လံာ်ကွဲးနီၣ်တၢ်ခံဘ့ၣ်တဘ့ၣ် 6:10 - Sgaw Karen Common Bible

¹⁰ ခဲကနံၣ်အံၤ, ယွၤဟံးဃာ်ဂၢၢ်ကျၢၤတ့ၢ်လံအတၢ်အၢၣ်လီၤအီလီၤ န့ၣ်လီၤ. ယကဲထီၣ်ဘၣ်အံၣ်စရ့လးအစီၤပၤလၢယပၢ်အလီၢ်, ဒီးယသူၣ်ထီၣ်တ့ၢ်လံတၢ်လုၢ်ဟံၣ်တဖျၢၣ်လၢတၢ်ဘူၣ်ထီၣ်ဘါထီၣ် ယွၤ, အံၣ်စရ့လးအကစၢ်ယွၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:10 Iomraidhean Croise

လံာ်စီၤပၤအခီၣ်ထံးတဘ့ၣ် 2:12

စီၤၡလိၤမိၤကဲထီၣ်စီၤပၤလၢအပၢ်စီၤဒၤဝံးအလီၢ်, ဒီးအဝဲအတၢ်စိတၢ်ကမီၤဒ်စီၤပၤအသိး, သူၣ်လီၤအသးဂၢၢ်ဂၢၢ်ကျၢၤကျၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:11

တုၤအသံဒီးဘၣ်တၢ်ခူၣ်လီၤကွံာ်အီၤဃုာ်ဒီးအမိၢ်ပၢ်ဖံဖုလၢ ပျၢၤတဖၣ်န့ၣ်, ယကဒုးကဲထီၣ်အဖိခွါအကျါတဂၤလၢစီၤပၤဒီးဒုးအိၣ်ဂၢၢ်ဆိး ကျၢၤအဘီအမုၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:11

စီၤဒၤဝံးစံးထွဲကဒီးဝဲ, “ခဲကနံၣ်အံၤယဖိခွါဧၢ, မ်ယွၤ, နကစၢ်ယွၤအိၣ်ဒီးနၤ, ဒီးမ်အဝဲတီဒီးအတၢ်အၢၣ်လီၤ လၢကဟ့ၣ်နၤတၢ်မၤနၢၤလၢတၢ်သူၣ်ထီၣ်တၢ်လုၢ်ဟံၣ်တဖျၢၣ်လၢအဂီၢ် န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 28:5

အဝဲဟ့ၣ်ယၤဖိခွါအါဂၤဒီးလၢကယဲၢ်အဝဲသ့ၣ်အကျါန့ၣ်, အဝဲဃုထၢထီၣ်တ့ၢ်စီၤၡလိၤမိၤဒ်သိးကပၢတၢ်လၢကီၢ်အံၣ်စရ့ လး, ယွၤအဘီအမုၢ်အဖီခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:15

အိ, ယွၤဧၢ, နသ့ၣ်ညါနဲလၢပလဲၤခီဖျိတၢ်အိၣ်မူလီၤဂာ်ဒ်ပှၤ ဘၣ်တၢ်စိာ်မၢကဲကုၢ်တဖၣ်ဒီးပှၤတမှံၤတဖၣ်အသိး, ဒ်ပမိၢ်ပၢ်ဖံဖုလၢပျၢၤတဖၣ်လဲၤခီဖျိတ့ၢ်ဝဲန့ၣ်လီၤ. ပမုၢ်နံၤတဖၣ်လီၤဂာ်ဒ်တၢ်ကဒုလၢအလဲၤပူၤကွံာ်အသိးဒီးပပူၤ ဖျဲးထီၣ်ကွံာ်လၢတၢ်သံတသ့ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:23

လၢတၢ်န့ၣ်အဃိ, စီၤၡလိၤမိၤကဲထီၣ်ဘၣ်စီၤပၤလၢအပၢ်စီၤဒၤ ဝံးအလီၢ်လၢလီၢ်ပစိာ်လၢယွၤပာ်လီၤတ့ၢ်ဝဲအဖီခိၣ်န့ၣ်လီၤ. အဝဲမ့ၢ်စီၤပၤတဂၤလၢအတၢ်မၤကဲထီၣ်လိၣ်ထီၣ်ဒီးအံၣ်စရ့လး အပှၤကလုာ်ခဲလၢာ်စူၢ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:1

စီၤပၤဒၤဝံးအဖိခွါစီၤၡလိၤမိၤဟံးဃာ်ဂၢၢ်ကျၢၤဒီးပၢၤ အံၣ်စရ့လးအဘီအမုၢ်, ဒီးယွၤ, အကစၢ်ယွၤဆိၣ်ဂ့ၤတ့ၢ်အီၤဒီးဒုးကဲထီၣ်အီၤလၢပှၤ လၢအစိဒိၣ်ကမီၤထီဒိၣ်မးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:11

ယပာ်လီၤတ့ၢ်တၢ်အၢၣ်လီၤအီလီၤအတလါစီဆှံ, လၢအအိၣ်ဒီးတၢ်အၢၣ်လီၤအီလီၤအလၢၢ်ဘ့ၣ်ဘၣ်တဖၣ်, လၢယွၤမၤတ့ၢ်ဝဲဒီးအံၣ်စရ့လးအပှၤဂီၢ်မုၢ်န့ၣ်, လၢယွၤအတၢ်လုၢ်ဟံၣ်အပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:9

ဘၣ်ဆၣ်, နတသူၣ်ထီၣ်ဘၣ်အီၤနီတစုဘၣ်. ပှၤလၢကသူၣ်ထီၣ်ဘၣ်ယတၢ်လုၢ်ဟံၣ်န့ၣ်, မ့ၢ်နဖိခွါ, နဖိခွါဒၣ်နဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:4

ပှၤအစိၤတဖၣ်ဟဲဝဲဒီးပှၤအစိၤတဖၣ်လဲၤဝဲလီၤ. ဘၣ်ဆၣ်, ဟီၣ်ခိၣ်အိၣ်ဒၣ်ဒ်အလီၢ်လီၢ်လီၤ.