လံာ်ကွဲးနီၣ်တၢ်ခံဘ့ၣ်တဘ့ၣ် 7:7 - Sgaw Karen Common Bible

⁷ စီၤၡလိၤမိၤပာ်စီဆှံထီၣ်ဝဲဂၢၤအတၢ်လီၢ်လၢတၢ်ခၢၣ်သးက တၢၢ်, တၢ်လီၢ်ကဝီၤလၢအအိၣ်ဝဲဖဲယွၤအတၢ်လုၢ်ဟံၣ်အမဲာ်ညါ, အဝဲလုၢ်ထီၣ်တၢ်လုၢ်တၢ်ပာ်တဖၣ်လၢအမ့ၢ်, တၢ်လုၢ်ဆူးကဲၤဒီတဒုညါ, တၢ်လုၢ်ဘုဧိၤဟုဧိၤတဖၣ်ဒီးတၢ်အသိတဖၣ်လၢတၢ်လုၢ်မၤဃူမၤဖိး အပူၤန့ၣ်လီၤ. အဝဲမၤတ့ၢ်တၢ်အံၤမ့ၢ်လၢတၢ်လုၢ်လီၢ်တိၢ်ဘီလၢ အဝဲဘှီထီၣ်တ့ၢ်ဝဲန့ၣ်, ဆံးကဲာ်ဆိးလၢတၢ်လုၢ်တၢ်ပာ်ခဲလၢာ်အံၤအဂီၢ် အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:7 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 4:1

စီၤပၤၡလိၤမိၤမၢပှၤမၤထီၣ်တၢ်လုၢ်လီၢ်တိၢ်ဘီတခါလၢအထီ အိၣ်ဝဲအပျၢ်ခံဆံ, အဒီၣ်ဃီၤအိၣ်ဝဲအပျၢ်ခံဆံဒီးအကစီၤထီၣ် အိၣ်ဝဲဆံဆဲၣ်ပျၢ်န့ၣ်လီၤ.

လံာ်တၢ်ဂံၢ် 29:39

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်လၢအဘၣ်ဃးဒီးတၢ်လုၢ်မ့ၣ်အူ တဖၣ်, တၢ်လုၢ်ဘုဧိၤဟုဧိၤတဖၣ်, တၢ်လုၢ်စပံးထံတဖၣ်ဒီးတၢ်လုၢ်မၤ ဃူမၤဖိးတဖၣ်လၢသုကဘၣ်လုၢ်ထီၣ်အီၤဆူယွၤအအိၣ်ဖဲမူးဖးဒိၣ် တဖၣ်ဒ်တၢ်သ့ၣ်ဆၢဖးကတီၢ်အိၣ်ဝဲအသိးန့ၣ်လီၤ. တၢ်သ့ၣ်တဖၣ်အံၤမ့ၢ်တၢ်လုၢ်ပာ်ဖှိၣ်အါထီၣ်ဆူ, တၢ်လုၢ်မၤဘူၣ်တဖၣ်လၢသုဟံးထီၣ်အီၤဒ်တၢ်မၤလၢပှဲၤတၢ်ဆိၣ် တမံၤမ့ၢ်ဂ့ၤ, ဒ်သုတၢ်သးအိၣ်အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.