လံာ်ကွဲးနီၣ်တၢ်ခံဘ့ၣ်တဘ့ၣ် 8:12 - Sgaw Karen Common Bible

¹² စီၤၡလိၤမိၤလုၢ်ထီၣ်ပာ်ထီၣ်ဝဲတၢ်လုၢ်တၢ်ပာ်တဖၣ်ဆူယွၤအအိၣ် လၢတၢ်လုၢ်လီၢ်လၢအသူၣ်ထီၣ်ဝဲအဖီခိၣ်, ဖဲတၢ်လုၢ်ဟံၣ်အမဲာ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:12 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:17

အဝဲဟ့ၣ်လီၤစ့ၢ်ကီးတၢ်သိၣ်လီၤမၤလိာ်တဖၣ်ဘၣ်ထွဲဒီးတၢ်က ဘၣ်သူထူအစီဆံးအါလၢတၢ်ကမၤနီၣ်ဆဲးတဖၣ်, သလၢတဖၣ်ဒီးသပၢၤတဖၣ်အဂီၢ်လဲၣ်, တၢ်ကဘၣ်သူစ့ဒီးထူ ဆံးအါလၢတၢ်ကမၤလီခီတဖၣ်အဂီၢ်လဲၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 1:6

လၢယွၤအဒဲစီဆှံအမဲာ်ညါန့ၣ်စီၤပၤဘူၣ်ထီၣ်ဘါထီၣ်ယွၤခီ ဖျိလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်လၢတၢ်လုၢ်လီၢ်တိၢ်ဘီအဖိ ခိၣ်န့ၣ်လီၤ. အဝဲအိၣ်ဒီးဆၣ်ဖိကီၢ်ဖိအဒုတကထိ လၢအဘၣ်တၢ်မၤသံအီၤဒီးဆူးကဲၤထီၣ်အီၤဒီတဒုခဲလၢာ်လၢတၢ် လုၢ်လီၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:8

တုၤစီၤပၤအၤစါနၢ်ဟူဝံအတၢ်စံးပာ်လၢစီၤဧိၤဒ့းအဖိခွါ စီၤဧစၤရယၤစံးဝဲန့ၣ်, အဝဲအဂံၢ်အဘါဘၣ်တၢ်ဒုးဆူၣ်ထီၣ်အီၤန့ၣ်လီၤ. အဝဲသုးကွံာ်ကယဲၢ်တၢ်ဂီၤတၢ်ဖီၣ်တဖၣ်လၢယူဒၤဒီးဘံၣ်ယၤမံၣ် အကီၢ်ပူၤ, ဒီးကယဲၢ်တၢ်ဂီၤတၢ်ဖီၣ်ခဲလၢာ်လၢဝ့ၢ်တဖၣ်လၢအဝဲမၤန့ၢ်တ့ၢ် ဝဲ, လၢအ့ဖရဲၣ်အကစၢၢ်ကလိတဖၣ်အလိၤန့ၣ်လီၤ. အဝဲဘှီဂ့ၤထီၣ်က့ၤစ့ၢ်ကီးယွၤအတၢ်လုၢ် လီၢ်လၢအအိၣ်ဆၢထၢၣ်ဖဲယွၤအတၢ်လုၢ်ဟံၣ်အဂၢၤပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်ယဃ့းစက့လး 45:17

တၢ်န့ၣ်ကမ့ၢ်အဝဲအမူအဒါလၢကဘၣ်ဟ့ၣ်ထီၣ်ဘၣ်ဆၣ်ဖိကီၢ်ဖိ တဖၣ်လၢကဘၣ်တၢ်ဆိၣ်ကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ် ဒီးတၢ်လုၢ်စပံးထံတဖၣ်လၢကီၢ်အံၣ်စရ့လးအပှၤကလုာ် ဒီကလုာ်အဂီၢ်, ဖဲလါထီၣ်သီအမူးတဖၣ်, အိၣ်ဘှံးနံၤတဖၣ်ဒီး မူးအဂၤတဖၣ်အကတီၢ်န့ၣ်လီၤ. အဝဲကဘၣ်ဟ့ၣ်ထီၣ်တၢ်လုၢ် တၢ်ပျၢ်တၢ်ဒဲးဘး, တၢ်လုၢ်မၤဘူၣ်ဘုဧိၤဟုဧိၤ, တၢ်လုၢ်တဖၣ် လၢတၢ်ကဆိၣ်ကဲၤအီၤဒီတဒုဒီးတၢ်လုၢ်မၤဃူမၤဖိးတၢ်တဖၣ် ဒ်သိးကစိာ်ကွံာ်ကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် အဂီၢ်န့ၣ်လီၤ.”

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်ယိၤဟၣ် 10:23

ယ့ၣ်ၡူးဟးထီၣ်ဟးလီၤလၢစီၤၡလိၤမိၤအတၢ်ဒုးခိၣ် အဖီလာ်လၢတၢ်လုၢ်ဟံၣ်အပူၤန့ၣ်လီၤ.