လံာ်ကွဲးနီၣ်တၢ်ခံဘ့ၣ်တဘ့ၣ် 8:11 - Sgaw Karen Common Bible

¹¹ စီၤၡလိၤမိၤဒုးဟးထီၣ်ကွံာ်အမါလၢအမ့ၢ်ကီၢ်အဲၤကူပတူး အစီၤပၤအဖိမုၣ်လၢစီၤဒၤဝံးအဝ့ၢ်ဆူဟံၣ်တဖျၢၣ်လၢအဝဲသူၣ် ထီၣ်ဝဲလၢအမါအံၤအဂီၢ်န့ၣ်လီၤ. အဝဲစံးဝဲ, “ပိာ်မုၣ်အံၤတဘၣ်အိၣ်လၢအံၣ်စရ့လးအစီၤပၤဒၤ ဝံးအနီပူၤဘၣ်. အဂ့ၢ်ဒ်အံၤ, တၢ်လီၢ်တပူၤလၢ်လၢ်ဖဲ တၢ်အၢၣ်လီၤအီလီၤအတလါစီဆှံအိၣ်ဝဲန့ၣ်မ့ၢ်တၢ်လီၢ်စီဆှံ န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 8:11 Iomraidhean Croise

လံာ်စီၤပၤအခီၣ်ထံးတဘ့ၣ် 3:1

စီၤၡလိၤမိၤမၤတၢ်ဒီသိၣ်ဒီမှံၤဒီးကီၢ်အဲၤကူပတူးအစီၤ ပၤခီဖျိအဝဲအတၢ်ဒိးတ့ဒိးဖျီအသးဒီးကီၢ်အဲၤကူပတူးအစီၤပၤအဖိ မုၣ်န့ၣ်လီၤ. အဝဲဟဲက့ၤကိးအီၤလၢကအိၣ်ဝဲဆိးဝဲလၢစီၤဒၤဝံးအဝ့ၢ်ပူၤ တုၤလီၤလၢအဝဲသူၣ်ထီၣ်အနီ, ယွၤအတၢ်လုၢ်ဟံၣ်ဒီးဝ့ၢ်ခိၣ်ဒူဝးတရံးဝ့ၢ်ယရူၤၡလ့ၣ်ဝံၤဝဲ တစုန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:8

လၢတၢ်စံၣ်ညီၣ်အဒၢးဖးဒိၣ်အလီၢ်ခံဂၢၤအဂၤတတီၤန့ၣ်, စီၤၡလိၤမိၤအကစၢ်ဒၣ်ဝဲအိၣ်ဆိးအဟံၣ်တဖၣ်ဘၣ်တၢ်ဘှီထီၣ်အီၤဒ် တၢ်သူၣ်ထီၣ်အဂၤတဖၣ်အသိးန့ၣ်လီၤ. အဝဲဘှီထီၣ်စ့ၢ်ကီးဟံၣ်ဒ်န့ၣ်အသိးလၢအမါ, ကီၢ်အဲၤကူပတူးအစီၤပၤအဖိမုၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 9:24

ဖဲအဝဲအမါလၢအမ့ၢ်ကီၢ်အဲၤကူပတူးအစီၤပၤအဖိမုၣ်, သုးအသးလၢစီၤဒၤဝံးအဝ့ၢ်ဆူနီလၢစီၤၡလိၤမိၤဘှီထီၣ်န့ၢ် လၢအဂီၢ်ဝံၤအလီၢ်ခံန့ၣ်, စီၤၡလိၤမိၤမၤပှဲၤထီၣ်ဟီၣ်ခိၣ်လၢတၢ်လီၢ်လၢအအိၣ်လၢဝ့ၢ် အမုၢ်ထီၣ်တကပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:10

ပဒိၣ်ပပှၢ်တဖၣ်လၢအကွၢ်ထွဲတၢ်မၤအဆူၣ်အကိၢ်ဘၣ်ထွဲဒီးတၢ်သူၣ် ထီၣ်ဘှီထီၣ်အကလုာ်ကလုာ်အတၢ်တိာ်ကျဲၤအတၢ်မၤ, အိၣ်ဝဲခံကယၤယဲၢ်ဆံဂၤန့ၣ်လီၤ.

လံာ်တၢ်ဟးထီၣ်ကွံာ် 29:43

ဖဲန့ၣ်ယကသဂၢၢ်ကီၢ်အံၣ်စရ့လးအပှၤဂီၢ်မုၢ်ဒီးယတၢ်အိၣ်ဝဲဆိးဝဲ အတၢ်ကပြုၢ်ကပြီၤန့ၣ်ကမၤစီဆှံတၢ်လီၢ်န့ၣ်လီၤ.

လံာ်တၢ်ဟးထီၣ်ကွံာ် 3:5

ဒီးကစၢ်ယွၤစံးဝဲဒၣ်, “သုးဘူးနသးဖဲအံၤတဂ့ၤ, ဃ့ၣ်လီၤကွံာ်နခီၣ်ဖံးတက့ၢ်. အဂ့ၢ်ဒ်အံၤ, တၢ်လီၢ်လၢနဆၢထၢၣ်လၢအဖီခိၣ်အံၤမ့ၢ်ဟီၣ်ခိၣ်စီဆှံလီၤ.

၂ ပ့းတရူး 1:18

ပကစၢ်ဒၣ်ပဝဲပနၢ်ဟူတၢ်အကလုၢ်အံၤဟဲလီၤလၢမူခိၣ်, ဖဲပအိၣ်ဒီးအီၤလၢကစၢၢ်စီဆှံအဖီခိၣ်အဆၢကတီၢ်န့ၣ်လီၤ.