လံာ်ကွဲးနီၣ်တၢ်ခံဘ့ၣ်တဘ့ၣ် 7:10 - Sgaw Karen Common Bible

¹⁰ ဒီးပိာ်ထွဲထီၣ်အခံတနံၤလၢအမ့ၢ်, လါနွံလါတလါထီၣ်ခံဆံ သၢသီတသီန့ၣ်, စီၤၡလိၤမိၤပျၢ်က့ၤပှၤဂီၢ်မုၢ်ဆူအဟံၣ်ဒၣ်ဝဲန့ၣ်လီၤ. အဝဲသ့ၣ်သူၣ်ဖှံသးညီဝဲလၢတၢ်ဆိၣ်ဂ့ၤတဖၣ်လၢယွၤဟ့ၣ်လီၤ တ့ၢ်အီၤဆူအပှၤဂီၢ်မုၢ်အံၣ်စရ့လး, ဆူစီၤဒၤဝံး, ဒီးဆူစီၤၡလိၤမိၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:10 Iomraidhean Croise

လံာ်စီၤပၤအခီၣ်ထံးတဘ့ၣ် 8:66

လၢဃိးနံၤတနံၤန့ၣ်, စီၤၡလိၤမိၤပျၢ်ကွံာ်ပှၤဂီၢ်မုၢ်လၢ ကက့ၤဆူအဟံၣ်န့ၣ်လီၤ. အဝဲသ့ၣ်ခဲလၢာ်, စံးထီၣ်ပတြၢၤအီၤဒီးက့ၤက့ၤဝဲဆူအဟံၣ်ဒၣ် ဝဲလၢတၢ်သူၣ်ဖှံသးညီအပူၤ, လၢကယဲၢ်တၢ်ဆိၣ်ဂ့ၤတဖၣ်လၢယွၤဟ့ၣ်တ့ၢ်အခ့အပှၤစီၤဒၤဝံးဒီး အပှၤဂီၢ်မုၢ်အံၣ်စရ့လးအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:36

စီၤပၤဃံးစကံယၤဒီးပှၤဂီၢ်မုၢ်တဖၣ်သူၣ်ဖှံသးညီဝဲမ့ၢ်လၢ ကစၢ်ယွၤမၤစၢၤတ့ၢ်အဝဲသ့ၣ်လၢကမၤတၢ်အံၤခဲလၢာ်ချ့ချ့ အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:26

ဝ့ၢ်ယရူၤရှလ့ၣ်ပှဲၤဝဲဒီးတၢ်သူၣ်ခုသးခု, မ့ၢ်လၢတၢ်ဒ်သိးအံၤတမၤတ့ၢ်အသးစးထီၣ်လၢစီၤဒၤဝံးအဖိခွါ စီၤပၤၡလိၤမိၤအမုၢ်နံၤတဖၣ်အပူၤဒၣ်လဲာ်အဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:41

ယွၤ, ကစၢ်ယွၤဧၢ, ဂဲၤထၢၣ်ခဲကနံၣ်အံၤ, ဒီးလဲၤနုာ်ဆူယွၤအတၢ် လုၢ်ဟံၣ်ပူၤဃုာ်ဒီးတၢ်အၢၣ်လီၤအီလီၤအတလါစီဆှံ, တၢ်အဒိဘၣ်ထွဲဒီးနတၢ်စိတၢ်ကမီၤဒီးအိၣ်နဲဆိးနဲဖဲအံၤ လီၤစိၤလီၤထီတက့ၢ်. ဆိၣ်ဂ့ၤနပှၤလုၢ်တၢ်အခိၣ်တဖၣ်လၢကယဲၢ်တၢ်ခဲလၢာ်လၢအမၤဝဲအပူၤ ဒီးမ်နပှၤဂီၢ်မုၢ်ခဲလၢာ်သူၣ်ဖှံသးညီ, မ့ၢ်လၢနတၢ်မၤဂ့ၤဘၣ်အဝဲသ့ၣ်အဃိန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 7:11

တုၤစီၤပၤၡလိၤမိၤမၤယွၤအတၢ်လုၢ်ဟံၣ်ဒီးစီၤပၤအနီဒီးမၤ လၢပှဲၤက့ၤအတၢ်တိာ်ကျဲၤတဖၣ်လၢတၢ်န့ၣ်တဖၣ်အဂီၢ်ခဲလၢာ်ဝံၤ အလီၢ်ခံန့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:9

လၢတၢ်ပာ်စီဆှံတၢ်လုၢ်လီၢ်အဂီၢ်, အဝဲသ့ၣ်မၤလၢာ်တၢ်ဆၢကတီၢ် နွံသီ, ဒီးလၢမူးပွဲအဂီၢ်မၤလၢာ်အါထီၣ်ကဒီးဝဲနွံသီန့ၣ်လီၤ. လၢခံကတၢၢ်တနံၤန့ၣ်အဝဲသ့ၣ်အိၣ်ဒီးတၢ်မၤကတၢၢ်က့ၤအမူး,

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

စံးထီၣ်ပတြၢၤ 100:2

မၤယွၤအတၢ်ဒီးတၢ်သးခု, ဟဲဆူအအိၣ်ဒီးတၢ်သးဝံၣ်တက့ၢ်.

စံးထီၣ်ပတြၢၤ 105:3

တၢ်လၤတၢ်ကပီၤအိၣ်ဝဲလၢအမံၤစီဆှံအပူၤန့ၣ်လီၤ. မ်ပှၤလၢအဃုယွၤသူၣ်ဖှံသးညီတက့ၢ်.

စံးထီၣ်ပတြၢၤ 106:5

ဒ်သိးယကသးခုဘၣ်လၢနပှၤဃုထၢဖိတဖၣ် အတၢ်ဘီၣ်ထီၣ်ညီထီၣ်, ဒ်သိးယကဒိးန့ၢ်ဃုာ်တၢ်သးခုဒီး နပှၤကလုာ်ဒီး ယကဟ့ၣ်က့ၤ တၢ်စံးထီၣ်ပတြၢၤဃုာ်ဒီး နပှၤန့ၢ်သါတၢ်တဖၣ်တက့ၢ်.

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 92:4

ယွၤဧၢ, အဂ့ၢ်ဒ်အံၤ နဒုးသးခုတ့ၢ်လံယၤလၢနတၢ်မၤဖးဒိၣ်တဖၣ်အဃိ, ဒီးနစုအတၢ်ဖံးတၢ်မၤတဖၣ်န့ၣ် ယကသးဝံၣ်ထီၣ်အီၤလၢတၢ်သူၣ်ဖှံသးညီလီၤ.

လံာ်တၢ်ဟးထီၣ်ကွံာ် 18:1

စီၤမိၤၡ့အမံၤပှၢ်ပိာ်ခွါ, ပှၤမံးဒယၣ်ဖိအပှၤလုၢ်တၢ်အခိၣ် စီၤယံးသရိၤနၢ်ဟူတၢ်ဂ့ၢ်ကိးမံၤလၢကစၢ်ယွၤမၤတၢ်လၢစီၤမိၤၡ့အဂီၢ်ဒီးကီၢ်အံၣ်စရ့လးအပှၤဂီၢ်မုၢ်အဂီၢ်ဖဲအထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 45:25

လၢဘူၣ်ဒဲအမူးလၢအဘၣ်တၢ်စးထီၣ်မၢအီၤလၢလါနွံလါတလါ ထီၣ်တဆံယဲၢ်သီတသီအဂီၢ်န့ၣ်ကိးမုၢ်နံၤဒဲးနွံသီအတီၢ်ပူၤ, စီၤပၤ ဖိခွါကဘၣ်လုၢ်တၢ်လုၢ်တမံၤဃီတဖၣ်လၢတၢ်ဒဲးဘးအဂီၢ်, တၢ်လုၢ်တမံၤဃီတဖၣ်လၢတၢ်ကဆိၣ်ကဲၤအီၤဒီဒုအဂီၢ်, ဒီးတၢ်လုၢ် မၤဘူၣ်တၤဖၣ်လၢဘုဧိၤဟုဧိၤဒီးသ့ၣ်စၤယံးအသိန့ၣ်လီၤ.”

မၤတၢ် 16:34

အဝဲဒၣ်က့ၤကိးစီၤပီလူးဒီးစီၤစံလၤဆူအဟံၣ်ဒီးဟ့ၣ်အီၤ တၢ်အီၣ်လၢအကအီၣ်ဝဲအဂီၢ်လီၤ. အဝဲဒီးအပှၤဟံၣ်ဖိဃီဖိတဖၣ်အသးပှဲၤဒီးတၢ်သူၣ်ခု သးခုမ့ၢ်လၢအဝဲသ့ၣ်စူၢ်က့ၤနာ်က့ၤလံကစၢ်ယွၤအဃိ န့ၣ်လီၤ.

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 12:18

သုဝဲဒၣ်ဒီးသုဖိတဖၣ်, ဃုာ်ဒီးသုကုၢ်သုပှၤတဖၣ်ဒီးပှၤလ့ၤ ဝံဖိတဖၣ်လၢအအိၣ်ဆိးလၢသုဝ့ၢ်တဖၣ်အပူၤန့ၣ်ကဘၣ်အီၣ်တၢ်လုၢ်တဖၣ် အံၤထဲဒၣ်လၢယွၤသုကစၢ်ယွၤအမဲာ်ညါလၢတၢ်ဘူၣ်ထီၣ်ဘါထီၣ် အလီၢ်တတီၤလၢအဘၣ်တၢ်ဃုထၢအီၤလၢယွၤသုကစၢ်ယွၤန့ၣ်လီၤ. ဒီးသုကဘၣ်သူၣ်ဖှံသးညီဖဲန့ၣ်လၢကယဲၢ်တၢ်လၢသုမၤတ့ၢ်အီၤ အဃိန့ၣ်လီၤ.

လံာ်သိၣ်လီၤသီလီၤတၢ် 12:7

ဖဲန့ၣ်, လၢယွၤသုကစၢ်ယွၤလၢအဆိၣ်ဂ့ၤသုအမဲာ်ညါန့ၣ်, သုဝဲဒီးသုပှၤဟံၣ်ဖိဃီဖိတဖၣ်ကအီၣ်တၢ်ဒီးမုာ်လၤသးခုလၢ ကယဲၢ်တၢ်ဂ့ၤတဖၣ်လၢသုမၤတ့ၢ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 16:11

သူၣ်ခုသးခုလၢအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတ ဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢသုဝ့ၢ်တဖၣ်ပူၤန့ၣ်တက့ၢ်. မၤတၢ်အံၤဖဲတၢ်ဘူၣ်ထီၣ်ဘါထီၣ်အလီၢ်တတီၤန့ၣ်တက့ၢ်.

လံာ်သိၣ်လီၤသီလီၤတၢ် 16:14

သူၣ်ခုသးခုလၢဘူၣ်ပူၤဃုာ်ဒီးသုဖိတဖၣ်, သုကုၢ်သုပှၤတဖၣ်ဒီးပှၤလ့ၤဝံဖိတဖၣ်, ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးပှၤမုၣ်ကမဲတဖၣ်လၢအအိၣ်ဆိးလၢဝ့ၢ်တဖၣ်အပူၤတက့ၢ်.

ဖံလံးပံၤ 4:4

မ်သုသးခုလၢကစၢ်အပူၤထီဘိတက့ၢ်. ယစံးကဒီးသးခုတက့ၢ်.