လံာ်ကွဲးနီၣ်တၢ်ခံဘ့ၣ်တဘ့ၣ် 7:8 - Sgaw Karen Common Bible

⁸ စီၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်မၤမူးမၤပွဲ လၢဘူၣ်ဒဲအဂီၢ်နွံသီန့ၣ်လီၤ. ဖဲန့ၣ်ပှၤကမျၢၢ်ဂီၢ်မုၢ်ဖးဒိၣ်တဖၣ်အိၣ်ဝဲ, လၢအဟဲဝဲလၢကလံၤစိးတခီယံၤဝဲပၢၢ်လၢဝ့ၢ်ဃမါသးအတၢ်လဲၤ နုာ်အကျဲဒီးလၢကလံၤထံးတခီန့ၣ်ယံၤဝဲပၢၢ်လၢကီၢ်အဲၤကူပတူး အကီၢ်အဆၢန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:8 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်စီၤပၤအခီၣ်ထံးတဘ့ၣ် 8:2

အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဖဲတၢ်မၤဘူၣ်ဘူၣ်ဒဲအခါလၢ လါအ့သၤနံၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:13

ပှၤဂီၢ်မုၢ်အါအါဂီၢ်ဂီၢ်ပာ်ဖှိၣ်ထီၣ်အသးလၢဝ့ၢ်ယရူၤရှလ့ၣ်အ ပူၤ, လၢလါခံလါတလါဒ်သိးကမၤဘူၣ်တအိၣ်ဘၣ်ဒီးကိၣ်မံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:26

ဝ့ၢ်ယရူၤရှလ့ၣ်ပှဲၤဝဲဒီးတၢ်သူၣ်ခုသးခု, မ့ၢ်လၢတၢ်ဒ်သိးအံၤတမၤတ့ၢ်အသးစးထီၣ်လၢစီၤဒၤဝံးအဖိခွါ စီၤပၤၡလိၤမိၤအမုၢ်နံၤတဖၣ်အပူၤဒၣ်လဲာ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:3

အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဝဲဒၣ်ဖဲလါနွံလါတလါတၢ် မၤ, ဘူၣ်ဒဲအကတီၢ်န့ၣ်လီၤ.

လံာ်ယဃ့းစက့လး 45:25

လၢဘူၣ်ဒဲအမူးလၢအဘၣ်တၢ်စးထီၣ်မၢအီၤလၢလါနွံလါတလါ ထီၣ်တဆံယဲၢ်သီတသီအဂီၢ်န့ၣ်ကိးမုၢ်နံၤဒဲးနွံသီအတီၢ်ပူၤ, စီၤပၤ ဖိခွါကဘၣ်လုၢ်တၢ်လုၢ်တမံၤဃီတဖၣ်လၢတၢ်ဒဲးဘးအဂီၢ်, တၢ်လုၢ်တမံၤဃီတဖၣ်လၢတၢ်ကဆိၣ်ကဲၤအီၤဒီဒုအဂီၢ်, ဒီးတၢ်လုၢ် မၤဘူၣ်တၤဖၣ်လၢဘုဧိၤဟုဧိၤဒီးသ့ၣ်စၤယံးအသိန့ၣ်လီၤ.”

လံာ်ယဃ့းစက့လး 47:20

ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်မ့ၢ်မုၢ်နုာ်ကီၢ်ဆၢဒီးလဲၤဝဲဆူကလံၤစိး တကပၤတုၤဆူတၢ်လီၢ်တတီၤလၢအအိၣ်လၢဝ့ၢ်ဃမါသးအကျဲ မုၢ်နုာ်တကပၤန့ၣ်လီၤ.

လံာ်ဧၤမိၣ် 6:14

ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်ယိၤဟၣ် 7:2

ပှၤယူဒၤဖိအဘူၣ်ဒဲကဘၣ်ဘူးထီၣ်လံအဃိ,