လံာ်ကွဲးနီၣ်တၢ်ခံဘ့ၣ်တဘ့ၣ် 7:1 - Sgaw Karen Common Bible

¹ ဖဲစီၤပၤၡလိၤမိၤမၤကတၢၢ်အတၢ်ဘါထုကဖၣ်ဝံၤန့ၣ်, မ့ၣ်အူဟဲလီၤလၢမူခိၣ်, ဒီးအီၣ်ကွံာ်တၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်တ့ၢ်အီၤ, ဒီးယွၤအတၢ်အိၣ်ဝဲအတၢ်ကပီၤကပြုၢ်ကပြီၤမၤပှဲၤယွၤအတၢ်လုၢ် ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:1 Iomraidhean Croise

လံာ်တၢ်ကဲထီၣ်အခီၣ်ထံး 15:17

ဒီးတုၤမုၢ်လီၤနုာ်တ့ၢ်လံဒီးတၢ်ခံးလီၤယုၢ်ကလာ်န့ၣ်မ့ၣ်အူ လုၢ်အသပၢၤတဖျၢၣ်ဒီးဆှီကဲၤကပျီၤတဘိအိၣ်ဖျါထီၣ်သတူၢ်ကလာ် ခီဂာ်တ့ၢ်ဖဲဆၣ်ဖိကီၢ်ဖိအကူာ်တဖၣ်အဘၢၣ်စၢၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:24

ဝံၤဒီး, မ်ဘဧၤလးအဝံတဖၣ်ဘါထုကဖၣ်တၢ်ဆူအဝဲသ့ၣ်အကစၢ်အ အိၣ်, ဒီးယကဘါထုကဖၣ်တၢ်ဆူယွၤအအိၣ်လီၤ. ဒီးကစၢ်တဂၤလၢအစံးဆၢတၢ်ခီဖျိဆှၢလီၤမ့ၣ်အူန့ၣ်, အဝဲမ့ၢ်ကစၢ်ယွၤလီၤ.” ပှၤဂီၢ်မုၢ်ကိးသတြီထီၣ်အတၢ်ဘၣ်သူၣ်ဘၣ်သးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:38

ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ် ကီးထံလၢတၢ်ကျိၤအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:1

တုၤစီၤပၤၡလိၤမိၤမၤဝံၤတၢ်သူၣ်ထီၣ်ဘှီထီၣ်ယွၤအတၢ်လုၢ်ဟံၣ်, ဒီးနီ, ဒီးကယဲၢ်တၢ်လၢအဝဲအဲၣ်ဒိးဘှီထီၣ်ဝဲတဖၣ်အလီၢ်ခံ န့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 21:26

အဝဲသူၣ်ထီၣ်တၢ်လုၢ်လီၢ်တခါလၢယွၤအဂီၢ်ဖဲန့ၣ်, ဒီးဆူးကဲၤတၢ်လုၢ်မ့ၣ်အူတဖၣ်ဒီးတၢ်လုၢ်မၤဃူမၤဖိးတဖၣ် န့ၣ်လီၤ. အဝဲဘါထုကဖၣ်တၢ်ဒီးယွၤစံးဆၢအီၤခီဖျိတၢ်ဆှၢလီၤမ့ၣ်အူ လၢမူခိၣ်ဒ်သိးကအီၣ်ကွံာ်တၢ်လုၢ်တဖၣ်လၢအအိၣ်လၢတၢ်လုၢ်လီၢ် အဖီခိၣ်န့ၣ်လီၤ.

စံးထီၣ်ပတြၢၤ 26:8

ယွၤဧၢ, ယအဲၣ်ဟံၣ်လၢနအိၣ်နဆိး, တၢ်လီၢ်လၢနလၤကပီၤအိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်တၢ်ဟးထီၣ်ကွံာ် 29:43

ဖဲန့ၣ်ယကသဂၢၢ်ကီၢ်အံၣ်စရ့လးအပှၤဂီၢ်မုၢ်ဒီးယတၢ်အိၣ်ဝဲဆိးဝဲ အတၢ်ကပြုၢ်ကပြီၤန့ၣ်ကမၤစီဆှံတၢ်လီၢ်န့ၣ်လီၤ.

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်ယဃ့းစက့လး 43:5

ယွၤအသးစိာ်ကဖီထီၣ်ယၤဒီးဆှၢဃီၤယၤဆူအတၢ်လုၢ်ဟံၣ်အဂၢၤ လၢတၢ်အိပူၤတကပၤ, ဖဲယထံၣ်ဘၣ်လၢယွၤအတၢ်လုၢ်ဟံၣ် န့ၣ်ပှဲၤဝဲဒီးယွၤအလၤကပီၤန့ၣ်လီၤ.

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်ဒၤနံးယ့လး 9:20

ယဘါထုကဖၣ်ဆူညါ, အၢၣ်လီၤယတၢ်ဒဲးဘးဒီးယပှၤဂီၢ် မုၢ်အံၣ်စရ့လးအတၢ်ဒဲးဘးတဖၣ်ဒီးဃ့ကညးယွၤ, ယကစၢ်ယွၤလၢကမၤအိၣ်ထီၣ်က့ၤအတၢ်လုၢ်ဟံၣ်စီဆှံန့ၣ်လီၤ.

လံာ်မၤလကံ 3:4

တုၤနုၤတစု, တၢ်လုၢ်တဖၣ်လၢပှၤလၢကီၢ်ယူဒၤဒီးဝ့ၢ်ယရူၤၡလ့ၣ် ဟဲစိာ်ဆူယွၤအအိၣ်န့ၣ်, ကမ့ၢ်တၢ်လၢအဘၣ်အသးဒ်လၢညါ အသိးန့ၣ်လီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.