လံာ်ကွဲးနီၣ်တၢ်ခံဘ့ၣ်တဘ့ၣ် 6:16 - Sgaw Karen Common Bible

¹⁶ ခဲကနံၣ်အံၤယွၤ, အံၣ်စရ့လးအကစၢ်ယွၤဧၢ, ဟံးဃာ်ဂၢၢ်ကျၢၤတၢ်အၢၣ်လီၤအီလီၤအဂၤတမံၤလၢနမၤတ့ၢ်ဒီးယ ပၢ်, ဖဲနတဲဘၣ်တ့ၢ်အီၤလၢ, ထီဘိအဝဲအစၢၤအသွဲၣ်တဖၣ်အကျါတဂၤကအိၣ် ဝဲလၢကပၢတၢ်ဒ်အံၣ်စရ့လးအစီၤပၤ, ဖဲအဝဲသ့ၣ်မ့ၢ်စူၢ်နတၢ်သိၣ်တၢ်သီလၢနဟ့ၣ်လီၤပှၤယူဒၤဖိ လီၤတံၢ်လီၤဆဲးဒ်နမၤတ့ၢ်ဝဲအသိးန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 6:16 Iomraidhean Croise

လံာ်စီၤပၤအခီၣ်ထံးတဘ့ၣ် 2:4

နမ့ၢ်စူၢ်အီၤဒီး, ယွၤကဟံးဃာ်အတၢ်အၢၣ်လီၤလၢအမၤတ့ၢ်ဝဲ, ဖဲအဝဲစံးဘၣ်တ့ၢ်ယၤလၢ, ယစၢၤယသွဲၣ်တဖၣ်, ကပၢဘၣ်ကီၢ်အံၣ်စရ့လးအဆၢကတီၢ်ကယံာ်ပှဲၤသိးဒီးအဝဲသ့ၣ်အတၢ် စူၢ်ယတၢ်မၤလိာ်လၢတၢ်သးတီလီၤတံၢ်လီၤဆဲးလၢအသူၣ်ဒီဖျၢၣ် သးဒီဖျၢၣ်န့ၣ်လီၤ.

စံးထီၣ်ပတြၢၤ 132:12

နဖိခွါတဖၣ်မ့ၢ်တီဒီးယတၢ်အၢၣ်လီၤအီၤလီၤ, ဒီးတၢ်မၤလိာ်တဖၣ်လၢ ယဟ့ၣ်လီၤအဝဲသ့ၣ်ဒီး, အဖိခွါတဖၣ်စ့ၢ်ကီး ကကဲထီၣ်စီၤပၤလၢ နလီၢ်တစိၤဘၣ်တစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:18

ယကဟံးဃာ်ဂၢၢ်ကျၢၤယတၢ်အၢၣ်လီၤလၢယမၤတ့ၢ်ဒီးနပၢ်စီၤဒၤဝံး, ဖဲယတဲတ့ၢ်အီၤလၢ, ကီၢ်အံၣ်စရ့လးကဘၣ်တၢ်ပၢအီၤတဘိယူာ်ဃီ လၢအဝဲအစၢၤအသွဲၣ်တဖၣ်န့ၣ်လီၤ.

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

စံးထီၣ်ပတြၢၤ 119:1

ပှၤလၢအလဲၤတၢ်လၢယွၤတၢ်သိၣ်တၢ်သီအပူၤ, ဒီးအကျဲတအိၣ်ဘၣ်ဒီးတၢ်ကမၣ်န့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 26:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ, ဒီးယလဲၤတၢ်လၢတၢ်သးတီဒီးနၤအပူၤလီၤ.

လံာ်စီၤပၤအခီၣ်ထံးတဘ့ၣ် 6:12

“နမ့ၢ်စူၢ်ကယဲၢ်ယတၢ်သိၣ်တၢ်သီတဖၣ်ဒီးတၢ်မၤလိာ်တဖၣ်န့ၣ်, တၢ်လၢယအၢၣ်လီၤတ့ၢ်နပၢ်စီၤဒၤဝံးန့ၣ်ယကမၤအီၤလၢနဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:17

လၢတၢ်န့ၣ်အဃိ, ယွၤ, အံၣ်စရ့လးအကစၢ်ယွၤဧၢ, တၢ်လၢနအၢၣ်လီၤတ့ၢ်နခ့နပှၤစီၤဒၤဝံးန့ၣ်, မ်အလၢထီၣ်ပှဲၤထီၣ်ခဲလၢာ်တက့ၢ်.

စံးထီၣ်ပတြၢၤ 119:9

ပှၤဖိၣ်သၣ်ခွါကမၤကဆှီအကျဲဒ်လဲၣ်. မ့ၢ်အဘၣ်ပလီၢ်အသးဒ် နကလုၢ်ကထါအသိးန့ၣ်လီၤ.

စံးထီၣ်ပတြၢၤ 132:11

နမၤတ့ၢ်တၢ်အၢၣ်လီၤအီလီၤ သမှံၤသပှၢ်တမံၤဒီး စီၤဒၤဝံး တၢ်အၢၣ်လီၤတမံၤလၢ နတထုးကွံာ်အီၤဘၣ်န့ၣ်လီၤ. “ယကဒုးကဲထီၣ်နဖိခွါတဖၣ်အကျါ တဂၤလၢ စီၤပၤ, ဒီးအဝဲကပၢတၢ်လၢ နလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:17

နမ့ၢ်မၤယတၢ်လၢတၢ်ကလုၢ်တီအပူၤဒ်နပၢ်စီၤဒၤဝံးမၤတ့ၢ်ဝဲ အသိး, စူၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်လၢယ ဟ့ၣ်လီၤ, ဒီးမၤကယဲၢ်တၢ်လၢယမၤလိာ်တ့ၢ်နၤခဲလၢာ်န့ၣ်ဒီး,

လံာ်ကွဲးနီၣ်တၢ်ခံဘ့ၣ်တဘ့ၣ် 13:5

မ့ၢ်သုတသ့ၣ်ညါလၢယွၤ, အံၣ်စရ့လးအကစၢ်ယွၤ, မၤတ့ၢ်တၢ်အၢၣ်လီၤအီလီၤလၢတၢ်မၤဟးဂီၤအီၤတန့ၢ်ဘၣ်တမံၤဒီးစီၤဒၤဝံး, ဒီးဟ့ၣ်လီၤအီၤဒီးအစၢၤအသွဲၣ်တဖၣ်လၢစီၤပၤအလီၢ်အလၤ, လၢအံၣ်စရ့လးအဖီခိၣ်လီၤစိၤလီၤထီန့ၣ်ဘၣ်ဧါ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:7

ဘၣ်ဆၣ်ယွၤတအဲၣ်ဒိးမၤဟးဂီၤကွံာ်စီၤဒၤဝံးအစၢၤအသွဲၣ်အတၢ် ပၢဘၣ်, မ့ၢ်လၢအဝဲမၤတ့ၢ်တၢ်အၢၣ်လီၤတမံၤဒီးစီၤဒၤဝံးဒီးအၢၣ်လီၤ တ့ၢ်ဝဲဒၣ်လၢစီၤဒၤဝံးအစၢၤအသွဲၣ်တဖၣ်ကပၢထွဲတၢ်ထီဘိတထံၣ် ဃီအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:3

အဝဲသ့ၣ်ခဲလၢာ်ပာ်ဖှိၣ်ထီၣ်အသးလၢယွၤအတၢ်လုၢ်ဟံၣ်အပူၤ, ဒီးဖဲန့ၣ်အဝဲသ့ၣ်မၤတၢ်အၢၣ်လီၤဒီးစီၤပၤဖိခွါစီၤယိၤအၣ်န့ၣ်လီၤ. စီၤယဟိယဒါစံးဘၣ်အဝဲသ့ၣ်, “အအံၤမ့ၢ်စီၤပၤအဃၤစယၤလၢအသံဝဲအဖိခွါန့ၣ်လီၤ. ခဲအံၤအဝဲကကဲထီၣ်စီၤပၤ, ဒ်ယွၤအၢၣ်လီၤတ့ၢ်ဝဲလၢစီၤပၤ ဒၤဝံးအစၢၤအသွဲၣ်တဖၣ်ကမ့ၢ်စီၤပၤအသိးန့ၣ်လီၤ.