၢမုၢ်နုာ်တကပၤဆူ ပှၤယးဖလ့တံၤဖိအကီၢ်တုၤလီၤလၢဝ့ၢ်ဘ့ၤသဃိရိၣ်လၢလာ်ခီ, ဝံၤဒီးဆူဝ့ၢ်က့စ့ၢ်ဒီးလဲၤကတၢၢ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်စီၤယိၤၡူ 16:5

အအံၤမ့ၢ်ပှၤအ့ဖရဲၣ်ဖိအဒူၣ်ဖိထၢဖိတဖၣ်အထံကီၢ် န့ၣ်လီၤ. အကီၢ်ဆၢစးထီၣ်အသးဖဲဝ့ၢ်ဧးတၤရိးအးဒၤလၢမုၢ်ထီၣ်တခီတုၤ ဆူဝ့ၢ်ဘ့ၤသဃိရိၣ်လၢထးခီ,