လံာ်ကွဲးနီၣ်တၢ်ခံဘ့ၣ်တဘ့ၣ် 6:12 - Sgaw Karen Common Bible

¹² အန့ၣ်ဝံၤဒီး, လၢပှၤဂီၢ်မုၢ်အမဲာ်ညါန့ၣ်, စီၤၡလိၤမိၤဂဲၤဆၢ ထၢၣ်ဝဲလၢတၢ်လုၢ်လီၢ်အမဲာ်ညါဒီးယူာ်ထီၣ်အစုလၢတၢ်ထုကဖၣ် အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:12 Iomraidhean Croise

လံာ်စီၤပၤခံဘ့ၣ်တဘ့ၣ် 11:14

ဖဲန့ၣ်အဝဲထံၣ်ဘၣ်စီၤပၤအသီဆၢထၢၣ်ဝဲဖဲတၢ်လဲၤနုာ်လီၤဆူ ယွၤအတၢ်လုၢ်ဟံၣ်အကျဲစၢၤအထူၣ်အကပၤဒ်တၢ်လုၢ်တၢ်လၢ်အိၣ်ဝဲ အသိးန့ၣ်လီၤ. စီၤပၤဘၣ်တၢ်အိၣ်ဝးတရံးအီၤလၢသုးခိၣ်သုးနၢ်တဖၣ်ဒီးပှၤအူ ကွဲၤတဖၣ်, ဒီးပှၤဂီၢ်မုၢ်ကိးထီၣ်လၢတၢ်သူၣ်ခုသးခုအပူၤခဲလၢာ်ဒီးအူ ထီၣ်ကွဲၤတဖၣ်န့ၣ်လီၤ. နီၢ်ဧသၤလယၤဖှီယာ်အကူအသိးတဖၣ်လၢတၢ်သူၣ်ကိၢ်သးဂီၤအပူၤ ဒီးကိးထီၣ်ဝဲ, “တၢ်ပူထီၣ်ထီဒါ, တၢ်ပူထီၣ်ထီဒါ” န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:3

အဝဲဆၢထၢၣ်လၢစီၤပၤအတၢ်ဆၢထၢၣ်အလီၢ်, ဒီးမၤတၢ်အၢၣ်လီၤအီလီၤတမံၤဒီးယွၤလၢအကစူၢ်အီၤ, လၢအကတိၢ်န့ၢ်ဖံးဃာ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး အတၢ်မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်, ဒီးတၢ်တဖၣ်လၢကဘၣ်မၤဝဲလၢအအိၣ်ဘျးစဲအသး ဒီးတၢ်အၢၣ်လီၤအီလီၤဒ်အအိၣ်ကွဲးအသးလၢလံာ်အပူၤအသိးန့ၣ်, အဝဲကအိၣ်မူမၤထွဲဝဲန့ၣ်လီၤ. ဒီးကယဲၢ်ပှၤဂီၢ်မုၢ်ခဲလၢာ်အၢၣ်လီၤလၢကတိၢ်န့ၢ်ဖံးဃာ်တၢ်အၢၣ် လီၤအီလီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:11

ယပာ်လီၤတ့ၢ်တၢ်အၢၣ်လီၤအီလီၤအတလါစီဆှံ, လၢအအိၣ်ဒီးတၢ်အၢၣ်လီၤအီလီၤအလၢၢ်ဘ့ၣ်ဘၣ်တဖၣ်, လၢယွၤမၤတ့ၢ်ဝဲဒီးအံၣ်စရ့လးအပှၤဂီၢ်မုၢ်န့ၣ်, လၢယွၤအတၢ်လုၢ်ဟံၣ်အပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:13

(စီၤၡလိၤမိၤမၤထီၣ်တ့ၢ်စိၤမိၤတိၢ်ဘီတခါ, ဒီးပာ်အီၤလၢဂၢၢ်အသးကံၢ်ပူၤန့ၣ်လီၤ. စိၤမိၤန့ၣ်အထီအိၣ် ဝဲယဲၢ်ပျၢ်, အဒီၣ်ဃီၤအိၣ်ယဲၢ်ပျၢ်ဒီးအကစီၤထီၣ်အိၣ်သၢပျၢ်န့ၣ်လီၤ. အဝဲလဲၤထီၣ်ဆူစိၤမိၤအံၤအဖီခိၣ်, ချံးလီၤအခီၣ်ဖဲပှၤကိးဂၤဒဲးထံၣ်အီၤသ့, ဒီးယူာ်ထီၣ်အစုဆူ မူခိၣ်န့ၣ်လီၤ.)

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

စံးထီၣ်ပတြၢၤ 141:2

မ်ယဘါထုကဖၣ်တၢ်အံၤဘၣ်တၢ်ဂံၢ်အီၤဒ် တၢ်ဆိၣ်ကဲၤနၢမူအသိးလၢနမဲာ်ညါ, ဒီးယယူာ်ထီၣ်ယစုအံၤဒ်တၢ်လုၢ်လၢ မုၢ်ဟါအသိးန့ၣ်တက့ၢ်.

စံးထီၣ်ပတြၢၤ 143:6

ယယူာ်ထီၣ်ယစုဆူနအိၣ်လၢတၢ်ထုကဖၣ်အပူၤ, ယသးအံၤသူအသးလၢနၤဒ် ဟီၣ်ခိၣ်အဃ့အသိးန့ၣ်လီၤ. စ့လၤ

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 63:4

မ်ဒ်န့ၣ်ဒီး, ဖဲယမူဒံးယဲန့ၣ်ယကစံးထီၣ်ပတြၢၤနၤ, ယကယူာ်ထီၣ်ယစုဒီးကိးထီၣ်နမံၤန့ၣ်လီၤ.

စံးထီၣ်ပတြၢၤ 68:31

ပဒိၣ်တဖၣ်ကဟဲထီၣ်လၢအဲၤကူပတူးအပူၤ, ကူၤၡးကယူာ်ထီၣ်အစုဆူယွၤအအိၣ် လၢတၢ်ထုကဖၣ်န့ၣ်လီၤ.

လံာ်တၢ်ဟးထီၣ်ကွံာ် 9:33

တုၤနုၤတစုစီၤမိၤၡ့ဟးထီၣ်ကွံာ်လၢစီၤပၤအမဲာ်ညါဒီးလဲၤ ထီၣ်ဆူဝ့ၢ်ချၢန့ၣ်လီၤ. ဒီးယူာ်ထီၣ်အစုဆူယွၤအအိၣ်ဒီးဃ့ ကညးယွၤန့ၣ်လီၤ. လီသီၣ်, သူၣ်လီၤဒီးတၢ်စူၤလီၤဆိက တီၢ်ကွံာ်အသးခဲလၢာ်န့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.