လံာ်ကွဲးနီၣ်တၢ်ခံဘ့ၣ်တဘ့ၣ် 8:13 - Sgaw Karen Common Bible

¹³ အဝဲဆူးကဲၤထီၣ်ဝဲတၢ်လုၢ်မ့ၣ်အူတဖၣ်ဒ်စီၤမိၤၡ့အတၢ်သိၣ်တၢ် သီပာ်ဖျါဝဲ, လၢမုၢ်နံၤစီဆှံတနံၤဘၣ်တနံၤအဂီၢ်အသိး, လၢမုၢ်အိၣ်ဘှံးနံၤတဖၣ်, လါထီၣ်သီအမူးအပွဲတဖၣ်, ဒီးလၢတနံၣ်တဘျီအဘူၣ်သၢဘူၣ်လၢအမ့ၢ်ဝဲ, ဘူၣ်ကိၣ်တအိၣ်ဘၣ်ဒီးကိၣ်မံၣ်, ဘူၣ်နွံဒီးဘူၣ်ဒဲတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:13 Iomraidhean Croise

လံာ်စီၤပၤအခီၣ်ထံးတဘ့ၣ် 9:25

စီၤၡလိၤမိၤလုၢ်ထီၣ်ပာ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤ ဃူမၤဖိးတဖၣ်လၢတၢ်လုၢ်လီၢ်လၢအဝဲဘှီထီၣ်တ့ၢ်ဝဲလၢယွၤ အဂီၢ်အဖီခိၣ်တနံၣ်သၢဘျီန့ၣ်လီၤ. အဝဲဆူးကဲၤထီၣ်စ့ၢ်ကီးတၢ်လုၢ်နၢမူဆူယွၤအအိၣ်န့ၣ်လီၤ. ဒီးလၢတၢ်န့ၣ်အဃိအဝဲမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:3

စီၤၡလိၤမိၤဆှၢလီၤတၢ်ကစီၣ်တမံၤဆူဝ့ၢ်ထါယၢၣ်အစီၤပၤဃံ ရၣ်အအိၣ်ဒီးစံးဝဲဒၣ်, “မၤသကိးတၢ်ဒီးယၤဒ်နမၤတ့ၢ်ဒီးယပၢ်, စီၤပၤဒၤဝံးအသိး, ဖဲနဆါန့ၢ်တ့ၢ်အီၤသ့ၣ်ဆှိးအ့ရ့းအကျီၣ်တဖၣ်လၢတၢ်ကသူၣ်ထီၣ် အနီအဂီၢ်န့ၣ်တက့ၢ်.

လံာ်စီၤနဃ့မယၤ 8:17

ကယဲၢ်ပှၤဂီၢ်မုၢ်လၢအဟဲက့ၤလၢတၢ်စိာ်မၢကဲကုၢ်အလီၢ်တဖၣ်န့ၣ် ဘှီထီၣ်ဒဲတဖၣ်ဒီးအိၣ်ဝဲလၢအပူၤန့ၣ်လီၤ. တၢ်အံၤမ့ၢ်အဆိကတၢၢ်တဘျီလၢတၢ်မၤအီၤစးထီၣ်ဖဲ စီၤနိၣ်အဖိခွါစီၤယိၤၡူအမုၢ်နံၤတဖၣ်ဝံၤအလီၢ်ခံန့ၣ်လီၤ. ကယဲၢ်ပှၤခဲလၢာ်အသူၣ်ပိၢ်အသးဝးဒီးသူၣ်ဖှံသးညီဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 34:22

တိၢ်န့ၢ်ဖံးဃာ်တၢ်ကူးဘုကတီၢ်အမူးဖဲသုစးထီၣ်ကူးဘုကၠူၣ် အဆိကတၢၢ်ဒီးတိၢ်န့ၢ်ဖံးဃာ်ဘူၣ်ဒဲဖဲသုပာ်ဖှိၣ်သုတၤသၣ် တဖၣ်လၢတၢ်ကိၢ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 34:23

သုပှၤပိာ်ခွါတဖၣ်ကဘၣ်ဟဲဘူၣ်ထီၣ်ဘါထီၣ်ယၤ, ယွၤ, ကီၢ်အံၣ်စရ့လးအကစၢ်ယွၤ, တနံၣ်သၢဘျီန့ၣ်လီၤ.

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.