လံာ်ကွဲးနီၣ်တၢ်ခံဘ့ၣ်တဘ့ၣ် 7:21 - Sgaw Karen Common Bible

²¹ ခဲကနံၣ်အံၤယွၤအတၢ်လုၢ်ဟံၣ်အံၤဘၣ်တၢ်ပာ်ကပီၤအီၤဒိၣ်မးဘၣ်ဆၣ်, အန့ၣ်တစု, ပှၤတဂၤလၢ်လၢ်လၢအလဲၤခီတြူာ်ဘၣ်အီၤန့ၣ်, ကကမၢကမၣ်ဒီးကသံကွၢ်ဝဲ, ဘၣ်မနုၤအဃိ ယွၤမၤထံကီၢ်အံၤဒီးယွၤအတၢ်လုၢ်ဟံၣ်အံၤဒ်န့ၣ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 7:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 29:8

လၢတၢ်အံၤအဃိယွၤသးထီၣ်ဘၣ်ကီၢ်ယူဒၤဒီးဝ့ၢ်ယရူၤၡလ့ၣ်, ဒီးတၢ်လၢယွၤမၤဘၣ်အဝဲသ့ၣ်န့ၣ်ဒုးကမၢကမၣ်မၤပျံၤမၤဖုး ပှၤကိးဂၤဒဲးန့ၣ်လီၤ. သုသ့ၣ်ညါတၢ်အံၤဂ့ၤဂ့ၤဘၣ်ဘၣ်လီၤ.

လံာ်ယံးရမံယၤ 13:22

နမ့ၢ်သံကွၢ်, ဘၣ်မနုၤအဃိတၢ်သ့ၣ်တဖၣ်အံၤမၤအသးဒီးနၤလဲၣ်, ဘၣ်မနုၤအဃိနကူနကၤတဖၣ်ဘၣ်တၢ်ဖှီယာ်အီၤဒီးနဘၣ်တၢ်မၤ တရီတပါနၤလဲၣ်ဒီး, တၢ်အံၤမ့ၢ်ဒၣ်လၢနတၢ်ဒဲးဘးလီၤပျံၤလီၤဖုး ဒိၣ်မးအဃိန့ၣ်လီၤ.

လံာ်ယံးရမံယၤ 19:8

ယကဟဲစိာ်တၢ်မၤဟးဂီၤလီၤပျံၤလီၤဖုးဒ်န့ၣ်သိးလၢဝ့ၢ်အံၤအဖီခိၣ် ဒ်သိးပှၤခဲလၢာ်လၢအလဲၤခီဘၣ်ဝ့ၢ်အံၤကပျံၤတၢ်ဖုးတၢ်ဒီး ကကမၢကမၣ်ဝဲန့ၣ်လီၤ.

လံာ်ယံးရမံယၤ 22:28

ယစံးယဲ, “မ့ၢ်စီၤပၤယဟိၤယါခံၣ်ကဲထီၣ်ဒ်သပၢၤသ့ၣ်ဖး တဖျၢၣ်အသိးလၢအဘၣ်တၢ်စူးကွံာ်အီၤဒီးပှၤတသးလီအီၤ နီတဂၤဘၣ်န့ၣ်ဧါ. လၢတၢ်န့ၣ်အဃိ, မ့ၢ်အဝဲဒီးအဖိတဖၣ်ဘၣ်တၢ်စိာ်ကွံာ်အီၤဆူတၢ်မၢကဲကုၢ်အလီၢ်, တၢ်လီၢ်လၢအဝဲသ့ၣ်တသ့ၣ်ညါဝဲလၢအဂ့ၢ်နီတမံၤန့ၣ်ဧါ.”

လံာ်ယံးရမံယၤ 22:5

ဘၣ်ဆၣ်ဒီးသုမ့ၢ်တစူၢ်ယတၢ်မၤလိာ်တဖၣ်ဘၣ်ဒီး, ယဆိၣ်တၢ်ဒီးသုလၢနူၢ်ဧိၤစီၤဧိၤအံၤကလီၤပှီၢ် ဟးဂီၤကွံာ်ဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 49:17

ယွၤစံးဝဲ, “တၢ်မၤဟးဂီၤလၢကလီၤဘၣ် ကီၢ်အဒိၣ်အံၤ ကလီၤပျံၤလီၤဖုးတုၤ ဒၣ်လဲာ် ပှၤကိးဂၤဒဲးလၢ အလဲၤတြူာ်ဘၣ်အီၤန့ၣ်, ကကမၢကမၣ်ဝဲဒီး ကပျံၤ တၢ်ဖုးတၢ်န့ၣ်လီၤ.

လံာ်ယံးရမံယၤ 5:19

ဖဲအဝဲသ့ၣ်သံကွၢ်ဝဲ, ဘၣ်မနုၤအဃိယမၤတၢ်သ့ၣ်တဖၣ်အံၤခဲလၢာ် လဲၣ်န့ၣ်, စီၤယံးရမံယၤဧၢ, တဲဘၣ်အဝဲသ့ၣ်လၢ, ဒ်အဝဲသ့ၣ်ဃၣ်ကွံာ်အသးလၢယၤဒီးမၤ တ့ၢ်ပှၤတခီဘီမုၢ်အကစၢ်တဖၣ်အတၢ်မၤလၢအထံအကီၢ်ဒၣ်ဝဲ အပူၤအသိးန့ၣ်, အဝဲသ့ၣ်ကမၤပှၤလၢအတသ့ၣ်ညါဝဲတဖၣ် အတၢ်မၤလၢထံကီၢ်တဘ့ၣ်လၢအတမ့ၢ်အဝဲသ့ၣ်အတၢ်ဒၣ်ဝဲ အပူၤန့ၣ်လီၤ.”

လံာ်ယံးရမံယၤ 50:13

မ့ၢ်လၢယသးဒိၣ်ထီၣ်အဃိ, ပှၤတအိၣ်ဆိးဘၣ်လၢ ကီၢ်ဘၤဘူၤလိၣ်အပူၤနီတဂၤဘၣ်. ကအိၣ်တ့ၢ်လၢတၢ်ဟးဂီၤ အပူၤဒီးပှၤလၢအလဲၤတြူာ်ဘၣ်အီၤခဲလၢာ် ကကမၢကမၣ်ဒီးအသးကလီၤကတုၤဝဲလီၤ.