လံာ်ကွဲးနီၣ်တၢ်ခံဘ့ၣ်တဘ့ၣ် 7:9 - Sgaw Karen Common Bible

⁹ လၢတၢ်ပာ်စီဆှံတၢ်လုၢ်လီၢ်အဂီၢ်, အဝဲသ့ၣ်မၤလၢာ်တၢ်ဆၢကတီၢ် နွံသီ, ဒီးလၢမူးပွဲအဂီၢ်မၤလၢာ်အါထီၣ်ကဒီးဝဲနွံသီန့ၣ်လီၤ. လၢခံကတၢၢ်တနံၤန့ၣ်အဝဲသ့ၣ်အိၣ်ဒီးတၢ်မၤကတၢၢ်က့ၤအမူး,

လံာ်ကွဲးနီၣ်တၢ်ခံဘ့ၣ်တဘ့ၣ် 7:9 Iomraidhean Croise

လံာ်စီၤပၤအခီၣ်ထံးတဘ့ၣ် 8:2

အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဖဲတၢ်မၤဘူၣ်ဘူၣ်ဒဲအခါလၢ လါအ့သၤနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:23

ဖဲအဝဲသ့ၣ်လုၢ်ထီၣ်ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤ လၢတၢ်လုၢ်စံးထီၣ်ပတြၢၤ, လၢနွံသီအတီၢ်ပူၤဝံၤအလီၢ်ခံန့ၣ်, အဝဲသ့ၣ်ခဲလၢာ်ပာ်လီၤသကိးအသးလၢကမၤကဒီးဝဲဆူညါနွံသီ န့ၣ်လီၤ. ဒီးလၢတၢ်န့ၣ်အဃိအဝဲသ့ၣ်မၤဝဲလၢတၢ်သူၣ်ခု သးခုအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:10

ဒီးပိာ်ထွဲထီၣ်အခံတနံၤလၢအမ့ၢ်, လါနွံလါတလါထီၣ်ခံဆံ သၢသီတသီန့ၣ်, စီၤၡလိၤမိၤပျၢ်က့ၤပှၤဂီၢ်မုၢ်ဆူအဟံၣ်ဒၣ်ဝဲန့ၣ်လီၤ. အဝဲသ့ၣ်သူၣ်ဖှံသးညီဝဲလၢတၢ်ဆိၣ်ဂ့ၤတဖၣ်လၢယွၤဟ့ၣ်လီၤ တ့ၢ်အီၤဆူအပှၤဂီၢ်မုၢ်အံၣ်စရ့လး, ဆူစီၤဒၤဝံး, ဒီးဆူစီၤၡလိၤမိၤအဃိန့ၣ်လီၤ.

လံာ်စီၤနဃ့မယၤ 8:18

စးထီၣ်လၢမူးအခီၣ်ထံးတနံၤတုၤလီၤလၢအကတၢၢ်တနံၤန့ၣ်, ကိးနံၤဒဲးအဝဲသ့ၣ်ဖးကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်တပတီၢ်ဘၣ်တပတီၢ်န့ၣ်လီၤ. အဝဲသ့ၣ်မၤမူးန့ၣ်နွံသီဒီးလၢဃိးသီတသီန့ၣ်မ့ၢ်ဝဲတၢ်မၤ ကတၢၢ်ကွံာ်မူးဒ်ယူဒၤအတၢ်သိၣ်တၢ်သီပာ်ဖျါဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 29:37

မၤတၢ်အံၤကိးနံၤဒဲးနွံသီတက့ၢ်. အန့ၣ်ဒီးတၢ်လုၢ်လီၢ်ကစီဆှံထီၣ်ဝဲလၢလၢပှဲၤပှဲၤန့ၣ်လီၤ. ဒီးပှၤတဂၤဂၤမ့ၢ်ဂ့ၤ, တၢ်တမံၤမံၤမ့ၢ်ဂ့ၤလၢအထိးဘၣ်အီၤ န့ၣ်ကဘၣ်တၢ်မၤဘၣ်ဒိအီၤလၢတၢ်စီဆှံအံၤအစိအကမီၤန့ၣ်လီၤ.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:36

သုဘၣ်လုၢ်ယွၤလၢတၢ်လုၢ်မ့ၣ်အူလၢနွံနံၤလီၤ. ဒီးလၢဃိးနံၤတနံၤန့ၣ်ဟဲသကိးကဒီး လၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးလုၢ်ထီၣ်တၢ်လုၢ်မ့ၣ်အူ တက့ၢ်. မ့ၢ်မုၢ်နံၤတနံၤလၢတၢ်ဘူၣ်ထီၣ်ဘါထီၣ်ယွၤအဂီၢ်ဒီးသုတဘၣ်မၤ တၢ်နီတမံၤဘၣ်.

လံာ်တၢ်ဂံၢ် 7:10

ပှၤခိၣ်ပှၤနၢ်တဖၣ်ဟဲစိာ်စ့ၢ်ကီးတၢ်လုၢ်မၤဘူၣ်တဖၣ်လၢတၢ်ကမၤ တၢ်ပာ်စီဆှံထီၣ်တၢ်လုၢ်လီၢ်အမူးအဂီၢ်န့ၣ်လီၤ. ဖဲအဝဲသ့ၣ်အိၣ်ကတဲာ်ကတီၤလံအသးလၢကဟ့ၣ်ထီၣ်အတၢ်ဟ့ၣ်သ့ၣ် တဖၣ်ဖဲတၢ်လုၢ်လီၢ်အခါန့ၣ်,

လံာ်သိၣ်လီၤသီလီၤတၢ် 16:8

မၤကဒီးဆူညါဃုသီန့ၣ်သုဘၣ်အီၣ်ကိၣ်လၢတဘၣ်တၢ်မၤအီၤဒီး ကိၣ်မံၣ်ဘၣ်န့ၣ်လီၤ. ဒီးလၢနွံသီတသီန့ၣ်အိၣ်ဖှိၣ်ရိဖှိၣ်လၢတၢ်ဘူၣ်ထီၣ်ဘါထီၣ် ယွၤသုကစၢ်ယွၤအဂီၢ်, ဒီးတၢ်လၢမုၢ်နံၤအဝဲန့ၣ်မၤတၢ်နီတမံၤတဂ့ၤ.