လံာ်ကွဲးနီၣ်တၢ်ခံဘ့ၣ်တဘ့ၣ် 6:1 - Sgaw Karen Common Bible

¹ တုၤနုၤတစု, စီၤပၤစီၤၡလိၤမိၤဃ့ဘါထုကဖၣ်တၢ်စံးဝဲ, “ယွၤဧၢ, နဃုထၢတ့ၢ်လၢနကအိၣ်ကဆိးလၢတၢ်အၢၣ်တဖၣ်ဒီးတၢ်ခံး တၢ်နၤအပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:1 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:2

ခဲကနံၣ်အံၤယသူၣ်ထီၣ်တ့ၢ်လံတၢ်လုၢ်ဟံၣ်လီၤဘီလီၤမုၢ်တဖျၢၣ် လၢနဂီၢ်, တၢ်လီၢ်တတီၤလၢနကအိၣ်နဲဆိးနဲလၢအပူၤ လီၤစိၤလီၤထီန့ၣ်လီၤ.”

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်တၢ်ဟးထီၣ်ကွံာ် 20:21

ဘၣ်ဆၣ်ဒီးပှၤဂီၢ်မုၢ်အိၣ်ဆၢထၢၣ်ဒံးဝဲဖးယံၤန့ၣ်လီၤ. ထဲဒၣ်စီၤမိၤၡ့တဂၤဧိၤလဲၤဝဲဘူးဒီးတၢ်အၢၣ်ခံးသူဖဲကစၢ် ယွၤအိၣ်ဝဲအလီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်နၤဃူၣ် 1:3

ယွၤအသးထီၣ်ကီ, ဘၣ်ဆၣ်ဒီးအစိအကမီၤဒိၣ်ဝဲ, ဒီးတပျဲဘၣ်တၢ်သရူးကမၣ်လဲၤပူၤကွံာ်တၢ်စံၣ်ညီၣ် နီတစုဘၣ်. ဖဲယွၤလဲၤတၢ်န့ၣ်ကလံၤမုၢ်အိၣ်ထီၣ်ဝဲဒီးတၢ်အၢၣ်တဖၣ်န့ၣ်မ့ၢ် အခီၣ်ထွဲတၢ်အကမူၣ်န့ၣ်လီၤ.

လံာ်သိၣ်လီၤသီလီၤတၢ် 4:11

တဲဘၣ်သုဖိတဖၣ်လၢသုလဲၤဒီးဆၢထၢၣ်လၢကစၢၢ်အခီၣ်ထံးဒ်လဲၣ်, ဖဲကစၢၢ်န့ၣ်ဘၣ်တၢ်ကးဘၢအီၤလၢမ့ၣ်အူလုၣ်အတၢ်အၢၣ်ဖးတီၣ်တဖၣ် ဒီးမ့ၣ်အူကပျီၤထီၣ်ဆူမူကပိာ်လိၤန့ၣ်တက့ၢ်.

ဧ့ၤဘြံၤ 12:18

အဂ့ၢ်ဒ်အံၤ, သုတဟဲဘၣ်သုဝဲဒ်ပှၤအံၣ်စရ့လးဖိတဖၣ်ဟဲဝဲဆူ ကစၢၢ်လၢတၢ်ထိးအီၤသ့, ဆူကစၢၢ်စံၤနါလၢအအိၣ်ဒီးမ့ၣ်အူလၢအကဲၤကပျီၤဒီးတၢ် အၢၣ်သူဒီးတၢ်ခံးဒီးကလံၤမုၢ်,