လံာ်ကွဲးနီၣ်တၢ်ခံဘ့ၣ်တဘ့ၣ် 7:13 - Sgaw Karen Common Bible

¹³ တဘျီလၢ်လၢ်ဖဲယတြီဃာ်တၢ်စူၤမ့ၢ်ဂ့ၤ, ဆှၢလီၤဒွဲၣ်ဧိၤတြၤ ဧိၤတဖၣ်လၢအကအီၣ်ကွံာ်တၢ်မုၢ်တၢ်ဘိမ့ၢ်ဂ့ၤ, တၢ်သံသတြိာ်လၢအကလီၤဘၣ်လၢယပှၤဂီၢ်မုၢ်အဖီခိၣ်မ့ၢ်ဂ့ၤဒၣ်လဲာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:13 Iomraidhean Croise

လံာ်စီၤယိၤဘး 11:10

ကစၢ်ယွၤမ့ၢ်ဖီၣ်နၤဒီးဟဲစိာ်နၤဆူတၢ်သမံသမိးအလီၢ်န့ၣ်ဒီး မ့ၢ်မတၤအိၣ်ဝဲလၢကဆိကတီၢ်အီၤန့ၣ်လဲၣ်.

လံာ်စီၤယိၤဘး 12:14

တုၤကစၢ်ယွၤမၤလီၤပှီၢ်တၢ်ဒီးမ့ၢ်မတၤဘှီထီၣ်က့ၤကသ့ဝဲဒၣ်န့ၣ်လဲၣ်. ဒီးမ့ၢ်မတၤမၤထူၣ်ဖျဲးပှၤလၢကစၢ်ယွၤစၢဃာ်အီၤ သ့တဂၤန့ၣ်လဲၣ်.

စံးထီၣ်ပတြၢၤ 105:34

အဝဲဟ့ၣ်လီၤအကလုၢ်ဒီးဒွဲၣ်တဖၣ်ဟဲထီၣ်ဝဲ, အိၣ်အကကွဲၢ်တဖၣ်လၢ တၢ်ဂံၢ်တသ့ဘၣ်,

စံးထီၣ်ပတြၢၤ 107:34

အဝဲဒၣ်ဒုးကဲထီၣ်ကီၢ်လၢအသၣ်ထီၣ်တဘ့ၣ်ဆူ အံသၣ်အလီၢ်, မ့ၢ်လၢပှၤလၢအအိၣ်ဝဲဆိးဝဲတဖၣ် အတၢ်အၢတၢ်သီအဃိန့ၣ်လီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်တၢ်ဂံၢ် 14:12

ယကဆှၢလီၤတၢ်သံသတြိာ်တခါဒီးမၤဟးဂီၤကွံာ်အဝဲသ့ၣ်, ဘၣ်ဆၣ်ဒီးယကဒုးကဲထီၣ်နၤလၢပှၤကလုာ်တကလုာ်အပၢ်တဂၤ, လၢအဒိၣ်န့ၢ်ဒီးအဂံၢ်အဘါဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.”

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

လံာ်သိၣ်လီၤသီလီၤတၢ် 11:17

သုမ့ၢ်မၤအီၤဒီး, ယွၤကသးထီၣ်ဘၣ်သုန့ၣ်လီၤ. အဝဲကတြီဃာ်တၢ်စူၤအံၤ, ဒီးသုဟီၣ်ခိၣ်ကဃ့ထီကဲာ်ဆိးလၢတၢ် မုၢ်တၢ်ဘိတဖၣ်ကမဲထီၣ်အဂီၢ်န့ၣ်လီၤ. အန့ၣ်တစု, ကီၢ်န့ၣ်မ့မ့ၢ်ဒၣ်လဲာ်ကီၢ်အဂ့ၤတဘ့ၣ်လၢ အဝဲဟ့ၣ်လီၤသုဘၣ်ဆၣ်, တယံာ်ဘၣ်ဒီးသုကသံကွံာ်ဖဲန့ၣ်လီၤ.

လံာ်လီၣ်ဖျါ 11:6

အဝဲသ့ၣ်အိၣ်ဒီးတၢ်စိတၢ်ကမီၤလၢအကကးတံာ်ဃာ်မူခိၣ်ဒ်သိး, ဖဲဆၢကတီၢ်လၢအဝဲသ့ၣ်ကတိၤတၢ်လၢဝံအကျိာ်န့ၣ်မူခိၣ် အသုတစူၤနီတစဲးတဂ့ၤန့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢထံမူအဖီခိၣ်လၢ အကလဲလိာ်အီၤဆူတၢ်သွံၣ်အဂီၢ်န့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢအကတီၢ် ဟီၣ်ခိၣ်လၢတၢ်သံသတြိာ်အကလုာ်ကလုာ်အဘျီတဖၣ် အဘျီဖဲအဝဲသ့ၣ်အသးဒၣ်ဝဲအသိးန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.