လံာ်ကွဲးနီၣ်တၢ်ခံဘ့ၣ်တဘ့ၣ် 5:6 - Sgaw Karen Common Bible

⁶ စီၤပၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်အိၣ်ဖှိၣ်ရိ ဖှိၣ်ဖဲယွၤအတၢ်အၢၣ်လီၤအီလီၤအတလါအမဲာ်ညါဒီးလုၢ်ထီၣ်ပာ်ထီၣ်သိ ဒီးဂီၤဖံးအါအါဂီၢ်ဂီၢ်တုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:13

ဖဲပှၤတဖၣ်လၢအစိာ်ထီၣ်ယွၤအတၢ်အၢၣ်လီၤအီလီၤအတလါစီဆှံ ခါထီၣ်အခီၣ်ကါဃုကါဝံၤအလီၢ်ခံန့ၣ်, စီၤဒၤဝံးမၢအအိၣ်ကတီၢ်ဖဲအဝဲလုၢ်ထီၣ်ပာ်ထီၣ်ကျီၢ်ဖါတဒု ဒီးဂီၤဖံးဖိအဘီၣ်တဒုဆူယွၤအအိၣ်အခါန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:5

စီၤပၤၡလိၤမိၤဒီးကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် အိၣ်ဖှိၣ်ရိဖှိၣ်ဝဲလၢယွၤအတၢ်အၢၣ်လီၤအီလီၤအတလါအမဲာ်ညါ, ဒီးလုၢ်ထီၣ်ပာ်ထီၣ်သိ, ဒီးဂီၤဖံးအါအါကလဲာ်, အါတုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:21

မုၢ်ဆ့ၣ်ထီၣ်တနံၤန့ၣ်, အဝဲသ့ၣ်မၤသံဆၣ်ဖိကီၢ်ဖိတဖၣ်ဒ်တၢ် လုၢ်တၢ်ပာ်တဖၣ်အသိး, ပာ်စီဆှံထီၣ်ဝဲဆူယွၤဝံၤဒီးဟ့ၣ်နီၤလီၤဝဲဆူပှၤဂီၢ်မုၢ် လၢကအီၣ်ဝဲအဂီၢ်န့ၣ်လီၤ. အါန့ၢ်အန့ၣ်, အဝဲသ့ၣ်လုၢ်ထီၣ်တ့ၢ်ဂီၤဖံးဖါအဒုတကထိ, သိဖါအဒုတကထိ, လၢအဆိၣ်ကဲၤထီၣ်ဝဲခဲလၢာ်ခဲဆ့လၢတၢ်လုၢ် လီၢ်အဖီခိၣ်န့ၣ်လီၤ. အဝဲသ့ၣ်ဟဲစိာ်စ့ၢ်ကီးတၢ်လုၢ်စပံးထံတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:5

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်စ့ၢ်ကီး, စိာ်ဃီၤဝဲယွၤအဒဲစီဆှံလၢအိၣ်ဝဲဆိးဝဲဒီးကယဲၢ်တၢ်အပီး အလီခဲလၢာ်ဆူယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:7

အန့ၣ်ဝံၤဒီး, ပှၤလုၢ်တၢ်အခိၣ်တဖၣ်စိာ်ထီၣ်ဝဲယွၤအတၢ်အၢၣ်လီၤ အီလီၤအတလါဆူယွၤအတၢ်လုၢ်ဟံၣ်အပူၤဒီးပာ်ဝဲလၢတၢ်လီၢ်စီ ဆှံကတၢၢ်အပူၤဖဲခ့ရူာ်တဖၣ်အခီၣ်ထံးန့ၣ်လီၤ.